ಓಣಂ ಹಬ್ಬದಲ್ಲಿ ತೂರಾಡಿದ ಮಲೆಯಾಳಿಗಳು: 826 ಕೋಟಿ ರೂ. ಮೌಲ್ಯದ ಮದ್ಯ ಮಾರಾಟ ಮಾಡಿದ ಬೆವ್ಕೊ

ತಿರುವನಂತಪುರಂ: ಓಣಂ ಋತುವಿನಲ್ಲಿ ಬಿವರೇಜ್ ಕಾರ್ಪೋರೇಶನ್ ದಾಖಲೆಯ ಮದ್ಯ ಮಾರಾಟವನ್ನು ದಾಖಲಿಸಿದೆ. ಓಣಂನ 10 ದಿನಗಳಲ್ಲಿ ಅಂಗಡಿಗಳು ಮತ್ತು ಗೋದಾಮುಗಳ ಮೂಲಕ 826 ಕೋಟಿ ರೂ. ಮೌಲ್ಯದ ಮದ್ಯ ಮಾರಾಟವಾಗಿದೆ.

ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಇದು 50 ಕೋಟಿ ರೂ. ಹೆಚ್ಚಳವಾಗಿದೆ. ಕಳೆದ ಓಣಂನಲ್ಲಿ 776 ಕೋಟಿ ರೂ. ಮೌಲ್ಯದ ಮದ್ಯ ಮಾರಾಟವಾಗಿದೆ. ಈ ಓಣಂನ ಉತ್ರಾಡಂ ದಿನದಂದು ಮಾತ್ರ 137 ಕೋಟಿ ರೂ. ಮಾರಾಟವಾಗಿದೆ. ಕಳೆದ ವರ್ಷ ಇದು 126 ಕೋಟಿ ರೂ. ಆಗಿತ್ತು.

ಉತ್ರಾಡಂ ದಿನದಂದು 1 ಕೋಟಿ ರೂ.ಗಿಂತ ಹೆಚ್ಚು ಮಾರಾಟವಾದ ಆರು ಮಳಿಗೆಗಳು ರಾಜ್ಯದಲ್ಲಿವೆ. ಇವುಗಳಲ್ಲಿ ಮೂರು ಕೊಲ್ಲಂ ಜಿಲ್ಲೆಯಲ್ಲಿವೆ, ಕರುನಾಗಪ್ಪಳ್ಳಿ ಔಟ್ಲೆಟ್ ಅತಿ ಹೆಚ್ಚು 1.46 ಕೋಟಿ ರೂ. ಮಾರಾಟವನ್ನು ಹೊಂದಿದೆ. ಕವನಾಡ್ (ಆಶ್ರಮ) ಔಟ್ಲೆಟ್ ನಲ್ಲಿ 1.24 ಕೋಟಿ ರೂ., ಮಲಪ್ಪುರಂನ ಎಡಪ್ಪಲ್ ನ ಕುಟ್ಟಿಪಾಲ ಔಟ್ಲೆಟ್ ನಲ್ಲಿ 1.11 ಕೋಟಿ ರೂ., ತ್ರಿಶೂರ್ ನ ಚಾಲಕುಡಿ ಔಟ್ಲೆಟ್ ನಲ್ಲಿ 1.07 ಕೋಟಿ ರೂ., ಇರಿಂಞಲಕುಡ ಔಟ್ಲೆಟ್ ನಲ್ಲಿ 1.03 ಕೋಟಿ ರೂ. ಮತ್ತು ಕೊಲ್ಲಂನ ಕುಂಡರದಲ್ಲಿ 1 ಕೋಟಿ ರೂ. ಮೌಲ್ಯದ ಮದ್ಯ ಮಾರಾಟವಾಗಿದೆ. ತಿರುಓಣಂ ದಿನದಂದು ಬೆವ್ಕೊ ಅಂಗಡಿಗಳು ತೆರೆದಿರಲಿಲ್ಲ.