ಶ್ರೀ ನಾರಾಯಣ ಗುರುಗಳ ಸಂದೇಶಗಳ ಮಹತ್ವ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ; ಗುರುಗಳ ಜೀವನ ಮಾನವೀಯತೆಗೆ ಮೀಸಲಾಗಿತ್ತು: ರಾಜ್ಯಪಾಲ ಅರ್ಲೇಕರ್

ತಿರುವನಂತಪುರಂ: ಶ್ರೀ ನಾರಾಯಣ ಗುರುಗಳ ಸಂದೇಶಗಳು, ಬೋಧನೆಗಳು ಮತ್ತು ಅವರ ಜೀವನದ ಮಹತ್ವ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ ಎಂದು ರಾಜ್ಯಪಾಲ ರಾಜೇಂದ್ರ ವಿಶ್ವನಾಥ್ ಅರ್ಲೇಕರ್ ಹೇಳಿದರು.

ಶ್ರೀ ನಾರಾಯಣ ಗುರುಗಳು ನಮಗೆ ಆಧ್ಯಾತ್ಮಿಕ ವಿಷಯ ಮಾತ್ರವಲ್ಲ, ಎಲ್ಲಾ ಸಮಯದಲ್ಲೂ ನಮ್ಮೊಂದಿಗಿರುವರು ಮತ್ತು ನಮಗೆ ಆಶೀರ್ವಾದ ಮತ್ತು ಬೌದ್ಧಿಕ ಸಲಹೆಗಳನ್ನು ನೀಡಿದ ವ್ಯಕ್ತಿಯಾಗಿದ್ದರು ಎಂದು ಅವರು ಹೇಳಿದರು.

ವರ್ಕಲ ಶಿವಗಿರಿ ಮಠದಲ್ಲಿ ಶ್ರೀ ನಾರಾಯಣ ಗುರುಗಳ ಮಹಾಸಮಾಧಿ ಶತಮಾನೋತ್ಸವದ ಉದ್ಘಾಟನಾ ಸಮಾರಂಭದಲ್ಲಿ ರಾಜ್ಯಪಾಲರು ಮಾತನಾಡುತ್ತಿದ್ದರು.  

ಇಂದು, ಸಂಘರ್ಷಗಳು, ಭಿನ್ನಾಭಿಪ್ರಾಯಗಳು ಮತ್ತು ಮುಖಾಮುಖಿಗಳ ಈ ಜಗತ್ತಿನಲ್ಲಿ, ಶ್ರೀ ನಾರಾಯಣ ಗುರುಗಳ ಬೋಧನೆಗಳು ಅತ್ಯಂತ ಅಗತ್ಯವಾಗಿವೆ. ಅವರ ಬೋಧನೆಗಳನ್ನು ಹರಡಲು ನಮಗೆ ನಾರಾಯಣ ಗುರುಗಳ ಆಶೀರ್ವಾದ ಬೇಕು. ನಾರಾಯಣ ಗುರುಗಳು ಯಾವಾಗಲೂ ಎಲ್ಲಾ ಮಾನವರು ಒಂದು ಮತ್ತು ಮನುಷ್ಯರ ನಡುವೆ ಯಾವುದೇ ಬೇಧಗಳಿಲ್ಲವೆಂದು ಪ್ರತಿಪಾದಿಸಿದ್ದರು. ಇಂದಿದು ಜಗತ್ತಿಗೆ ಹೆಚ್ಚು ಪ್ರಸ್ತುತವಾಗಿದೆ. ಆದ್ದರಿಂದ, ಶ್ರೀ ನಾರಾಯಣ ಗುರುಗಳ ಸಂದೇಶಗಳು, ಜೀವನ ಮತ್ತು ಬೋಧನೆಗಳ ಮಹತ್ವ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಗುರುಗಳ ಜೀವನ ಮಾನವೀಯತೆಗೆ ಮೀಸಲಾಗಿತ್ತು. ಸ್ವಾಮಿ ವಿವೇಕಾನಂದರು ಹೇಳಿದ್ದನ್ನು ಅವರು ಯಾವಾಗಲೂ ನಂಬಿದ್ದರು. ಮಾನವೀಯತೆಗೆ ಸೇವೆ ಸಲ್ಲಿಸುವುದು ದೇವರ ಸೇವೆ. ಆದ್ದರಿಂದ, ಮಾನವೀಯತೆಗೆ ಸೇವೆ ಸಲ್ಲಿಸುವ ಮೂಲಕ ನಾವು ದೇವರ ಸೇವೆ ಮಾಡುತ್ತೇವೆ. ಇದನ್ನೇ ನಾರಾಯಣ ಗುರುಗಳು ನಮಗೆ ನೀಡಿದ್ದಾರೆ. ಕೇರಳವು ಅನೇಕ ಮಹಾನ್ ಪುರುಷರು ಮತ್ತು ಸಂತರನ್ನು ಕೊಡುಗೆಯಾಗಿ ನೀಡಿದೆ. ನಾರಾಯಣ ಗುರುಗಳು ನಮಗೆ ಕಲಿಸಿದ ಅನನ್ಯ ಸಂತರು ಎಂದು ರಾಜ್ಯಪಾಲರು ಹೇಳಿದರು.

ಸಮಾರಂಭದಲ್ಲಿ ಸಾಮಾನ್ಯ ಶಿಕ್ಷಣ ಸಚಿವ ಶಿವನ್‍ಕುಟ್ಟಿ, ದೇವಸ್ವಂ ಮಂಡಳಿ ಸಚಿವ ವಿ.ಎನ್. ವಾಸವನ್, ಕೇಂದ್ರದ ಮಾಜಿ ಸಚಿವ ರಾಜೀವ್ ಚಂದ್ರಶೇಖರ್, ಅಟ್ಟಿಂಗಲ್ ಸಂಸದ ಅಡೂರ್ ಪ್ರಕಾಶ್,ಶಾಸಕ ವಿ. ಜಾಯ್, ನಾರಾಯಣ ಧರ್ಮ ಸಂಘದ ಅಧ್ಯಕ್ಷ ಬ್ರಹ್ಮಶ್ರೀ ಸ್ವಾಮಿ ಸಚ್ಚಿದಾನಂದ, ಶ್ರೀ ನಾರಾಯಣ ಧರ್ಮ ಸಂಘದ ಪ್ರಧಾನ ಕಾರ್ಯದರ್ಶಿ ಶ್ರೀಮದ್ ಸ್ವಾಮಿ ಸುಭಾಕರಾನಂದ ಮತ್ತು ಇತರರು ಭಾಗವಹಿಸಿದ್ದರು.