ದೆಹಲಿ ಸ್ಫೋಟಕ್ಕೂ ಮುನ್ನ ಹಮಾಸ್ ಮಾದರಿಯ ಭೀಕರ ದಾಳಿಗೆ ಯೋಜನೆ ರೂಪಿಸಿದ್ದ ಉಗ್ರರು!

ನವದೆಹಲಿ: ದೆಹಲಿ ಆತ್ಮಹತ್ಯಾ ಕಾರ್ ಬಾಂಬ್ ದಾಳಿಯಲ್ಲಿ ಭಾಗಿಯಾಗಿರುವ ವೈಟ್ ಕಾಲರ್ ಭಯೋತ್ಪಾದಕ ಮಾಡ್ಯೂಲ್, ನವೆಂಬರ್ 10 ರಂದು ಕೆಂಪು ಕೋಟೆ ಬಳಿ ನಡೆದ ಭಯೋತ್ಪಾದಕ ದಾಳಿಗೆ ಮುಂಚಿತವಾಗಿ ಡ್ರೋನ್‌ಗಳನ್ನು ಶಸ್ತ್ರಗಳನ್ನಾಗಿ ಬಳಸಲು ಮತ್ತು ರಾಕೆಟ್‌ಗಳನ್ನು ತಯಾರಿಸಲು ಯೋಜಿಸಿತ್ತು ಎಂದು ತನಿಖಾಧಿಕಾರಿಗಳು ತಿಳಿಸಿದ್ದಾರೆ.

ಈ ರೀತಿಯ ಪ್ರಯತ್ನದ ಯೋಜನೆ ಅಕ್ಟೋಬರ್ 7, 2023 ರಂದು ಇಸ್ರೇಲ್ ವಿರುದ್ಧ ಹಮಾಸ್ ನಡೆಸಿದ ದಾಳಿಗೆ ಹೋಲುತ್ತದೆ. ಹಮಾಸ್ ಡ್ರೋನ್‌ಗಳನ್ನು ವಿನಾಶದ ಪ್ರಮುಖ ಅಸ್ತ್ರವಾಗಿ ಬಳಸಿತ್ತು.

ಆತ್ಮಹತ್ಯಾ ಬಾಂಬರ್ ಉಮರ್ ಉನ್ ನಬಿಯೊಂದಿಗೆ ಕೆಲಸ ಮಾಡಿದ ಎರಡನೇ ಭಯೋತ್ಪಾದಕ ಶಂಕಿತನನ್ನು ಬಂಧಿಸಿದ ನಂತರ ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್‌ಐಎ) ಈ ದೊಡ್ಡ ಮಾಹಿತಿ ಬಹಿರಂಗಗೊಂಡಿದೆ.

ನಿನ್ನೆ ದೆಹಲಿಯಿಂದ ಬಂಧಿಸಲ್ಪಟ್ಟ ಮೊದಲ ಶಂಕಿತ ಅಮೀರ್ ರಶೀದ್ ಅಲಿಯಂತೆ ಜಮ್ಮು ಮತ್ತು ಕಾಶ್ಮೀರದ ನಿವಾಸಿಯೂ ಆಗಿರುವ ಜಾಸಿರ್ ಬಿಲಾಲ್ ವಾನಿ ಅಲಿಯಾಸ್ ಡ್ಯಾನಿಶ್ ಅವರನ್ನು ಶ್ರೀನಗರದಲ್ಲಿ ಎನ್‌ಐಎ ತಂಡ ಬಂಧಿಸಿದೆ.

ಮಾರಕ ಕಾರ್ ಬಾಂಬ್ ಸ್ಫೋಟಕ್ಕೆ ಮುಂಚಿತವಾಗಿ ಡ್ರೋನ್‌ಗಳನ್ನು ಮಾರ್ಪಡಿಸುವ ಮೂಲಕ ಮತ್ತು ರಾಕೆಟ್‌ಗಳನ್ನು ತಯಾರಿಸಲು ಪ್ರಯತ್ನಿಸುವ ಮೂಲಕ ಭಯೋತ್ಪಾದಕ ದಾಳಿಗಳನ್ನು ನಡೆಸಲು ಡ್ಯಾನಿಶ್ ತಾಂತ್ರಿಕ ಬೆಂಬಲವನ್ನು ನೀಡಿದ್ದಾನೆ ಎಂದು ಎನ್‌ಐಎ ಹೇಳಿಕೆಯಲ್ಲಿ ತಿಳಿಸಿದೆ.

ಅನಂತ್‌ನಾಗ್ ಜಿಲ್ಲೆಯ ಭಯೋತ್ಪಾದಕ ಶಂಕಿತ ವೈಟ್ ಕಾಲರ್ ಮಾಡ್ಯೂಲ್ ಮತ್ತು ಅದರ ಆತ್ಮಹತ್ಯಾ ಬಾಂಬರ್ ನಬಿ ನಡೆಸಿದ ದಾಳಿಯ ಹಿಂದೆ ಸಕ್ರಿಯ ಸಹ-ಸಂಚುಕೋರನಾಗಿ ಕೆಲಸ ಮಾಡಿದ್ದಾನೆ ಎಂದು NIA ತಿಳಿಸಿದೆ.

ಕ್ಯಾಮೆರಾಗಳೊಂದಿಗೆ ಭಾರವಾದ ಬಾಂಬ್‌ಗಳನ್ನು ಸಾಗಿಸಬಲ್ಲ ದೊಡ್ಡ ಬ್ಯಾಟರಿಗಳನ್ನು ಹೊಂದಿದ ಶಕ್ತಿಶಾಲಿ ಡ್ರೋನ್‌ಗಳನ್ನು ತಯಾರಿಸಲು ಡ್ಯಾನಿಶ್ ಪ್ರಯತ್ನಿಸಿದ್ದಾನೆ ಎಂದು ಮೂಲಗಳು ತಿಳಿಸಿವೆ. ಸಣ್ಣ ಶಸ್ತ್ರಸಜ್ಜಿತ ಡ್ರೋನ್‌ಗಳನ್ನು ತಯಾರಿಸುವಲ್ಲಿ ಅವನಿಗೆ ಅನುಭವವಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಭಯೋತ್ಪಾದಕ ಮಾಡ್ಯೂಲ್ ಗರಿಷ್ಠ ಸಾವುನೋವುಗಳಿಗಾಗಿ ಜನದಟ್ಟಣೆಯ ಪ್ರದೇಶದ ಮೇಲೆ ಶಸ್ತ್ರಸಜ್ಜಿತ ಡ್ರೋನ್ ನ್ನು ಕಳುಹಿಸಲು ಯೋಜಿಸಲಾಗಿತ್ತು ಎಂದು ಮೂಲಗಳು ತಿಳಿಸಿವೆ, ಹಮಾಸ್‌ನಂತಹ ಗುಂಪುಗಳು ಮತ್ತು ಯುದ್ಧಪೀಡಿತ ಸಿರಿಯಾದಲ್ಲಿ ಅನೇಕ ಗುಂಪುಗಳು ಇಂತಹ ತಂತ್ರವನ್ನು ಬಳಸಿವೆ ಎಂದು ಮೂಲಗಳು ತಿಳಿಸಿವೆ.

ಇತ್ತೀಚಿನ ದಿನಗಳಲ್ಲಿ ಅನೇಕ ರಾಷ್ಟ್ರಗಳು ಭಯೋತ್ಪಾದಕರು ಡ್ರೋನ್‌ಗಳನ್ನು ಬಳಸಬಹುದು ಎಂಬುದನ್ನು ಅರಿತುಕೊಂಡಿವೆ. ಬೆದರಿಕೆಯನ್ನು ಎದುರಿಸಲು, ದೇಶಗಳು ತಮ್ಮ ತಾಂತ್ರಿಕ ಸಾಮರ್ಥ್ಯವನ್ನು ಅವಲಂಬಿಸಿ ವಿವಿಧ ಹಂತಗಳಿಗೆ ತಮ್ಮನ್ನು ತಾವು ಸಿದ್ಧಪಡಿಸಿಕೊಂಡಿರುತ್ತವೆ. ಭಾರತ ಕೂಡ ತನ್ನ ಡ್ರೋನ್ ದಾಳಿ ಮತ್ತು ಡ್ರೋನ್ ನಿಗ್ರಹ ಘಟಕಗಳನ್ನು ಪ್ರಮಾಣದಲ್ಲಿ ಬಲಪಡಿಸುತ್ತಿದೆ.