ಉದ್ಘಾಟನೆಯಾದ ಕೆಲವೇ ಗಂಟೆಗಳಲ್ಲಿ ಕುಸಿದ ತೂಗು ಸೇತುವೆ; ಐದು ಕೋಟಿ ರೂ. ವ್ಯರ್ಥ

ಪಾಲಕ್ಕಾಡ್: ನಿನ್ನೆಯಷ್ಟೇ ಉದ್ಘಾಟನೆಯಾದ ಆಲತ್ತೂರು ತ್ರಿಪ್ಪಲೂರಿನಲ್ಲಿರುವ ತೂಗು ಸೇತುವೆಯ ಕೈಕಂಬಗಳು ಮುರಿದು ಬಿದ್ದಿವೆ. ಗಾಯತ್ರಿ ಹೊಳೆಗೆ ಅಡ್ಡಲಾಗಿ ತೇನಾರಿ ಪರಮ್ ನಿಂದ ತ್ರಿಪ್ಪಲೂರು ಶಿವ ದೇವಾಲಯದವರೆಗೆ ನಿರ್ಮಿಸಲಾದ ತೂಗು ಸೇತುವೆ ಮತ್ತು ಸಂಬಂಧಿತ ರಚನೆಗಳನ್ನು ಐದು ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಿಸಲಾಗಿತ್ತು.

ಸಂಸದ ಕೆ. ರಾಧಾಕೃಷ್ಣನ್ ಉದ್ಘಾಟಿಸಿದ್ದರು. ತೂಗು ಸೇತುವೆಯ ಬೆಸುಗೆ ಹಾಕಿದ ಮತ್ತು ಸ್ಥಿರಗೊಳಿಸಿದ ಭಾಗ ಕುಸಿದು ಬಿದ್ದಿದೆ. ಶಾಸಕ ಕೆ.ಡಿ. ಪ್ರಸೇನನ್ ಅವರ ನಿಧಿಯಿಂದ ಬಂದ ಹಣವನ್ನು ಬಳಸಿಕೊಂಡು ತೂಗು ಸೇತುವೆ ಮತ್ತು ಸಂಬಂಧಿತ ಕೆಲಸಗಳನ್ನು ಕೈಗೊಳ್ಳಲಾಗಿತ್ತು. ಯೋಜನೆಯ ಭಾಗವಾಗಿ ಮಿನಿ ಮಾಸ್ ಲೈಟ್, ಸ್ನಾನದ ಕೊಠಡಿ, ತೆರೆದ ವೇದಿಕೆ, ಮಕ್ಕಳ ಆಟದ ಮೈದಾನ, ಕಾಫಿ ಅಂಗಡಿ ಮತ್ತು ಶೌಚಾಲಯ ಬ್ಲಾಕ್ ಅನ್ನು ಸ್ಥಾಪಿಸಲಾಗಿತ್ತು.
ತ್ರಿಪ್ಪಲೂರು ಶಿವ ದೇವಾಲಯವು ದೀಪಾವಳಿ ಹಬ್ಬಕ್ಕೆ ಹೆಸರುವಾಸಿಯಾಗಿದೆ. ಈ ಸಮಯದಲ್ಲಿ, ಇಲ್ಲಿ ಭಕ್ತರ ದೊಡ್ಡ ಜನಸಂದಣಿ ಇರುತ್ತದೆ. ಏಕ ಕಾಲದಲ್ಲಿ ಸುಮಾರು 250 ಜನರು ಸೇತುವೆಯನ್ನು ದಾಟಿರುವುದೇ ಅವಘಡಕ್ಕೆ ಕಾರಣವೆಂದು ಹೇಳಲಾಗಿದೆ. ಗರಿಷ್ಟ್ಠ 100 ಜನರು ಮಿತಿಯಷ್ಟೆ ಸೇತುವೆಗಿತ್ತು ಎನ್ನಲಾಗಿದೆ.