ಜಿಮೇಲ್ ತೊರೆದು ಮೇಡ್ ಇನ್ ಇಂಡಿಯಾ 'ಜೊಹೊ ಮೇಲ್'ಗೆ ಬದಲಾದ 'ಅಮಿತ್ ಶಾ'

ನವದೆಹಲಿ : ಕೇಂದ್ರ ಸರ್ಕಾರದ ಎಲ್ಲಾ ಉನ್ನತ ಅಧಿಕಾರಿಗಳು ಸ್ವದೇಶಿ ಸಾಫ್ಟ್‌ವೇರ್‌'ಗಳತ್ತ ಒಲವು ತೋರುತ್ತಿದ್ದಾರೆ. ಪ್ರಧಾನಿ ಮೋದಿ ನೀಡಿದ ಸ್ವದೇಶಿ ಕರೆಯ ಭಾಗವಾಗಿ, ಅವರು ನಮ್ಮ ದೇಶದ ಸಾಫ್ಟ್‌ವೇರ್ ಕಂಪನಿ ಜೊಹೊ ಉತ್ಪನ್ನಗಳನ್ನು ಬಳಸುತ್ತಿದ್ದಾರೆ. ಇದೀಗ, ಅರಟ್ಟೈ ಮೆಸೇಜಿಂಗ್ ಅಪ್ಲಿಕೇಶನ್ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.

ಈಗ ಜನರು ಮೇಲ್‌'ಗಾಗಿ ಜೊಹೊ ಮೇಲ್ ಬಳಸುವಂತೆ ಕರೆ ನೀಡುತ್ತಿದ್ದಾರೆ. ಇತ್ತೀಚೆಗೆ, ಅಮಿತ್ ಶಾ ಕೂಡ ತಮ್ಮ ಇಮೇಲ್ ವಿಳಾಸವನ್ನ ಬದಲಾಯಿಸಿದ್ದಾರೆ.

ಪ್ರಧಾನಿ ಮೋದಿ ಸೆಪ್ಟೆಂಬರ್ 2025ರಲ್ಲಿ 'ಸ್ವದೇಶಿ ಟೆಕ್' ಅಭಿಯಾನವನ್ನು ಪ್ರಾರಂಭಿಸಿದರು. ವಿದೇಶಿ ಸಾಫ್ಟ್‌ವೇರ್ ಅನ್ನು ಅವಲಂಬಿಸುವ ಬದಲು ಭಾರತೀಯ ಉತ್ಪನ್ನಗಳನ್ನು ಬಳಸುವಂತೆ ಅವರು ಕರೆ ನೀಡಿದರು. ಕೇಂದ್ರ ಸಚಿವೆ ಅಶ್ವಿನಿ ವೈಷ್ಣವ್ ಅವರು ಪ್ರಧಾನ ಮಂತ್ರಿಯವರ ಕರೆಗೆ ಪ್ರತಿಕ್ರಿಯಿಸಿ, ಸ್ಥಳೀಯ ಸಾಫ್ಟ್‌ವೇರ್ ಬೆಂಬಲಿಸಲು ಜೊಹೊ ಉತ್ಪನ್ನಗಳನ್ನು ಬಳಸಲಾಗುತ್ತಿದೆ ಎಂದು ಘೋಷಿಸಿದರು.