ಸನಾತನ ಮೌಲ್ಯಗಳನ್ನು ನಾಶಮಾಡಲು ಪ್ರಯತ್ನಿಸುವವರ ವಿರುದ್ಧ ಎಲ್ಲರೂ ಭಗವಂತನಾಗಿ ಅವತರಿಸಬೇಕಾಗಿದೆ: ರಾಜ್ಯಪಾಲರು

ಪೆರುಂಬವೂರು: ಸನಾತನ ಮೌಲ್ಯಗಳನ್ನು ನಾಶಮಾಡಲು ಪ್ರಯತ್ನಿಸುವವರ ವಿರುದ್ಧ ಎಲ್ಲರೂ ಭಗವಂತನಾಗಿ ಅವತರಿಸಬೇಕಾಗಿದೆ ಎಂದು ರಾಜ್ಯಪಾಲ ರಾಜೇಂದ್ರ ವಿಶ್ವನಾಥ್ ಅರ್ಲೇಕರ್ ಹೇಳಿದರು.

ಪೆರುಂಬವೂರು ಇಎಂಎಸ್ ಟೌನ್ ಹಾಲ್‍ನಲ್ಲಿ ಯೋಗಕ್ಷೇಮ ಸಭಾದ ರಾಜ್ಯ ಸಮ್ಮೇಳನವನ್ನು ಉದ್ಘಾಟಿಸಿ ಅವರು ಮಾತನಾಡುತ್ತಿದ್ದರು. 

ಕಾಲಡಿ ಸಂಸ್ಕøತ ವಿಶ್ವವಿದ್ಯಾಲಯದಲ್ಲಿ ಶಂಕರಾಚಾರ್ಯರ ಪ್ರತಿಮೆಯನ್ನು ಅವರ ಹೆಸರಿನಿಂದ ಸ್ಥಾಪಿಸುವುದನ್ನು ಕೆಲವು ಶಕ್ತಿಗಳು ಇನ್ನೂ ವಿರೋಧಿಸುತ್ತಿವೆ. ಅಂತಹ ಜನರ ವಿರುದ್ಧ ಎಲ್ಲರೂ ಜಾಗರೂಕರಾಗಿರಬೇಕು. ಎಲ್ಲಾ ಬಿಕ್ಕಟ್ಟಿನ ಸಮಯದಲ್ಲೂ ಭಗವಂತ ನೇರವಾಗಿ ಅವತರಿಸುವುದಿಲ್ಲ. ಅಂತಹ ಸಮಯದಲ್ಲಿ ನಮ್ಮಲ್ಲಿ ಪ್ರತಿಯೊಬ್ಬರಲ್ಲೂ ಭಗವಂತನ ಶಕ್ತಿ ಆವಿರ್ಭವಿಸಬೇಕು. ಸನಾತನ ಮೌಲ್ಯಗಳನ್ನು ರಕ್ಷಿಸಲು ಯೋಗಕ್ಷೇಮ ಸಭಾದ ಚಟುವಟಿಕೆಗಳಲ್ಲಿ ತಾನು ಕೈಜೋಡಿಸುವೆ ಎಂದು ರಾಜ್ಯಪಾಲರು ಸ್ಪಷ್ಟಪಡಿಸಿದರು.

ರಾಜ್ಯಾಧ್ಯಕ್ಷ ಅಕ್ಕಿರಾಮನ್ ಕಾಳಿದಾಸನ್ ಭಟ್ಟತ್ತಿರಿಪಾಡ್ ಅಧ್ಯಕ್ಷತೆ ವಹಿಸಿದ್ದರು. ತ್ರಿಪುಣಿತುರ ಸರ್ಕಾರಿ ಸಂಸ್ಕೃತ ಕಾಲೇಜಿನ ಉಪ ಪ್ರಾಂಶುಪಾಲೆ ಡಾ. ಸರಿತಾ ಮಹೇಶ್ವರನ್ ಶ್ರೀ ಶಂಕರಾಚಾರ್ಯರ ಸ್ಮರಣಾರ್ಥ ಸೇವೆಯನ್ನು ನೆರವೇರಿಸಿದರು. ಕಾಲಡಿ ಸಂಸ್ಕೃತ ವಿಶ್ವವಿದ್ಯಾಲಯದ ಸಿಂಡಿಕೇಟ್ ಸದಸ್ಯ ಡಾ. ಕೆ. ಉಣ್ಣಿಕೃಷ್ಣನ್ ನಂಬೂದಿರಿ ಸ್ಮರಣಿಕೆ ಬಿಡುಗಡೆ ಮಾಡಿದರು. ಸ್ವರ್ಣನಾಥ ಮನ ನಾರಾಯಣನ್ ನಂಬೂದಿರಿ, ಶ್ರೀಕುಮಾರ್ ಕಪ್ಪಿಲ್ಲಿ, ಸ್ವಾಗತ ಸಮಿತಿ ಅಧ್ಯಕ್ಷ ಶಿವದಾಸ್ ಪುತುವಮನ, ರಾಜ್ಯ ಪ್ರಧಾನ ಕಾರ್ಯದರ್ಶಿ ಕೊಡುಪ್ಪುನ್ನ ಕೃಷ್ಣನ್ ಪೋತ್ತಿ ಮತ್ತಿತರರು ಮಾತನಾಡಿದರು. ರಾಜ್ಯ ಸಮ್ಮೇಳನ ಇಂದು ಮುಕ್ತಾಯಗೊಳ್ಳಲಿದೆ. ಮಧ್ಯಾಹ್ನ 2.30 ಕ್ಕೆ ಸುಮಾರು ಎಂಟು ಸಾವಿರ ಕುಟುಂಬ ಸದಸ್ಯರು ಭಾಗವಹಿಸಿದ ಸಮಾರೋಪ ಮೆರವಣಿಗೆ ನಗರಸಭೆಯ ಟೌನ್ ಹಾಲ್ ನಿಂದ ಆರಂಭವಾಯಿತು. ಸಮ್ಮೇಳನ ನಗರದಲ್ಲಿ ಮುಕ್ತಾಯಗೊಳ್ಳಲಿದೆ. ಸಮಾರೋಪ ಸಮ್ಮೇಳನವನ್ನು ಕೇಂದ್ರ ಸಚಿವ ಜಾರ್ಜ್ ಕುರಿಯನ್ ಉದ್ಘಾಟಿಸಿದರು.