ಟಿಇಟಿ: ಸುಪ್ರೀಂ ಕೋರ್ಟ್ ತೀರ್ಪಿನ ಪುನರ್ ಪರಿಶೀಲನೆ ಕೋರಿ ಅರ್ಜಿ

ಕೋಝಿಕೋಡ್: ಶಿಕ್ಷಕರ ಅರ್ಹತಾ ಪರೀಕ್ಷೆ (ಟಿಇಟಿ) ಕುರಿತ ಸುಪ್ರೀಂ ಕೋರ್ಟ್ ತೀರ್ಪಿನ ಬಗ್ಗೆ ಕೇಂದ್ರ ಶಿಕ್ಷಣ ಸಚಿವ ಧಮೇರ್ಂದ್ರ ಪ್ರಧಾನ್ ಕಳವಳ ವ್ಯಕ್ತಪಡಿಸಿದ್ದಾರೆ ಮತ್ತು ರಾಷ್ಟ್ರೀಯ ಶಿಕ್ಷಕರ ಸಂಘದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಟಿ.ಅನೂಪ್ ಕುಮಾರ್ ಪುನರ್ ಪರಿಶೀಲನಾ ಅರ್ಜಿ ಸಲ್ಲಿಸಿದ್ದಾರೆ. ಸುಪ್ರೀಂ ಕೋರ್ಟ್‍ನ ಹೊಸ ತೀರ್ಪು ದೇಶದ ಶಿಕ್ಷಣ ವಲಯವನ್ನು ಅಲುಗಾಡಿಸಬಹುದಾದ ಗಂಭೀರ ಬಿಕ್ಕಟ್ಟಿಗೆ ದಾರಿ ಮಾಡಿಕೊಡುತ್ತಿದೆ ಮತ್ತು ಲಕ್ಷಾಂತರ ಹಿರಿಯ ಶಿಕ್ಷಕರ ಉದ್ಯೋಗಗಳು ಅಪಾಯದಲ್ಲಿವೆ ಎಂದು ಅರ್ಜಿಯಲ್ಲಿ ತಿಳಿಸಲಾಗಿದೆ. ಈ ಪರಿಸ್ಥಿತಿಯಲ್ಲಿ ತಕ್ಷಣ ಮಧ್ಯಪ್ರವೇಶಿಸುವಂತೆ ಅವರು ಕೇಂದ್ರ ಸಚಿವರನ್ನು ಕೇಳಿಕೊಂಡಿದ್ದಾರೆ. 

ತೀರ್ಪಿನ ಪ್ರಕಾರ, ನೇಮಕಾತಿ ದಿನಾಂಕವನ್ನು ಲೆಕ್ಕಿಸದೆ ಪ್ರಸ್ತುತ ಸೇವೆಯಲ್ಲಿರುವ ಎಲ್ಲಾ ಶಿಕ್ಷಕರಿಗೆ ಟಿಇಟಿ ಅರ್ಹತೆಯನ್ನು ಕಡ್ಡಾಯಗೊಳಿಸಲಾಗಿದೆ. ಐದು ವರ್ಷಗಳಿಗಿಂತ ಹೆಚ್ಚು ಸೇವೆ ಉಳಿದಿರುವ ಶಿಕ್ಷಕರು ಆಗಸ್ಟ್ 31, 2027 ರೊಳಗೆ ಟಿಇಟಿ ಅರ್ಹತೆಯನ್ನು ಪಡೆಯಬೇಕು. ಇಲ್ಲದಿದ್ದರೆ, ಅವರು ಸೇವೆಯಿಂದ ನಿವೃತ್ತರಾಗಬೇಕಾಗುತ್ತದೆ ಎಂದು ತೀರ್ಪು ಹೇಳುತ್ತದೆ. ಐದು ವರ್ಷಗಳಿಗಿಂತ ಕಡಿಮೆ ಸೇವೆಯನ್ನು ಹೊಂದಿರುವವರು ನಿವೃತ್ತಿಯವರೆಗೆ ಮುಂದುವರಿಯಬಹುದಾದರೂ, ಬಡ್ತಿಗೆ ಟಿಇಟಿ ಅರ್ಹತೆ ಕಡ್ಡಾಯವಾಗಿದೆ. 2009 ರಲ್ಲಿ ಅಂಗೀಕರಿಸಲಾದ ಶಿಕ್ಷಣ ಹಕ್ಕು ಕಾಯ್ದೆಯ ಭಾಗವಾಗಿ ಖಿಇಖಿ ಅಸ್ತಿತ್ವಕ್ಕೆ ಬಂದಿತು. ಈ ಪರೀಕ್ಷೆಯನ್ನು ಕೇರಳದಲ್ಲಿ 2012 ರ ನಂತರ ಸೇವೆಯಲ್ಲಿರುವವರಿಗೆ ಮಾತ್ರ ಅನ್ವಯಿಸುವಂತೆ ಮಾಡಲಾಯಿತು. ಸುಪ್ರೀಂ ಕೋರ್ಟ್ ತೀರ್ಪಿನ ಆಧಾರದ ಮೇಲೆ, ವರ್ಷಗಳ ಹಿಂದೆ ಸೇವೆಗೆ ಸೇರಿದ ಎಲ್ಲಾ ಶಿಕ್ಷಕರು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿರಬೇಕು. ಇದು ಪ್ರಾಥಮಿಕ ಊS ಶಿಕ್ಷಕರ ಮೇಲೆ ಹೆಚ್ಚು ಪರಿಣಾಮ ಬೀರುತ್ತದೆ. ಶಿಕ್ಷಕರ ಅರ್ಹತಾ ಮಾನದಂಡಗಳನ್ನು ಪೂರೈಸುವ ಮೂಲಕ ಸೇವೆಗೆ ಸೇರಿದ ಶಿಕ್ಷಕರು ಮತ್ತೆ ಪರೀಕ್ಷೆಗಳಿಗೆ ಒಳಗಾಗಬೇಕಾಗುತ್ತದೆ ಎಂಬುದು ಆತಂಕಕಾರಿಯಾಗಿದೆ. ತೀರ್ಪನ್ನು ಪರಿಶೀಲಿಸಲು ರಾಜ್ಯ ಮತ್ತು ಕೇಂದ್ರ ಸರ್ಕಾರಗಳಿಂದ ಮಧ್ಯಪ್ರವೇಶಗಳು ಇರಬೇಕು.

ಓಖಿU ಸಲ್ಲಿಸಿದ ವಿವರವಾದ ಅಧ್ಯಯನ ವರದಿಯಲ್ಲಿ, ಆಗಸ್ಟ್ 23, 2010 ರಂದು ರಾಷ್ಟ್ರೀಯ ಶಿಕ್ಷಕರ ಶಿಕ್ಷಣ ಮಂಡಳಿಯ ಮೂಲ ಅಧಿಸೂಚನೆಯಲ್ಲಿನ ಒಂದು ಪ್ರಮುಖ ನಿಬಂಧನೆಯನ್ನು ಈ ತೀರ್ಪಿನಲ್ಲಿ ಪರಿಗಣಿಸಲಾಗಿಲ್ಲ ಎಂದು ಸೂಚಿಸಲಾಗಿದೆ. ಮೊದಲು ಖಿಇಖಿ ಅನ್ನು ಜಾರಿಗೆ ತಂದ ಆ ಅಧಿಸೂಚನೆಯಲ್ಲಿ, ಆಗಸ್ಟ್ 23, 2010 ರ ಮೊದಲು ನೇಮಕಗೊಂಡ ಶಿಕ್ಷಕರನ್ನು ಹೊಸ ಅವಶ್ಯಕತೆಯಿಂದ ಸಂಪೂರ್ಣವಾಗಿ ವಿನಾಯಿತಿ ನೀಡಲಾಗಿದೆ. ಈ ಅಧಿಸೂಚನೆಯು ಕಾನೂನುಬದ್ಧವಾಗಿ ವಿನಾಯಿತಿ ಪಡೆದ ಮತ್ತು ಅರ್ಹ ವರ್ಗವನ್ನು ರಕ್ಷಿಸಿದೆ. ಸುಪ್ರೀಂ ಕೋರ್ಟ್‍ನಲ್ಲಿ ಪರಿಶೀಲನಾ ಅರ್ಜಿ ಸಲ್ಲಿಸಲು, ಶಿಕ್ಷಣ ಹಕ್ಕು ಕಾಯ್ದೆಯನ್ನು ಸ್ಪಷ್ಟಪಡಿಸುವ ಅಧಿಸೂಚನೆಯನ್ನು ಹೊರಡಿಸಲು, ಶಿಕ್ಷಕರ ರಾಷ್ಟ್ರವ್ಯಾಪಿ ಲೆಕ್ಕಪರಿಶೋಧನೆ ನಡೆಸಲು ಮತ್ತು ಶಿಕ್ಷಣ ಹಕ್ಕು ಕಾಯ್ದೆಗೆ ತಿದ್ದುಪಡಿಗಳನ್ನು ಪರಿಗಣಿಸಲು ಎನ್‍ಟಿಯು ಅರ್ಜಿಯಲ್ಲಿ ಸಲಹೆಗಳನ್ನು ಮುಂದಿಟ್ಟಿದೆ ಎಂದು ಅನೂಪ್ ಕುಮಾರ್ ಹೇಳಿದರು.

ಕೇಂದ್ರ ಸರ್ಕಾರ ತುರ್ತಾಗಿ ಮಧ್ಯಪ್ರವೇಶಿಸದಿದ್ದರೆ, ಅದು ಸಾಮೂಹಿಕ ಹೊರಹಾಕುವಿಕೆ, ಆಡಳಿತಾತ್ಮಕ ಅಡಚಣೆ ಮತ್ತು ದೇಶಾದ್ಯಂತ ಕಾನೂನು ಹೋರಾಟಗಳಿಗೆ ಕಾರಣವಾಗುತ್ತದೆ, ಇದು ಪ್ರಾಥಮಿಕ ಶಿಕ್ಷಣ ವ್ಯವಸ್ಥೆಯನ್ನು ವರ್ಷಗಳ ಕಾಲ ಹಿಂದಕ್ಕೆ ತಳ್ಳುತ್ತದೆ ಎಂದು ಎನ್‍ಟಿಯು ಅರ್ಜಿಯಲ್ಲಿ ಗಮನಸೆಳೆದಿದೆ.