ಕೋಡಡೋಂ ಬೆಳ್ಳೂರು ಸರ್ಕಾರಿ ಐಟಿಐಯ ಹೊಸ ಕಟ್ಟಡಕ್ಕೆ ಶಂಕುಸ್ಥಾಪನೆ

ಕಾಸರಗೋಡು: ಕೋಡೋಂ ಬೆಳ್ಳೂರು ಗ್ರಾಮ ಪಂಚಾಯತಿಯ ಕೋಟಂನಲ್ಲಿ ಕಾರ್ಯಾಚರಣೆ ಆರಂಭಿಸಿದ ಸರ್ಕಾರಿ ಐಟಿಐ ತನ್ನದೇ ಆದ ಕಟ್ಟಡವನ್ನು ಹೊಂದಲಿದೆ. ಕಾಞಂಗಾಡ್ ಶಾಸಕ ಇ. ಚಂದ್ರಶೇಖರನ್ ಅವರು ಶಂಕುಸ್ಥಾಪನೆ ನೆರವೇರಿಸಿದರು. 2017 ರಲ್ಲಿ ಪ್ರಾರಂಭವಾದ ಐಟಿಐನಿಂದ ಇದುವರೆಗೆ ಸುಮಾರು 600 ಜನರು ತಮ್ಮ ತರಬೇತಿಯನ್ನು ಪೂರ್ಣಗೊಳಿಸಿದ್ದಾರೆ ಮತ್ತು ವಿವಿಧ ವೃತ್ತಿಗಳನ್ನು ಪ್ರವೇಶಿಸಿದ್ದಾರೆ ಎಂದು ಶಾಸಕರು ಹೇಳಿದರು. ಹಳೆಯ ದಿನಗಳಿಗಿಂತ ಭಿನ್ನವಾಗಿ, ನಮ್ಮ ರಾಜ್ಯದಲ್ಲಿ ಕೈಗಾರಿಕಾ ವಲಯದಲ್ಲಿ ಉತ್ತಮ ಪ್ರಗತಿ ಕಂಡುಬಂದಿದೆ. ಕೈಗಾರಿಕಾ ಪ್ರಗತಿಗೆ ಬಹಳ ಮುಖ್ಯವಾದ ಹೊಸ ಕಾಲದಲ್ಲಿ ವೃತ್ತಿಪರ ಶಿಕ್ಷಣ ಅತ್ಯಗತ್ಯ. ಎರಡು ಮಹಡಿಗಳಲ್ಲಿ 1100 ಚದರ ಅಡಿ ವಿಸ್ತೀರ್ಣವನ್ನು ಹೊಂದಿರುವ 6 ಕೋಟಿ 9 ಲಕ್ಷ ರೂ. ವೆಚ್ಚದಲ್ಲಿ ಎರಡು ಮಹಡಿಗಳಲ್ಲಿ ನಿರ್ಮಿಸಲಾಗುತ್ತಿರುವ ಹೊಸ ಕಟ್ಟಡವು ಪ್ಲಂಬಿಂಗ್ ಲ್ಯಾಬ್, ಎಲೆಕ್ಟ್ರಿಕಲ್ ವರ್ಕ್‍ಶಾಪ್, ಕಂಪ್ಯೂಟರ್ ಲ್ಯಾಬ್, ಎರಡು ತರಗತಿ ಕೊಠಡಿಗಳು, ಪ್ರಾಂಶುಪಾಲರ ಕೊಠಡಿ ಮತ್ತು ಶೌಚಾಲಯಗಳಂತಹ ಎಲ್ಲಾ ಮೂಲಭೂತ ಸೌಲಭ್ಯಗಳನ್ನು ಒಳಗೊಂಡಿದೆ. ಹೊಸ ಕಟ್ಟಡ ಮತ್ತು ಸೌಲಭ್ಯಗಳ ಲಭ್ಯತೆಯೊಂದಿಗೆ, ಆಧುನಿಕ ಕೋರ್ಸ್‍ಗಳನ್ನು ಪ್ರಾರಂಭಿಸಬಹುದು ಮತ್ತು ಐಟಿಐ ಅನ್ನು ಜಿಲ್ಲೆಯಲ್ಲಿಯೇ ಆಕರ್ಷಕ ಕೇಂದ್ರವನ್ನಾಗಿ ಮಾಡಬಹುದು ಎಂದು ಅವರು ಹೇಳಿದರು. 

ಜಿಲ್ಲಾ ಪಂಚಾಯತ್ ಅಧ್ಯಕ್ಷೆ ಪಿ. ಬೇಬಿ ಬಾಲಕೃಷ್ಣನ್ ಅಧ್ಯಕ್ಷತೆ ವಹಿಸಿದ್ದರು. ಪರಪ್ಪ ಬ್ಲಾಕ್ ಪಂಚಾಯತ್ ಅಧ್ಯಕ್ಷೆ ಎಂ. ಲಕ್ಷ್ಮಿ ಕೋಟಮ್ ಮತ್ತು ಬೇಲೂರು ಗ್ರಾಮ ಪಂಚಾಯತ್ ಅಧ್ಯಕ್ಷೆ ಪಿ. ಶ್ರೀಜಾ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು. ಸಹಾಯಕ ಕಾರ್ಯನಿರ್ವಾಹಕ ಎಂಜಿನಿಯರ್ ಪಿ. ಎಂ. ಯಮುನಾ ವರದಿ ಮಂಡಿಸಿದರು. ಜಿಲ್ಲಾ ಪಂಚಾಯತ್ ಸದಸ್ಯೆ ಶಿನೋಜ್ ಚಾಕೊ, ಬ್ಲಾಕ್ ಪಂಚಾಯತ್ ಸದಸ್ಯೆ ಟಿ.ವಿ. ಶ್ರೀಲತಾ, ಪಂಚಾಯತ್ ಉಪಾಧ್ಯಕ್ಷ ಪಿ. ದಾಮೋದರನ್, ಗ್ರಾಮ ಪಂಚಾಯತ್ ಸದಸ್ಯರಾದ ಪಿ. ಕುಂuಟಿಜeಜಿiಟಿeಜಕೃಷ್ಣನ್ ಸೂರ್ಯ ಗೋಪಾಲನ್, ಅನೂಪ್ ವಿ.ಕೆ., ಟಿ.ಪಿ. ಮಧು, ವಿವಿಧ ರಾಜಕೀಯ ಪಕ್ಷಗಳ ಪ್ರತಿನಿಧಿಗಳಾದ ಪಿ. ಗೋವಿಂದನ್, ಟಿ.ಕೆ. ರಾಮಚಂದ್ರನ್, ಎ. ರಾಮಚಂದ್ರನ್, ಪಿ.ಟಿ.ಎ. ಉಪಾಧ್ಯಕ್ಷ ಪಿ. ಅನಿತಾ, ವಿ. ಪಂಕಜಾಕ್ಷನ್, ಎಲ್‍ಎಸ್‍ಜಿಡಿ ಜಂಟಿ ನಿರ್ದೇಶಕ ಆರ್. ಸುಧಾಶಂಕರ್ ಸ್ವಾಗತಿಸಿದರು ಮತ್ತು ಐಟಿಐ ಪ್ರಾಂಶುಪಾಲ ಇ.ಕೆ. ಸುಧೀಶ್ ಬಾಬು ವಂದಿಸಿದರು.