ಪಿಂಚಣಿ/ಜಿಪಿಎಫ್ ಕುಂದುಕೊರತೆ ಪರಿಹರಿಸಲು ಎಜಿ ಕಚೇರಿ ಅದಾಲತ್‍ಗಳು ಅಕ್ಟೋಬರ್ 14 ರಿಂದ

ತಿರುವನಂತಪುರಂ: ಕೇರಳ ಸರ್ಕಾರದ ಸೇವೆಯಲ್ಲಿರುವ ಮತ್ತು ನಿವೃತ್ತ ನೌಕರರು, ಪಿಂಚಣಿದಾರರು ಮತ್ತು ಕುಟುಂಬ ಪಿಂಚಣಿದಾರರ ಪಿಂಚಣಿ ಮತ್ತು ಜಿಪಿಎಫ್‍ಗೆ ಸಂಬಂಧಿಸಿದ ಕುಂದುಕೊರತೆಗಳನ್ನು ಪರಿಹರಿಸಲು ಅದಾಲತ್‍ಗಳನ್ನು (ಎ & ಇ) ನಡೆಸುತ್ತಿದೆ. ದೀರ್ಘಕಾಲದ ಕುಂದುಕೊರತೆಗಳನ್ನು ಪರಿಹರಿಸಲು ಅದಾಲತ್‍ಗಳನ್ನು ಆಯೋಜಿಸಲಾಗಿದೆ. ರಾಜ್ಯದ ಮೂರು ಪ್ರಮುಖ ಕೇಂದ್ರಗಳಲ್ಲಿ ಅದಾಲತ್‍ಗಳನ್ನು ಆಯೋಜಿಸಲಾಗಿದೆ.

ತಿರುವನಂತಪುರಂ, ಕೊಲ್ಲಂ ಮತ್ತು ಪತ್ತನಂತಿಟ್ಟ ಜಿಲ್ಲೆಗಳಲ್ಲಿರುವವರಿಗೆ ಅಕ್ಟೋಬರ್ 14 ರಂದು ತಿರುವನಂತಪುರಂನ ಎಂ.ಜಿ. ರಸ್ತೆಯಲ್ಲಿರುವ ಅಕೌಂಟೆಂಟ್ ಜನರಲ್ (ಎ & ಇ) ಕಚೇರಿಯಲ್ಲಿ ಅದಾಲತ್ ನಡೆಯಲಿದೆ.

ಆಲಪ್ಪುಳ, ಕೊಟ್ಟಾಯಂ, ಎರ್ನಾಕುಳಂ, ಇಡುಕ್ಕಿ ಮತ್ತು ತ್ರಿಶೂರ್ ಜಿಲ್ಲೆಗಳಲ್ಲಿರುವವರಿಗೆ ಅಕ್ಟೋಬರ್ 21 ರಂದು ಎರ್ನಾಕುಳಂ ಮತ್ತು ಕಾಲೂರಿನ ಗೋಲ್ಡನ್ ಜುಬಿಲಿ ರಸ್ತೆಯಲ್ಲಿರುವ ಅಕೌಂಟೆಂಟ್ ಜನರಲ್ (ಎ & ಇ) ಶಾಖಾ ಕಚೇರಿಯಲ್ಲಿ ಅದಾಲತ್ ನಡೆಯಲಿದೆ. 

ಕೋಝಿಕ್ಕೋಡ್, ಪಾಲಕ್ಕಾಡ್, ಮಲಪ್ಪುರಂ, ಕಣ್ಣೂರು, ವಯನಾಡ್ ಮತ್ತು ಕಾಸರಗೋಡು ಜಿಲ್ಲೆಗಳಲ್ಲಿರುವವರಿಗೆ ಅಕ್ಟೋಬರ್ 27 ರಂದು ಕೋಝಿಕ್ಕೋಡ್‍ನ ಜವಾಹರ್ ನಗರದಲ್ಲಿರುವ ಅಕೌಂಟೆಂಟ್ ಜನರಲ್ (ಎ & ಇ) ಶಾಖಾ ಕಚೇರಿಯಲ್ಲಿ ಅದಾಲತ್ ನಡೆಯಲಿದೆ.

ದೂರುಗಳನ್ನು ಸಲ್ಲಿಸಲು ಮಾದರಿ ಅರ್ಜಿ ನಮೂನೆಯು ಎಜಿಯ ಅಧಿಕೃತ ವೆಬ್‍ಸೈಟ್ https://cag.gov.in/ae/kerala/en ನಲ್ಲಿ ಲಭ್ಯವಿದೆ.

ಪಿಂಚಣಿ ಮತ್ತು ಕುಟುಂಬ ಪಿಂಚಣಿಗೆ ಸಂಬಂಧಿಸಿದ ದೂರುಗಳನ್ನು pensionadalat.ker.ae@cag.gov.in  ಇ-ಮೇಲ್ ವಿಳಾಸಕ್ಕೆ ಮತ್ತು GPF ಗೆ ಸಂಬಂಧಿಸಿದ ದೂರುಗಳನ್ನು gpfadalaat.ker.ae@cag.gov.in  ಇ-ಮೇಲ್ ವಿಳಾಸಕ್ಕೆ ಕಳುಹಿಸಬಹುದು.

ಅಂಚೆ ಮೂಲಕ ದೂರುಗಳನ್ನು ಕಳುಹಿಸುವವರು ಲಕೋಟೆಯ ಮೇಲೆ “ಪಿಂಚಣಿ ಅರ್ಜಿ/ಉPಈ ಅದಾಲತ್” ಎಂದು ಸ್ಪಷ್ಟವಾಗಿ ಗುರುತಿಸಬೇಕು. ಅರ್ಜಿಗಳನ್ನು ಅಕೌಂಟೆಂಟ್ ಜನರಲ್ (ಂ&ಇ), ಕೇರಳ, ಒಉ ರಸ್ತೆ, ತಿರುವನಂತಪುರಂ - 695001 ವಿಳಾಸಕ್ಕೆ ಕಳುಹಿಸಬೇಕು.

ನಿಗದಿತ ನಮೂನೆಯಲ್ಲಿ ಸಿದ್ಧಪಡಿಸಲಾದ ದೂರುಗಳನ್ನು ಅದಾಲತ್ ದಿನಾಂಕಕ್ಕಿಂತ ಕನಿಷ್ಠ 15 ದಿನಗಳ ಮೊದಲು ಸಲ್ಲಿಸಬೇಕು. ಗಡುವಿನ ನಂತರ ಸ್ವೀಕರಿಸಿದ ಅರ್ಜಿಗಳನ್ನು ಪರಿಗಣಿಸಲಾಗುವುದಿಲ್ಲ.

ನ್ಯಾಯಾಲಯದ ಮುಂದೆ ಬಾಕಿ ಇರುವ ಪ್ರಕರಣಗಳು, ನ್ಯಾಯಾಲಯವು ತೆಗೆದುಕೊಂಡ ನಿರ್ಧಾರಗಳು ಅಥವಾ ಕಳೆದ ಮೂರು ತಿಂಗಳೊಳಗೆ ಸ್ವೀಕರಿಸಿದ ಹೊಸ ಪ್ರಕರಣಗಳನ್ನು ಈ ಅದಾಲತ್‍ನಲ್ಲಿ ಪರಿಗಣಿಸಲಾಗುವುದಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.