ಲೈಂಗಿಕ ಆರೋಪ ವಿವಾದದ ನಡುವೆಯೇ, ಶಬರಿಮಲೆಗೆ ಭೇಟಿ ನೀಡಿದ ಶಾಸಕ ರಾಹುಲ್ ಮಾಂಕೂಟತ್ತಿಲ್

ಪತ್ತನಂತಿಟ್ಟ: ಲೈಂಗಿಕ ಆರೋಪ ವಿವಾದದ ನಡುವೆಯೇ ವಿಧಾನಸಭೆಗೆ ಆಗಮಿಸಿದ್ದ ಪಾಲಕ್ಕಾಡ್ ಶಾಸಕ ರಾಹುಲ್ ಮಾಂಕೂಟತ್ತಿಲ್ ಶಬರಿಮಲೆಗೆ ಭೇಟಿ ನೀಡಿದರು. ರಾಹುಲ್ ಮಾಂಕೂಟತ್ತಿಲ್ ಅವರು ಅಡೂರ್‍ನಲ್ಲಿರುವ ತಮ್ಮ ಮನೆಯ ಬಳಿಯ ದೇವಸ್ಥಾನದಿಂದ ಇರುಮುಡಿ ಕಟ್ಟಿ  ಶಬರಿಮಲೆ ದರ್ಶನ ಪಡೆದರು.

ರಾಹುಲ್ ಮಾಂಕೂಟತ್ತಿಲ್ ಮೊನ್ನೆ ರಾತ್ರಿ 10 ಗಂಟೆ ಸುಮಾರಿಗೆ ಪಂಪಾ ತಲುಪಿ ಬಳಿಕ ಪಂಪಾದಿಂದ ಸನ್ನಿಧಾನಕ್ಕೆ ಹೊರಟರು. ನಿನ್ನೆ ಬೆಳಿಗ್ಗೆ ದರ್ಶನ ಪಡೆದ ನಂತರ ಅವರು ಹಿಂತಿರುಗಿದರು. 

ಅವರು ಲೈಂಗಿಕ ಆರೋಪದ ನಂತರದ ವಿವಾದದ ಬಿರುಗಾಳಿಯ ನಡುವೆಯೇ ವಿಧಾನಸಭೆಗೆ ಆಗಮಿಸಿದ್ದರು. ವಿರೋಧ ಪಕ್ಷದ ನಾಯಕ ವಿ.ಡಿ. ಸತೀಶನ್ ಮತ್ತು ಕಾಂಗ್ರೆಸ್ ನಾಯಕರ ಒಂದು ಭಾಗದ ನಿಲುವನ್ನು ತಿರಸ್ಕರಿಸಿ ರಾಹುಲ್ ವಿಧಾನಸಭೆ ಪ್ರವೇಶಿಸಿದರು. ವಿಧಾನಸಭೆ ಅಧಿವೇಶನದ ಮೊದಲ ದಿನದಂದು ರಾಹುಲ್ ಬಹಳ ಗೌಪ್ಯವಾಗಿ ವಿಧಾನಸಭೆ ಪ್ರವೇಶಿಸಿದ್ದರು.