ಕೇರಳದ ಕ್ಯಾಂಪಸ್‍ಗಳಲ್ಲಿ ವಿಭಜನೆ ಭೀತಿ ದಿನವನ್ನು ಆಚರಿಸದಿರಲು ಸರ್ಕಾರ ನಿರ್ಧಾರ: ರಾಜ್ಯಪಾಲರ ಕ್ರಮ ಕೋಮು ಧ್ರುವೀಕರಣಕ್ಕೆ ಕಾರಣವಾಗುತ್ತದೆ: ಸಚಿವೆ ಆರ್. ಬಿಂದು

ತಿರುವನಂತಪುರಂ: ಕೇರಳದ ಕ್ಯಾಂಪಸ್‍ಗಳಲ್ಲಿ ವಿಭಜನೆ ಭೀತಿ ದಿನವನ್ನು ಆಚರಿಸದಿರಲು ಸರ್ಕಾರ ನಿರ್ಧರಿಸಿದೆ ಎಂದು ಸಚಿವೆ ಆರ್. ಬಿಂದು ಹೇಳಿರುವರು.

ಅಭೂತಪೂರ್ವ ಕ್ರಮದ ಭಾಗವಾಗಿ ವಿಭಜನೆ ಭೀತಿ ದಿನವನ್ನು ಆಚರಿಸಲು ರಾಜ್ಯಪಾಲರು ಆದೇಶ ನೀಡಿದ್ದಾರೆ, ಆದರೆ ರಾಜ್ಯಪಾಲರ ಈ ನಡೆ ಕೋಮು ಧ್ರುವೀಕರಣಕ್ಕೆ ಕಾರಣವಾಗುತ್ತದೆ ಎಂದು ಸಚಿವರು ಹೇಳಿದರು.

ವಿಶ್ವವಿದ್ಯಾಲಯಗಳು ಕ್ಯಾಂಪಸ್‍ಗಳಲ್ಲಿ ಯಾವ ಕಾರ್ಯಕ್ರಮಗಳನ್ನು ನಡೆಸಬೇಕೆಂದು ನಿರ್ದೇಶಿಸಲು ಸಾಧ್ಯವಿಲ್ಲ. ಕೋಮು ವೈರತ್ವಕ್ಕೆ ಕಾರಣವಾಗುವ ವಿಷಯಗಳನ್ನು ಕ್ಯಾಂಪಸ್‍ಗಳಲ್ಲಿ ನಡೆಸಬಾರದು. ಎಲ್ಲರೂ ಜಾತ್ಯತೀತತೆಯನ್ನು ಉತ್ತೇಜಿಸಲು ಪ್ರಯತ್ನಿಸಬೇಕು ಎಂದು ಸಚಿವರು ಮಾಧ್ಯಮಗಳಿಗೆ ತಿಳಿಸಿದರು.