ಸ್ಥಳೀಯಾಡಳಿತ ಚುನಾವಣಾ ಕರ್ತವ್ಯ ಹೊಂದಿರುವವರಿಗೆ ಎಸ್.ಐ.ಆರ್.ನ ಬಿ.ಎಲ್.ಒ. ಕರ್ತವ್ಯ ವಿನಾಯಿತಿ: ರಾಜ್ಯ ಸರ್ಕಾರ ನಿರ್ದೇಶನ

ತಿರುವನಂತಪುರಂ: ಸ್ಥಳೀಯಾಡಳಿತ ಚುನಾವಣಾ ಕರ್ತವ್ಯ ಹೊಂದಿರುವವರಿಗೆ ಎಸ್.ಐ.ಆರ್. ಗಳ ಬಿ.ಎಲ್.ಒ ಕೆಲಸದಿಂದ ವಿನಾಯಿತಿ ನೀಡುವ ನಿರ್ಧಾರದ ಆಧಾರದ ಮೇಲೆ, ಜಿಲ್ಲಾಧಿಕಾರಿಗಳು ಬದಲಿಗಳನ್ನು ನಿಯೋಜಿಸಲು ಪ್ರಾರಂಭಿಸಿದ್ದಾರೆ. 

ಹೆಚ್ಚಿನ ಜಿಲ್ಲೆಗಳಲ್ಲಿ, ಅಂಗನವಾಡಿ ಕಾರ್ಯಕರ್ತರನ್ನು ಎಸ್.ಐ.ಆರ್ ಬಿ.ಎಲ್.ಒ. ಗಳಾಗಿ ನೇಮಿಸಲಾಗುತ್ತಿದೆ. ಸ್ಥಳೀಯಾಡಳಿತ ಚುನಾವಣಾ ಕೆಲಸವಿಲ್ಲದ ಬಿ.ಎಲ್.ಒಗಳು ತಮ್ಮ ತೀವ್ರವಾದ ಮತದಾರರ ಪಟ್ಟಿ ಪರಿಷ್ಕರಣೆ ಕರ್ತವ್ಯಗಳನ್ನು ತಕ್ಷಣ ಮುಂದುವರಿಸಲು ಜಿಲ್ಲಾಧಿಕಾರಿಗಳು ಸೂಚಿಸಿದ್ದಾರೆ.

ಮುಂಬರುವ ಸ್ಥಳೀಯಾಡಳಿತ ಚುನಾವಣಾ ಘೋಷಣೆಯ ದೃಷ್ಟಿಯಿಂದ ಫಾರ್ಮ್‍ಗಳನ್ನು ಸಾಧ್ಯವಾದಷ್ಟು ಬೇಗ ವಿತರಿಸಬೇಕೆಂದು ಮುಖ್ಯ ಚುನಾವಣಾ ಅಧಿಕಾರಿ ಸೂಚಿಸಿದ್ದಾರೆ. ಮತದಾರರಿಗೆ ಯಾವುದೇ ತೊಂದರೆಯಾಗದಂತೆ ಫಾರ್ಮ್‍ಗಳನ್ನು ರಾತ್ರಿಯೂ ಸಹ ವಿತರಿಸಬೇಕೆಂದು ಸೂಚನೆಗಳಿವೆ.

ಈ ಮಧ್ಯೆ, ಸ್ಥಳೀಯಾಡಳಿತ ಚುನಾವಣೆಗಳನ್ನು ಉಲ್ಲೇಖಿಸಿÉಸ್.ಐ.ಆರ್. ವಿರುದ್ಧ ಸುಪ್ರೀಂ ಕೋರ್ಟ್ ಅನ್ನು ಸಂಪರ್ಕಿಸಲು ಸರ್ಕಾರ ಸಿದ್ಧತೆ ನಡೆಸುತ್ತಿದೆ. ಇದಕ್ಕಾಗಿ ಕಾನೂನು ಸಲಹೆ ಪಡೆಯಲು ಸರ್ವಪಕ್ಷ ಸಭೆ ನಿರ್ಧರಿಸಿದೆ.