ಹೊಸದಾಗಿ ಪ್ರಾರಂಭಿಸಲಾದ ಎಲ್ಲಾ ಸರ್ಕಾರಿ ನರ್ಸಿಂಗ್ ಕಾಲೇಜುಗಳಿಗೆ ಅನುಮೋದನೆ ನೀಡಿದ ಭಾರತೀಯ ನರ್ಸಿಂಗ್ ಕೌನ್ಸಿಲ್-ವೀಣಾ ಜಾರ್ಜ್

ತಿರುವನಂತಪುರಂ: ಪತ್ತನಂತಿಟ್ಟ ಸರ್ಕಾರಿ ನರ್ಸಿಂಗ್ ಕಾಲೇಜನ್ನು ಭಾರತೀಯ ನರ್ಸಿಂಗ್ ಕೌನ್ಸಿಲ್ ಅನುಮೋದಿಸಿದೆ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಅವರು ಹೇಳಿದ್ದಾರೆ.  ಇದರೊಂದಿಗೆ, ಹೊಸದಾಗಿ ಪ್ರಾರಂಭಿಸಲಾದ ಎಲ್ಲಾ ಸರ್ಕಾರಿ ಮತ್ತು ಸರ್ಕಾರಿ ಸಂಯೋಜಿತ ನರ್ಸಿಂಗ್ ಕಾಲೇಜುಗಳನ್ನು ಅನುಮೋದಿಸಲಾಗಿದೆ.

ಈ ಸರ್ಕಾರದ ಅವಧಿಯಲ್ಲಿ, 22 ಸರ್ಕಾರಿ ಮತ್ತು ಸರ್ಕಾರಿ ಸಂಯೋಜಿತ ನರ್ಸಿಂಗ್ ಕಾಲೇಜುಗಳನ್ನು ಪ್ರಾರಂಭಿಸಲಾಯಿತು. 4 ವೈದ್ಯಕೀಯ ಕಾಲೇಜುಗಳನ್ನು ಸಹ ಅನುಮೋದಿಸಲಾಗಿದೆ. 

ಇದರೊಂದಿಗೆ, ಕೇರಳವು ಪ್ರತಿ ಜಿಲ್ಲೆಯಲ್ಲಿ ವೈದ್ಯಕೀಯ ಕಾಲೇಜು ಮತ್ತು ನರ್ಸಿಂಗ್ ಕಾಲೇಜು ಹೊಂದಿರುವ ರಾಜ್ಯವಾಗಿದೆ ಎಂದು ಸಚಿವರು ಹೇಳಿದರು.

ಈ ಸರ್ಕಾರದ ಅವಧಿಯಲ್ಲಿ ಇಡುಕ್ಕಿ, ವಯನಾಡ್, ಪಾಲಕ್ಕಾಡ್, ಕಾಸರಗೋಡು, ಪತ್ತನಂತಿಟ್ಟ, ತಿರುವನಂತಪುರಂ ಜನರಲ್ ಆಸ್ಪತ್ರೆ ಕ್ಯಾಂಪಸ್, ಕೊಲ್ಲಂ ಮತ್ತು ಮಂಜೇರಿಯಲ್ಲಿ ಸರ್ಕಾರಿ ವಲಯದಲ್ಲಿ ನರ್ಸಿಂಗ್ ಕಾಲೇಜುಗಳನ್ನು ಪ್ರಾರಂಭಿಸಲಾಯಿತು.

ಸರ್ಕಾರಿ ವಲಯದಲ್ಲಿ, ನೆಯ್ಯಟ್ಟಿಂಕರ, ವರ್ಕಲಾ, ಕೊನ್ನಿ, ನೂರಾಡು, ತನೂರ್, ತಳಿಪರಂಬ, ಧರ್ಮಡಂ ಮತ್ತು ಚವರಗಳಲ್ಲಿ ಸಿಎಂಇಟಿ ಅಡಿಯಲ್ಲಿ, ಅರಣ್ಮುಲ, ಆಲಪ್ಪುಳ ಮತ್ತು ಪಠಾಣಪುರಂನಲ್ಲಿ ಸಿಎಪಿಇ ಅಡಿಯಲ್ಲಿ ಮತ್ತು ಕಾಂಜಿರಪ್ಪಳ್ಳಿ, ಸೀತಾತೋಡ್ ಮತ್ತು ಕೊಟ್ಟಾರಕ್ಕರದಲ್ಲಿ ಸಿಪಿಎಎಸ್ ಅಡಿಯಲ್ಲಿ ನರ್ಸಿಂಗ್ ಕಾಲೇಜುಗಳನ್ನು ಪ್ರಾರಂಭಿಸಲಾಯಿತು. ಖಾಸಗಿ ವಲಯದಲ್ಲಿ 20 ನರ್ಸಿಂಗ್ ಕಾಲೇಜುಗಳನ್ನು ಪ್ರಾರಂಭಿಸಲು ಸಹ ಅನುಮತಿ ನೀಡಲಾಯಿತು.

ಸರ್ಕಾರಿ ವಲಯದಲ್ಲಿ, ಬಿ.ಎಸ್ಸಿ. ನರ್ಸಿಂಗ್ ಸೀಟುಗಳ ಸಂಖ್ಯೆಯನ್ನು 478 ರಿಂದ 1130 ಸೀಟುಗಳಿಗೆ ಹೆಚ್ಚಿಸಲಾಯಿತು. ಒಟ್ಟು 10,000 ಕ್ಕೂ ಹೆಚ್ಚು ಬಿ.ಎಸ್ಸಿ. ನರ್ಸಿಂಗ್ ಸೀಟುಗಳನ್ನು ಹೆಚ್ಚಿಸಲಾಯಿತು.

ಈ ಅವಧಿಯಲ್ಲಿ, ಮಕ್ಕಳು ರಾಜ್ಯದಲ್ಲಿಯೇ ಅರ್ಹತೆಯ ಮೇಲೆ ಅಧ್ಯಯನ ಮಾಡಲು ವಾತಾವರಣವನ್ನು ಸೃಷ್ಟಿಸಲಾಯಿತು. ನಸಿರ್ಂಗ್ ಶಿಕ್ಷಣ ಕ್ಷೇತ್ರದಲ್ಲಿ ಹೆಚ್ಚಿನ ಪ್ರಗತಿ ಸಾಧಿಸಲಾಯಿತು.

ತಿರುವನಂತಪುರಂ, ಆಲಪ್ಪುಳ ಮತ್ತು ಎರ್ನಾಕುಳಂ ನರ್ಸಿಂಗ್ ಕಾಲೇಜುಗಳಲ್ಲಿ ಎಂ.ಎಸ್ಸಿ. ಮಾನಸಿಕ ಆರೋಗ್ಯ ನರ್ಸಿಂಗ್ ಕೋರ್ಸ್ ಅನ್ನು ನೀಡಲಾಯಿತು ಮತ್ತು ಪೆÇೀಸ್ಟ್ ಬೇಸಿಕ್ ಬಿ.ಎಸ್ಸಿ. ನರ್ಸಿಂಗ್ ಕೋರ್ಸ್ ಅನ್ನು ಈ ಸರ್ಕಾರದ ಅವಧಿಯಲ್ಲಿ ಕೊಟ್ಟಾಯಂ ನರ್ಸಿಂಗ್ ಕಾಲೇಜಿನಲ್ಲಿಯೂ ಪ್ರಾರಂಭಿಸಲಾಯಿತು. ನರ್ಸಿಂಗ್ ಕ್ಷೇತ್ರದಲ್ಲಿ ಟ್ರಾನ್ಸ್ಜೆಂಡರ್ ವ್ಯಕ್ತಿಗಳಿಗೆ ಮೀಸಲಾತಿ ನೀಡಲಾಗಿದೆ ಎಂದು ಸಚಿವರು ಹೇಳಿದರು.