ಜಾಗತಿಕ ಅಯ್ಯಪ್ಪ ಸಂಗಮದಿಂದ ಕಾಂಗ್ರೆಸ್ ಮತ್ತು ಬಿಜೆಪಿ ದೂರ ಉಳಿದಿದ್ದಕ್ಕಾಗಿ ಟೀಕಿಸಿದ ಎನ್,ಎಸ್.ಎಸ್ ಪ್ರಧಾನ ಕಾರ್ಯದರ್ಶಿ ಜಿ. ಸುಕುಮಾರನ್ ನಾಯರ್

ತಿರುವನಂತಪುರಂ: ಬಹಿರಂಗವಾಗಿ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿರುವ ಎನೆಸ್.ಎಸ್. ಪ್ರಧಾನ ಕಾರ್ಯದರ್ಶಿ ಸಂಘ ಪರಿವಾರ ಶಿಬಿರಗಳಿಂದ ವ್ಯಾಪಕ ಸೈಬರ್ ದಾಳಿಯನ್ನು ಎದುರಿಸುತ್ತಿದ್ದಾರೆ.

ಸುಕುಮಾರನ್ ನಾಯರ್ ಸರ್ಕಾರವನ್ನು ಬೆಂಬಲಿಸುವ ಸುದ್ದಿಗಳನ್ನು ಆನ್‍ಲೈನ್ ಮಾಧ್ಯಮಗಳು ಸ್ಟ್ ಮಾಡಿದ ನಂತರ, ಸಂಘ ಪರಿವಾರ ಪರ ಖಾತೆಗಳು ನಿಂದನೆಯಿಂದ ತುಂಬಿ ತುಳುಕುತ್ತಿವೆ. 

ಇದರ ಜೊತೆಗೆ, ಸಂಘ ಪರಿವಾರದ ವಾಟ್ಸಾಪ್ ಗುಂಪುಗಳು ಮತ್ತು ಶಬರಿಮಲೆ ರಕ್ಷಣಾ ಸಮಿತಿಯ ವಾಟ್ಸಾಪ್ ಗುಂಪಿನಲ್ಲಿ ಸುಕುಮಾರನ್ ನಾಯರ್ ವಿರುದ್ಧ ಸೈಬರ್ ದಾಳಿ ಮತ್ತು ನಿಂದನೆಗಳು ಹರಿಯುತ್ತಿವೆ.

ರಾಷ್ಟ್ರೀಯ ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಸುಕುಮಾರನ್ ನಾಯರ್ ತಮ್ಮ ನಿಲುವನ್ನು ಸ್ಪಷ್ಟಪಡಿಸಿದ್ದಾರೆ. ಚುನಾವಣೆಗಳು ಹತ್ತಿರವಾಗಿರುವುದರಿಂದ, ಮತ ಬ್ಯಾಂಕ್ ಗಳಿಸುವ ಗುರಿಯೊಂದಿಗೆ ಕಾಂಗ್ರೆಸ್ ಮತ್ತು ಬಿಜೆಪಿ ಕಾರ್ಯಕ್ರಮವನ್ನು ಬಹಿಷ್ಕರಿಸಿವೆ.

ಕಾಂಗ್ರೆಸ್‍ಗೆ ಹಿಂದೂ ಮತಗಳು ಅಗತ್ಯವಿಲ್ಲ ಮತ್ತು ಬಹುಶಃ ಅಲ್ಪಸಂಖ್ಯಾತ ಮತಗಳು ಮಾತ್ರ ಅವರಿಗೆ ಸಾಕು ಎಂಬುದು ಕಾಂಗ್ರೆಸ್‍ನ ಮೇಲಿನ ಅವರ ಟೀಕೆಯಾಗಿತ್ತು.

ಮಹಿಳೆಯರ ಪ್ರವೇಶಕ್ಕೆ ಅವಕಾಶ ನೀಡುವ ಸುಪ್ರೀಂ ಕೋರ್ಟ್ ತೀರ್ಪು ಬಂದಾಗ, ನಾಮಜಪ ಮೆರವಣಿಗೆಯೊಂದಿಗೆ ಮೊದಲು ಪ್ರತಿಭಟಿಸಿದವರು ಎನ್.ಎಸ್.ಎಸ್. ಕಾಂಗ್ರೆಸ್ ಮತ್ತು ಬಿಜೆಪಿ ಆರಂಭದಲ್ಲಿ ಅದರಲ್ಲಿ ಭಾಗವಹಿಸಲಿಲ್ಲ.

ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಬಂದಾಗ, ಅವರು ಅದರ ಭಾಗವಾದರು. ಆದರೆ ನಂತರ, ಸುಪ್ರೀಂ ಕೋರ್ಟ್ ತೀರ್ಪು ಆಚರಣೆಗಳಿಗೆ ವಿರುದ್ಧವಾಗಿದ್ದರೂ, ಎಲ್ಡಿಎಫ್ ಸರ್ಕಾರ ಮಹಿಳೆಯರ ಪ್ರವೇಶಕ್ಕೆ ಒತ್ತಾಯಿಸಲಿಲ್ಲ. ಅವರು ಬಯಸಿದರೆ ಅದನ್ನು ಮಾಡಬಹುದಿತ್ತು. ಸರ್ಕಾರ ಆಚರಣೆಗಳನ್ನು ರಕ್ಷಿಸುವ ನಿಲುವನ್ನು ತೆಗೆದುಕೊಂಡಿತು.

ಕೇಂದ್ರದಲ್ಲಿರುವ ಬಿಜೆಪಿ ಸರ್ಕಾರ ಮತ್ತು ಕಾಂಗ್ರೆಸ್ ಈ ವಿಷಯದಲ್ಲಿ ಏನನ್ನೂ ಮಾಡಲಿಲ್ಲ. ಶಬರಿಮಲೆಯ ಆಚರಣೆಗಳನ್ನು ರಕ್ಷಿಸುವುದು ಎನ್.ಎಸ್.ಎಸ್ ಗುರಿ ಎಂದು ಅವರು ಸ್ಪಷ್ಟಪಡಿಸಿದರು.

ಅಯ್ಯಪ್ಪ ಸಂಗಮವನ್ನು ಸರ್ಕಾರದ ಪಶ್ಚಾತ್ತಾಪವೆಂದು ನೋಡಲಾಗುವುದಿಲ್ಲ, ಇದು ತಪ್ಪನ್ನು ಸರಿಪಡಿಸುವ ವಿಷಯವಾಗಿದೆ ಮತ್ತು ಸರ್ಕಾರವು ಈ ಸಮಸ್ಯೆಯನ್ನು ಪರಿಹರಿಸಬಹುದು ಎಂದು ಅವರು ಹೇಳಿದರು.