ನಾಳೆ ರಾಜ್ಯದಾದ್ಯಂತ ಪೋಲಿಯೊ ಲಸಿಕೆ ವಿತರಣೆ: ವಿಶೇಷ ಸುಸಜ್ಜಿತ ಬೂತ್‍ಗಳ ಮೂಲಕ 5 ವರ್ಷದೊಳಗಿನ 21,11,010 ಮಕ್ಕಳಿಗೆ ಲಸಿಕೆ ನೀಡುವ ಲಕ್ಷ್ಯ

ತಿರುವನಂತಪುರಂ: ಪೋಲಿಯೊ ವೈರಸ್ ನಿರ್ಮೂಲನೆ ಮಾಡುವ ಗುರಿಯನ್ನು ಹೊಂದಿರುವ ಪಲ್ಸ್ ಪೋಲಿಯೊ ಲಸಿಕೆ ಕಾರ್ಯಕ್ರಮವು ನಾಳೆ(ಅಕ್ಟೋಬರ್ 12-ಭಾನುವಾರ) ರಾಜ್ಯದಲ್ಲಿ ನಡೆಯಲಿದೆ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ತಿಳಿಸಿದ್ದಾರೆ.

5 ವರ್ಷದೊಳಗಿನ ಮಕ್ಕಳಿಗೆ ಲಸಿಕೆಯನ್ನು ನೀಡಲಾಗುವುದು. ವಿಶೇಷವಾಗಿ ಸುಸಜ್ಜಿತ ಬೂತ್‍ಗಳ ಮೂಲಕ 5 ವರ್ಷದೊಳಗಿನ 21,11,010 ಮಕ್ಕಳಿಗೆ ಲಸಿಕೆ ನೀಡುವ ಗುರಿಯನ್ನು ಹೊಂದಲಾಗಿದೆ. ಸಾರಿಗೆ ಮತ್ತು ಮೊಬೈಲ್ ಬೂತ್‍ಗಳು ಸೇರಿದಂತೆ 22,383 ಬೂತ್‍ಗಳು ಕಾರ್ಯನಿರ್ವಹಿಸಲಿವೆ. 

44,766 ಸ್ವಯಂಸೇವಕರು ಬೂತ್ ಚಟುವಟಿಕೆಗಳನ್ನು ಮುನ್ನಡೆಸಲಿದ್ದಾರೆ. 5 ವರ್ಷದೊಳಗಿನ ಎಲ್ಲಾ ಮಕ್ಕಳಿಗೆ ಪೆÇೀಲಿಯೊ ಹನಿ ಹಾಕುವ ಮೂಲಕ ಪೆÇೀಲಿಯೊ ನಿರ್ಮೂಲನಾ ಅಭಿಯಾನದಲ್ಲಿ ಭಾಗವಹಿಸುವಂತೆ ಸಚಿವರು ಎಲ್ಲಾ ಪೋಕರನ್ನು ವಿನಂತಿಸಿದ್ದಾರೆ. 

ಶಾಲೆಗಳು, ಅಂಗನವಾಡಿಗಳು, ಗ್ರಂಥಾಲಯಗಳು, ಸರ್ಕಾರಿ ಆರೋಗ್ಯ ಸಂಸ್ಥೆಗಳು ಮತ್ತು ಖಾಸಗಿ ಆಸ್ಪತ್ರೆಗಳಲ್ಲಿನ ಬೂತ್‍ಗಳು ಅಕ್ಟೋಬರ್ 12 ರಂದು ಬೆಳಿಗ್ಗೆ 8 ರಿಂದ ಸಂಜೆ 5 ರವರೆಗೆ ಕಾರ್ಯನಿರ್ವಹಿಸುತ್ತವೆ.

ಬಸ್ ನಿಲ್ದಾಣಗಳು, ರೈಲು ನಿಲ್ದಾಣಗಳು, ವಿಮಾನ ನಿಲ್ದಾಣಗಳು ಮತ್ತು ದೋಣಿ ಜೆಟ್ಟಿಗಳಲ್ಲಿನ ಸಾರಿಗೆ ಬೂತ್‍ಗಳು ಅಕ್ಟೋಬರ್ 12 ರಂದು ರಾತ್ರಿ 8 ಗಂಟೆಯವರೆಗೆ ಕಾರ್ಯನಿರ್ವಹಿಸುತ್ತವೆ.

ಅನ್ಯರಾಜ್ಯ ಕಾರ್ಮಿಕರ ಶಿಬಿರಗಳು ಮತ್ತು ಪ್ರವಾಸಿ ತಾಣಗಳಲ್ಲಿನ ಮೊಬೈಲ್ ಬೂತ್‍ಗಳು ಅಕ್ಟೋಬರ್ 12, 13 ಮತ್ತು 14 ರಂದು ಸಹ ಕಾರ್ಯನಿರ್ವಹಿಸುತ್ತವೆ.

ಅಕ್ಟೋಬರ್ 12 ರಂದು ಬೂತ್‍ಗಳಲ್ಲಿ ಲಸಿಕೆ ಹಾಕಲು ಸಾಧ್ಯವಾಗದ ಮಕ್ಕಳ ಮನೆಗಳಿಗೆ ಸ್ವಯಂಸೇವಕರು ಭೇಟಿ ನೀಡಿ ಅಕ್ಟೋಬರ್ 13 ಮತ್ತು 14 ರಂದು ಲಸಿಕೆ ಹಾಕುತ್ತಾರೆ.

ಸ್ಥಳೀಯಾಡಳಿತ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ, ರೋಟರಿ ಇಂಟರ್‍ನ್ಯಾಷನಲ್ ಮತ್ತು ಇತರ ಸ್ವಯಂಸೇವಾ ಸಂಸ್ಥೆಗಳ ಸಹಯೋಗದೊಂದಿಗೆ ಕಾರ್ಯಕ್ರಮವನ್ನು ಆಯೋಜಿಸಲಾಗುತ್ತಿದೆ.