‘ಮೈ ಸ್ಕೂಲ್ ಮೈ ಪ್ರೈಡ್’ ರೀಲ್ಸ್ ಸ್ಪರ್ಧೆ: ವಿಜೇತರಾದ 100 ಶಾಲೆಗಳು

ತಿರುವನಂತಪುರಂ: ಕೇರಳ ಇನ್ಫ್ರಾಸ್ಟ್ರಕ್ಚರ್ ಅಂಡ್ ಟೆಕ್ನಾಲಜಿ ಫಾರ್ ಎಜುಕೇಶನ್ (ಕೈಟ್) ರಾಜ್ಯದ ಸಾರ್ವಜನಿಕ ಶಾಲೆಗಳಿಗಾಗಿ ಆಯೋಜಿಸಿದ್ದ ಮೈ ಸ್ಕೂಲ್ ಮೈ ಪ್ರೈಡ್(ನನ್ನ ಶಾಲೆ, ನನ್ನ ಹೆಮ್ಮೆ) ರೀಲ್ಸ್ ಸ್ಪರ್ಧೆಯಲ್ಲಿ ವಿಜೇತರಾದ 100 ಶಾಲೆಗಳನ್ನು ಘೋಷಿಸಲಾಗಿದೆ.

‘ಲಿಟಲ್ ಕೈಟ್ಸ್’ ಘಟಕಗಳು ನಡೆಸಿದ ರೀಲ್ಸ್ ಸ್ಪರ್ಧೆಯಲ್ಲಿ ಭಾಗವಹಿಸಿದ 1555 ಶಾಲೆಗಳಿಂದ 1.5 ನಿಮಿಷಗಳಿಗಿಂತ ಕಡಿಮೆ ಅವಧಿಯ ಟಾಪ್ 100 ರೀಲ್ಸ್‍ಗಳನ್ನು ಆಯ್ಕೆ ಮಾಡಲಾಗಿದೆ. 

ತಿರುವನಂತಪುರಂ ಜಿಲ್ಲೆಯ ಜಿ.ವಿ.ಎಚ್.ಎಸ್. ಕರಕುಲಂ ರೀಲ್ಸ್ ಸ್ಪರ್ಧೆಯಲ್ಲಿ ಪ್ರಥಮ ಬಹುಮಾನವನ್ನು ಗೆದ್ದಿದೆ. ಅಚ್ಯುತ ವಾರ್ಯರ್ ಎಚ್.ಎಸ್.ಎಸ್., ಪೆÇನ್ನಾನಿ (ಮಲಪ್ಪುರಂ), ಎಸ್.ಎನ್.ಡಿ.ಪಿ. ಎಚ್.ಎಸ್. ಉದಯಂಪೇರೂರ್ (ಎರ್ನಾಕುಳಂ) ಶಾಲೆಗಳು ಎರಡನೇ ಸ್ಥಾನವನ್ನು ಹಂಚಿಕೊಂಡವು ಮತ್ತು ಇಡಯೂರ್ ಎಎಂಎಲ್‍ಪಿಎಸ್ (ಮಲಪ್ಪುರಂ) ಮತ್ತು ಎಚ್‍ಎಂಎಚ್‍ಎಸ್‍ಎಸ್ ಪಳಕುಳಂ (ಕೊಲ್ಲಂ) ಶಾಲೆಗಳು ಮೂರನೇ ಸ್ಥಾನವನ್ನು ಹಂಚಿಕೊಂಡವು. ಜಿ.ಜಿ.ವಿ.ಎಚ್.ಎಸ್.ಎಸ್. ಫೆರೋಕ್ (ಕೋಝಿಕೋಡ್), ಕೊಚು ಕೊಟ್ಟಾರಮ್ ಎಲ್‍ಪಿ ಶಾಲೆ ನಂದಪಾರ (ಕೊಟ್ಟಾಯಂ), ಜಿ.ಎಚ್.ಎಸ್. ವಡಸ್ಸೇರಿ (ಮಲಪ್ಪುರಂ), ಮತ್ತು ಎಂ.ಕೆ.ಎಚ್.ಎಂ.ಎಚ್.ಎಸ್. ಮುಕ್ಕಂ (ಕೋಝಿಕೋಡ್) ಶಾಲೆಗಳಿಗೆ ತೀರ್ಪುಗಾರರು ವಿಶೇಷ ಪ್ರಶಸ್ತಿಯನ್ನು ನೀಡಿದರು.

ಪ್ರಥಮ, ದ್ವಿತೀಯ ಮತ್ತು ತೃತೀಯ ಸ್ಥಾನ ಪಡೆದವರಿಗೆ ಕ್ರಮವಾಗಿ ರೂ. 30,000, 20,000 ಮತ್ತು 15,000 ನೀಡಲಾಗುವುದು. ವಿಶೇಷ ಪ್ರಶಸ್ತಿಗೆ ಅರ್ಹವಾದ ಶಾಲೆಗಳಿಗೆ 10,000 ರೂ. ನೀಡಲಾಗುವುದು. ಉಳಿದ 91 ಶಾಲೆಗಳು ತಲಾ 5,000 ರೂ.ನೀಡಲಾಗುವುದು.

ಮಲಪ್ಪುರಂ ಜಿಲ್ಲೆ 26 ಶಾಲೆಗಳೊಂದಿಗೆ ಪ್ರಮುಖ ವಿಜೇತ. ಎರ್ನಾಕುಳಂನ 14 ಶಾಲೆಗಳು ಮತ್ತು ಕಾಸರಗೋಡಿನ 10 ಶಾಲೆಗಳು ವಿಜೇತ ಪಟ್ಟಿಯಲ್ಲಿವೆ.  ವಿಜೇತರು ಕೋಝಿಕ್ಕೋಡ್ 8, ಪತ್ತನಂತಿಟ್ಟದ 7, ಪಾಲಕ್ಕಾಡ್ 6, ವಯನಾಡ್ ಮತ್ತು ಕೊಟ್ಟಾಯಂ 5, ಆಲಪ್ಪುಳ, ಕೊಲ್ಲಂ, ಕಣ್ಣೂರು ಮತ್ತು ತಿರುವನಂತಪುರಂ ತಲಾ 4, ಇಡುಕ್ಕಿ 2 ಮತ್ತು ತ್ರಿಶೂರ್ 1.

ಕೈಟ್ ಸಿಇಒ ಕೆ. ಅನ್ವರ್ ಸಾದತ್ ಅಧ್ಯಕ್ಷರಾಗಿ ಮತ್ತು ಮಾಜಿ ಸಿ-ಡಿಐಟಿ ಜಂಟಿ ನಿರ್ದೇಶಕ ಕೆ. ಮೋಹನ್ ಕುಮಾರ್, ಎಸ್‍ಸಿಇಆರ್‍ಟಿ ಸಂಶೋಧನಾ ಅಧಿಕಾರಿ ರಾಜೇಶ್ ವಲ್ಲಿಕೋಡ್, ಸಾಕ್ಷ್ಯಚಿತ್ರ ನಿರ್ದೇಶಕಿ ಚಂದ್ರಲೇಖಾ ಸಿಎಸ್ ಮತ್ತು ಕೈಟ್ ವಿಕ್ಟರ್ಸ್ ಹಿರಿಯ ಕ್ರಿಯೇಟಿವ್ ಎಡಿಟರ್ ಕೆ. ಮನೋಜ್ ಕುಮಾರ್ ಅವರನ್ನೊಳಗೊಂಡ ಸಮಿತಿಯು ಪ್ರಶಸ್ತಿಗಳನ್ನು ನಿರ್ಧರಿಸಿತು.

ಕೈಟ್ ಸಿಇಒ ಕೆ. ಅನ್ವರ್ ಸಾದತ್ ಅವರು ನವೆಂಬರ್ 15 ರಂದು ಕೈಟ್‍ನ 14 ಜಿಲ್ಲಾ ಕಚೇರಿಗಳಲ್ಲಿ ನಡೆಯಲಿರುವ ಸಮಾರಂಭದಲ್ಲಿ 100 ಶಾಲೆಗಳನ್ನು ಸನ್ಮಾನಿಸುವರು  ಎಂದು ಹೇಳಿದರು. ಎಲ್ಲಾ ಶಾಲೆಗಳ ಪಟ್ಟಿ ಮತ್ತು ವಿವರಗಳು www.kite.kerala.gov.in ನಲ್ಲಿ ಲಭ್ಯವಿದೆ.