ಪತ್ತನಂತಿಟ್ಟದಲ್ಲಿ ಭಾರಿ ವರ್ಚುವಲ್ ವಂಚನೆ; 1 ಕೋಟಿ ರೂ.ಗೂ ಹೆಚ್ಚು ಕಳೆದುಕೊಂಡ ವೃದ್ಧ ದಂಪತಿಗಳು

ಪತ್ತನಂತಿಟ್ಟ: ಪತ್ತನಂತಿಟ್ಟದ ಮಲ್ಲಪ್ಪಳ್ಳಿಯಲ್ಲಿ ವರ್ಚುವಲ್ ವಂಚನೆಗೆ ಬಲಿಯಾದ ವೃದ್ಧ ದಂಪತಿಗಳು 1 ಕೋಟಿ ರೂ.ಗೂ ಹೆಚ್ಚು ಕಳೆದುಕೊಂಡರು. ಮಲ್ಲಪ್ಪಳ್ಳಿ ಮೂಲದ ಶೆರ್ಲಿ ಡೇವಿಡ್ ಮತ್ತು ಅವರ ಪತಿ ಡೇವಿಡ್ ಪಿ ಮ್ಯಾಥ್ಯೂ ಈ ವಂಚನೆಗೆ ಬಲಿಯಾದರು. ವಂಚಕರು ಮುಂಬೈ ಅಪರಾಧ ವಿಭಾಗದವರೆಂದು ಹೇಳಿಕೊಂಡು ದಂಪತಿಯನ್ನು ನಂಬಿಸಿ ದಾರಿ ತಪ್ಪಿಸಿದ್ದರು. ವಂಚಕರು ಹಲವಾರು ಬಾರಿ ವೃದ್ಧ ದಂಪತಿಯಿಂದ್ದಿತರ ಹಣವನ್ನು ವಂಚಿಸುತ್ತಿದ್ದರು

ಹಣ ಕಳೆದುಕೊಂಡ ದಂಪತಿ ಮತ್ತು ಅವರ ಕುಟುಂಬ ಅಬುಧಾಬಿ ನಿವಾಸಿಗಳು. ಅವರು 8 ರಂದು ಊರಿಗೆ ಮರಳಿದ್ದರು. ಅವರು 1 ಕೋಟಿ 40 ಲಕ್ಷ ರಿಂದ 50 ಸಾವಿರ ರೂ. ಕಳೆದುಕೊಂಡರು. ತಮ್ಮ ಪೋನ್ ಸಂಖ್ಯೆಯನ್ನು ದುರುಪಯೋಗಪಡಿಸಿಕೊಳ್ಳಲಾಗಿದೆ ಮತ್ತು ಹಣವನ್ನು ಅವರ ಬ್ಯಾಂಕ್ ಖಾತೆಗೆ ಕೈತಪ್ಪಿನಿಂದ ಜಮಾವಣೆಗೊಂಡಿರುವುದಾಗಿ ವಂಚಕರು ಹೇಳಿಕೊಂಡಿದ್ದಾರೆ. ವೈಯಕ್ತಿಕವಾಗಿ ಹಾಜರಾಗದಿದ್ದರೆ ಅವರನ್ನು ಬಂಧಿಸುವುದಾಗಿ ಮತ್ತು ಹಣ ಪಾವತಿಸದಿದ್ದರೆ ವಾರಂಟ್ ಹೊರಡಿಸುವುದಾಗಿ ವಂಚಕರು ಬೆದರಿಕೆ ಹಾಕಿದ್ದಾರೆ.

ವಂಚಕ ತಂಡದ ಬೆದರಿಕೆಯಿಂದಾಗಿ ವೃದ್ಧ ದಂಪತಿಗಳು 18ನೇ ತಾರೀಖಿನಿಂದ ಹಲವು ಬಾರಿ ಹಣ ವಿನಿಮಯ ಮಾಡಿಕೊಳ್ಳುತ್ತಿದ್ದರು. ಘಟನೆಯಲ್ಲಿ ಪೋಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ. ಪ್ರಕರಣವನ್ನು ಜಿಲ್ಲಾ ಅಪರಾಧ ವಿಭಾಗಕ್ಕೆ ಹಸ್ತಾಂತರಿಸಲು ನಿರ್ಧರಿಸಲಾಗಿದೆ.