ಶ್ವೇತಾ ಮೆನನ್ ಹೈಕೋರ್ಟ್ ಮೊರೆ: ಅಶ್ಲೀಲ ಚಿತ್ರಗಳ ಮೂಲಕ ಹಣ ಗಳಿಸಿದ ದೂರಿನ ತನಿಖೆಗೆ ತಕ್ಷಣ ತಡೆ ನೀಡಲು ಮನವಿ

ಕೊಚ್ಚಿ: ಅಶ್ಲೀಲ ಚಿತ್ರಗಳಲ್ಲಿ ನಟಿಸಿ ದೃಶ್ಯಗಳನ್ನು ಹರಡುವ ಮೂಲಕ ಹಣ ಗಳಿಸಿದ ಪ್ರಕರಣದ ತನಿಖೆಗೆ ತಕ್ಷಣ ತಡೆ ನೀಡುವಂತೆ ಮತ್ತು ಎಫ್‍ಐಆರ್ ರದ್ದುಗೊಳಿಸುವಂತೆ ಕೋರಿ ನಟಿ ಶ್ವೇತಾ ಮೆನನ್ ಹೈಕೋರ್ಟ್‍ಗೆ ಅರ್ಜಿ ಸಲ್ಲಿಸಿದ್ದಾರೆ.

ನಿನ್ನೆ, ಎರ್ನಾಕುಳಂ ಸಿಜೆಎಂ ನ್ಯಾಯಾಲಯವು ಶ್ವೇತಾ ವಿರುದ್ಧ ಪ್ರಕರಣ ದಾಖಲಿಸಲು ಆದೇಶಿಸಿತ್ತು. ನಂತರ, ಎರ್ನಾಕುಳಂ ಕೇಂದ್ರ ಪೋಲೀಸರು ಐಟಿ ಕಾಯ್ದೆಯ ಸೆಕ್ಷನ್ 67 (ಎ) ಮತ್ತು ಅನೈತಿಕ ಚಟುವಟಿಕೆಗಳ ತಡೆ ಕಾಯ್ದೆಯ ಸೆಕ್ಷನ್ 5 ಮತ್ತು 3 ರ ಅಡಿಯಲ್ಲಿ ಎಫ್‍ಐಆರ್ ದಾಖಲಿಸಿದ್ದಾರೆ. ಇದನ್ನು ರದ್ದುಗೊಳಿಸಬೇಕು ಎಂಬುದು ಶ್ವೇತಾ ಅವರ ಬೇಡಿಕೆಯಾಗಿದೆ. ನ್ಯಾಯಾಲಯವು ಇಂದು ಮಧ್ಯಾಹ್ನ ಪ್ರಕರಣವನ್ನು ಪರಿಗಣಿಸಿದ್ದು, ಮಾಹಿತಿ ಲಭಿಸಿಲ್ಲ. 

ಶ್ವೇತಾ ಮೆನನ್ ತಾರಾ ಸಂಘಟನೆ ಅಮ್ಮಾ ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸುತ್ತಿದ್ದಾರೆ. ಈ ತಿಂಗಳ 15 ರಂದು ಚುನಾವಣೆ ನಡೆಯಲಿದೆ. ಈ ಸಂಬಂಧ ಶ್ವೇತಾ ವಿರುದ್ಧ ಪ್ರಕರಣ ದಾಖಲಾಗಿರುವ ಬಗ್ಗೆ ಚಲನಚಿತ್ರೋದ್ಯಮದಿಂದಲೇ ಅನುಮಾನಗಳು ವ್ಯಕ್ತವಾಗಿವೆ. ಈ ಪ್ರಕರಣವು ಚುನಾವಣೆಯಲ್ಲಿ ಸ್ಪರ್ಧಿಸದಂತೆ ಹಿನ್ನಡೆಯಾಗಬಹುದೆಂಬ ಆತಂಕದ ನಡುವೆ ಶ್ವೇತಾ ಮೆನನ್ ತಕ್ಷಣ ಹೈಕೋರ್ಟ್‍ಗೆ ಅರ್ಜಿ ಸಲ್ಲಿಸಿದ್ದಾರೆ.