ಕುಂಬಳೆ ಉಪ ಜಿಲ್ಲಾ ಕಲೋತ್ಸವ: ಗಡಿಗ್ರಾಮ ಶಾಲೆಯ ಹ್ಯಾಟ್ರಿಕ್ ಸಾಧನೆ: ಕಾಟುಕುಕ್ಕೆ ಹೈಯರ್ ಸೆಕೆಂಡರಿಗೆ ಒಲಿದ ಕಫ್

ಮುಳ್ಳೇರಿಯ: ಮುಳ್ಳೇರಿಯ ಜಿ.ಪಿ.ಎಚ್.ಎಸ್. ಶಾಲೆಯಲ್ಲಿ ನಡೆದ ಕುಂಬಳೆ ಉಪಜಿಲ್ಲಾ ಮಟ್ಟದ ಶಾಲಾ ಕಲೋತ್ಸವದ ಹೈಯರ್ ಸೆಕೆಂಡರಿ ವಿಭಾಗದ ಸ್ಪರ್ಧೆಗಳಲ್ಲಿ ಕಾಟುಕುಕ್ಕೆ ಶ್ರೀ ಸುಬ್ರಹ್ಮಣೇಶ್ವರ ಹೈಯರ್ ಸೆಕೆಂಡರಿ ಶಾಲೆ ಸತತ ಮೂರನೇ ಬಾರಿ ಚಾಂಪಿಯನ್ ಪಟ್ಟ ಪಡೆದು ದಾಖಲೆ ನಿರ್ಮಿಸಿದೆ.

ಐದು ದಿನಗಳಲ್ಲಿ ನಡೆದ ಕಲೋತ್ಸವದಲ್ಲಿ 243 ಅಂಕ ಗಳಿಸಿದ ಕಾಟುಕುಕ್ಕೆ ಶಾಲೆ ಚಾಂಪಿಯನ್ ಪಟ್ಟವನ್ನು ತನ್ನದಾಗಿಸಿದೆ. ಕುಂಬಳೆ ಸರ್ಕಾರಿ ಹೈಯರ್ ಸೆಕೆಂಡರಿ ಶಾಲೆ 203 ಅಂಕ ಗಳಿಸಿ ದ್ವಿತೀಯ ಸ್ಥಾನ ಪಡೆದಿದೆ. 183 ಅಂಕ ಗಳಿಸಿ ಅಗಲ್ಪಾಡಿ ಶಾಲೆ 3ನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿದೆ. 

ಕಾಟುಕುಕ್ಕೆ ಶಾಲೆಗೆ ಚೆಂಡೆ ಮೇಳ, ಬ್ಯಾಂಡ್ ಮೇಳ, ಅರಬನ ಮುಟ್ಟು, ನಾಡನ್ ಪಾಟ್ಟು, ಗ್ರೂಪ್ ಡ್ಯಾನ್ಸ್, ವಂಜಿ ಪಾಟ್, ಒಪ್ಪನ, ದಫ್ ಮುಟ್ಟು, ದೇಶ ಭಕ್ತಿಗೀತೆ ಹಾಗೂ ಮೂಕಾಭಿನಯ ಸಹಿತ ಗುಂಪು ಸ್ಪರ್ಧೆಗಳಲ್ಲಿ 'ಎ' ಗ್ರೇಡ್, ಕೋಲಾಟ ಸ್ಪರ್ಧೆಯಲ್ಲಿ 'ಬಿ' ಗ್ರೇಡ್ ಲಭಿಸಿದೆ.

ವೈಯಕ್ತಿಕ ಸ್ಪರ್ಧೆಗಳಾದ ಹಿಂದಿ ಕವಿತೆ ರಚನೆ, ಇಂಗ್ಲಿಷ್ ಪ್ರಬಂಧ, ಸಂಸ್ಕøತ ಪ್ರಬಂಧ, ಹಿಂದಿ ಪ್ರಬಂಧ, ಸಂಸ್ಕೃತ ಕಂಠಪಾಠ, ಇಂಗ್ಲಿಷ್, ಕನ್ನಡ ಹಾಗೂ ಸಂಸ್ಕøತ ಕಥೆ, ಕವಿತೆ ರಚನೆ, ಪೆನ್ಸಿಲ್ ಡ್ರಾಯಿಂಗ್, ಕಾರ್ಟೂನ್, ಭರತನಾಟ್ಯ, ಲಲಿತ ಗಾನ, ಕೇರಳ ನಡನಂ, ಮೋಹಿನಿಯಾಟ್ಟಂ, ಜಾನಪದ ನೃತ್ಯ, ಮೋನೋ ಆಕ್ಟ್ ಸ್ಪರ್ಧೆಗಳಲ್ಲಿ ಶಾಲೆಗೆ 'ಎ' ಗ್ರೇಡ್ ಅಭಿಸಿದೆ.

120 ವಿದ್ಯಾರ್ಥಿಗಳು ವಿವಿಧ ಸ್ಪರ್ಧೆಗಳಲ್ಲಿ ಭಾಗವಹಿಸಿದ್ದರು. ವಿದ್ಯಾರ್ಥಿಗಳ ಸಾಧನೆಗೆ ಶಾಲಾ ವ್ಯವಸ್ಥಾಪಕ ಮಿತ್ತೂರು ಪುರುಷೋತ್ತಮ ಭಟ್, ವಿದ್ಯಾವರ್ಧಕ ಸಂಘದ ಅಧ್ಯಕ್ಷ ಸಂಜೀವ ರೈ, ಪ್ರಾಂಶುಪಾಲ ಪದ್ಮನಾಭ ಶೆಟ್ಟಿ ಚುಕ್ಕಿತ್ತಡ್ಕ, ಆಡಳಿತ ಮಂಡಳಿಯವರು ಅಭಿನಂದಿಸಿದ್ದಾರೆ. ಶಿಕ್ಷಕರಾದ ಸುರೇಶ್, ಗೋವಿಂದನ್ ನಂಬೂದಿರಿ, ವಾಣಿ ಕೆ., ಬಾಲಕೃಷ್ಣ ಸಿ.ಎಚ್., ಕೃಷ್ಣ ಕುಮಾರಿ, ಶ್ರೀವಿದ್ಯಾ ವೇಣುಗೋಪಾಲ್, ವಾಣಿಶ್ರೀ, ಸಂದೀಪ್, ಈಶ್ವರ ನಾಯಕ್, ಮಹೇಶ್ ಕುಮಾರ್, ಶ್ರೀರಾಜ್, ಶರಣ್ ರಾಜ್, ಶ್ಯಾಮ್ ಭಟ್, ಚೈತ್ರಾ, ಅಕ್ಷತಾ ಭಟ್ ಮತ್ತು ಕಚೇರಿ ಸಹಾಯಕ ಸಂಕಪ್ಪ ಅವರು ವಿದ್ಯಾರ್ಥಿಗಳಿಗೆ ಸಹಕರಿಸಿದ್ದರು.