ವಿಶ್ವವಿದ್ಯಾಲಯದ ಹೆಸರನ್ನು ದುರುಪಯೋಗ: ವಿಸ್ಡಮ್ ಇಸ್ಲಾಮಿಕ್ ಸಂಘಟನೆಯ ವಿರುದ್ಧ ಕಾನೂನು ಕ್ರಮಕ್ಕೆ ಮುಂದಾದ ಕುಸಾಟ್

ಕೊಚ್ಚಿ: ವಿಶ್ವವಿದ್ಯಾಲಯದ ಹೆಸರನ್ನು ದುರುಪಯೋಗಪಡಿಸಿಕೊಂಡಿದ್ದಕ್ಕಾಗಿ ವಿಸ್ಡಮ್ ಇಸ್ಲಾಮಿಕ್ ಸಂಘಟನೆಯ ವಿರುದ್ಧ ಕುಸಾಟ್ ಕಾನೂನು ಕ್ರಮಕ್ಕೆ ಸಿದ್ಧತೆ ನಡೆಸುತ್ತಿದೆ.

ಪುರುಷರು ಮತ್ತು ಮಹಿಳೆಯರನ್ನು ಬೇರ್ಪಡಿಸುವ ಪ್ರೊಫ್ಕಾನ್ ಎಂಬ ಕಾರ್ಯಕ್ರಮದಲ್ಲಿ ವಿಶ್ವವಿದ್ಯಾಲಯದ ಹೆಸರನ್ನು ಅಕ್ರಮವಾಗಿ ಬಳಸಲಾಗಿದ್ದು, ಅದರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ವಿಶ್ವವಿದ್ಯಾಲಯದ ರಿಜಿಸ್ಟ್ರಾರ್ ಡಾ. ಎ.ಯು. ಅರುಣ್ ಹೇಳಿದ್ದಾರೆ. ವಿದೇಶಕ್ಕೆ ತೆರಳಿರುವ ಕುಲಪತಿ ಹಿಂದಿರುಗಿದ ನಂತರ ದೂರು ದಾಖಲಿಸಲಾಗುವುದು.

ಧರ್ಮ, ವಿಜ್ಞಾನ ಮತ್ತು ನೈತಿಕತೆಯ ವಿಷಯದ ಕುರಿತಾದ ಕಾರ್ಯಕ್ರಮವು ಅಕ್ಟೋಬರ್‍ನಲ್ಲಿ ಮಂಗಳೂರಿನಲ್ಲಿ ನಡೆಯಲಿರುವ ವಿಸ್ಡಮ್ ಸಮ್ಮೇಳನದ ಭಾಗವಾಗಿತ್ತು. ಆದಾಗ್ಯೂ, ಈ ಕಾರ್ಯಕ್ರಮಕ್ಕೆ ವಿಶ್ವವಿದ್ಯಾಲಯಕ್ಕೂ ಯಾವುದೇ ಸಂಬಂಧವಿಲ್ಲ ಮತ್ತು ಕಾರ್ಯಕ್ರಮವನ್ನು ಕ್ಯಾಂಪಸ್‍ನ ಹೊರಗೆ ನಡೆಸಲಾಗಿದೆ ಎಂದು ಕುಸಾಟ್ ವಿವರಿಸಿದೆ. ಈ ಕಾರ್ಯಕ್ರಮದಲ್ಲಿ ವಿಶ್ವವಿದ್ಯಾಲಯದ ಯಾರೂ ಭಾಗವಹಿಸಿಲ್ಲ ಎಂಬ ವಿವರಣೆ ನೀಡಲಾಗಿದೆ.