ಕೇರಳ ಆರ್‌ಟಿಸಿ ಬೆಂಗಳೂರು-ತಿರುವನಂತಪುರಂ ಮಲ್ಟಿ-ಆಕ್ಸಲ್ ಸ್ಲೀಪರ್ ಬಸ್ ಸೇವೆ ನಾಳೆಯಿಂದ

ಬೆಂಗಳೂರು: ಬೆಂಗಳೂರು-ತಿರುವನಂತಪುರಂ ಮಾರ್ಗದಲ್ಲಿ ಹೊಸ ಮಲ್ಟಿ-ಆಕ್ಸಲ್ ಸ್ಲೀಪರ್ ಬಸ್ ಸೇವೆ ನಾಳೆಯಿಂದ ಪ್ರಾರಂಭವಾಗಲಿದೆ.

ಈ ಸೇವೆಯನ್ನು ವೋಲ್ವೋ 9600 ಎಸ್‌ಎಲ್‌ಎಕ್ಸ್ ಸರಣಿಯ ಬಸ್‌ಗಳು ನಿರ್ವಹಿಸುತ್ತವೆ. ಪ್ರತಿದಿನ ಸಂಜೆ 5.30 ಕ್ಕೆ ಸ್ಯಾಟಲೈಟ್ ಟರ್ಮಿನಲ್‌ನಿಂದ ಹೊರಡುವ ಬಸ್ ಹೊಸೂರು - ಸೇಲಂ - ಕೊಯಮತ್ತೂರು - ಪಾಲಕ್ಕಾಡ್ - ಮನ್ನುತ್ತಿ - ಚಾಲಕುಡಿ - ಅಂಗಮಾಲಿ - ಪೆರುಂಬಾವೂರು - ಮೂವಾಟ್ಟುಪುಳ - ಕೊಟ್ಟಾಯಂ - ಚೆಂಗನ್ನೂರು - ಕೊಟ್ಟಾರಕರ - ಕಿಲಿಮಾನೂರು ಮೂಲಕ ಬೆಳಿಗ್ಗೆ 8.40 ಕ್ಕೆ ತಿರುವನಂತಪುರಂ ತಲುಪಲಿದೆ. ತಿರುವನಂತಪುರದಿಂದ ಸಂಜೆ 5.30ಕ್ಕೆ ಹೊರಡುವ ಬಸ್ ಮರುದಿನ ಬೆಳಗ್ಗೆ 7.55ಕ್ಕೆ ಬೆಂಗಳೂರು ತಲುಪಲಿದೆ.
ಬೆಂಗಳೂರಿನಿಂದ ಪ್ರಯಾಣಿಸುವಾಗ, ಶಾಂತಿನಗರ (5.45), ಹೊಸೂರು (6.15), ಕೊಯಮತ್ತೂರು (11.55), ಪಾಲಕ್ಕಾಡ್ ಚಂದ್ರನಗರ (12.45), ಮೂವಾಟ್ಟುಪುಳ (ಬೆಳಗ್ಗೆ 3.25), ಕೊಟ್ಟಾಯಂ (4.40), ಕೊಟ್ಟಾರಕ್ಕರ (7.10), ತಿರುವನಂತಪುರಂ (8.40) ಆಗಮನದ ಸಮಯ. ಪಾಲಕ್ಕಾಡ್ ಮತ್ತು ತ್ರಿಶೂರ್ ಸ್ಟ್ಯಾಂಡ್‌ಗೆ ತೆರಳುವುದಿಲ್ಲ.
ತಿರುವನಂತಪುರಂನಿಂದ ಪ್ರಯಾಣಿಸುವಾಗ, ಕೊಟ್ಟಾರಕ್ಕರ (6.55), ಕೊಟ್ಟಾಯಂ (9), ಮೂವಾಟ್ಟುಪುಳ (10.50), ಪಾಲಕ್ಕಾಡ್ ಚಂದ್ರನಗರ-1.30, ಕೊಯಮತ್ತೂರು (2.30), ಹೊಸೂರು (7), ಎಲೆಕ್ಟ್ರಾನಿಕ್ ಸಿಟಿ (7.20). ಟಿಕೆಟ್ ದರ ರೂ. 2151. ತಿರುವನಂತಪುರಂ ನಿಂದ ಬೆಂಗಳೂರು ಸೇವೆ ಇಂದಿನಿಂದ ಆರಂಭವಾಗಿದೆ.