ಚಲನಚಿತ್ರೋತ್ಸವದ ಪರಂಪರೆಯನ್ನು ಸಂರಕ್ಷಿಸಲು ಡಿಜಿಟಲ್ ಆರ್ಕೈವ್ ಸಿದ್ಧಪಡಿಸಬೇಕು: ಮುಖ್ಯ ಕಾರ್ಯದರ್ಶಿ ಡಾ. ಎ. ಜಯತಿಲಕ್

ತಿರುವನಂತಪುರಂ: ಕೇರಳದ ಅತಿದೊಡ್ಡ ಚಲನಚಿತ್ರೋತ್ಸವದ ಸಾಂಸ್ಕøತಿಕ ಪರಂಪರೆಯನ್ನು ಭವಿಷ್ಯದ ಪೀಳಿಗೆಗೆ ಸಂರಕ್ಷಿಸಲು ಡಿಜಿಟಲ್ ಆರ್ಕೈವ್ ಅತ್ಯಗತ್ಯ ಎಂದು ಮುಖ್ಯ ಕಾರ್ಯದರ್ಶಿ ಡಾ. ಎ. ಜಯತಿಲಕ್ ಹೇಳಿದರು. 

ಟ್ಯಾಗೋರ್ ರಂಗಮಂದಿರದಲ್ಲಿ 30 ನೇ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದ ಉತ್ಸವ ಕಚೇರಿಯನ್ನು ಉದ್ಘಾಟಿಸಿ ಅವರು ಮಾತನಾಡುತ್ತಿದ್ದರು. 

ಐಎಫ್‍ಎಫ್‍ಕೆಯ ಸಮಗ್ರ ಡಿಜಿಟಲ್ ಆರ್ಕೈವ್ ರಚಿಸಲು ತುರ್ತು ಕ್ರಮಗಳನ್ನು ತೆಗೆದುಕೊಳ್ಳಬೇಕು. ಈ ಉತ್ಸವದ ಪರಂಪರೆಯು ಭವಿಷ್ಯಕ್ಕೆ ಒಂದು ನಿಧಿಯಾಗಿದೆ. ಹಳೆಯ ಕ್ಯಾಟಲಾಗ್‍ಗಳನ್ನು ಡಿಜಿಟಲೀಕರಣಗೊಳಿಸುವುದು ಮತ್ತು ಅವುಗಳನ್ನು ಆನ್‍ಲೈನ್‍ನಲ್ಲಿ ಲಭ್ಯವಾಗುವಂತೆ ಮಾಡುವುದರಿಂದ ಚಲನಚಿತ್ರ ಪ್ರೇಮಿಗಳು, ವಿದ್ಯಾರ್ಥಿಗಳು ಮತ್ತು ಸಂಶೋಧಕರಿಗೆ ಪ್ರಯೋಜನವಾಗುತ್ತದೆ. ಚಲನಚಿತ್ರ ಅಕಾಡೆಮಿ ಈ ಜವಾಬ್ದಾರಿಯನ್ನು ತೆಗೆದುಕೊಳ್ಳಬೇಕು ಎಂದು ಮುಖ್ಯ ಕಾರ್ಯದರ್ಶಿ ಸೂಚಿಸಿದರು.

ಚಲಚಿತ್ರ ಅಕಾಡೆಮಿ ಕಾರ್ಯದರ್ಶಿ ಸಿ. ಅಜೋಯ್ ಅಧ್ಯಕ್ಷತೆ ವಹಿಸಿದ್ದರು. ಸಾಂಸ್ಕೃತಿಕ ಇಲಾಖೆಯ ನಿರ್ದೇಶಕಿ ಡಾ. ದಿವ್ಯಾ ಎಸ್ ಅಯ್ಯರ್, ಉಪಾಧ್ಯಕ್ಷೆ ಕುಕ್ಕು ಪರಮೇಶ್ವರನ್, ಮಾಜಿ ಅಧ್ಯಕ್ಷ ಟಿ. ಕೆ. ರಾಜೀವ್ ಕುಮಾರ್, ಎಫ್‍ಎಫ್‍ಐ ಉಪಾಧ್ಯಕ್ಷರು ಸುರೇಶ್ ಕುಮಾರ್ ಮತ್ತು ಕೆ. ಸುನಿಲ್ ಕುಮಾರ್ ಸಮಾರಂಭದಲ್ಲಿ ಉಪಸ್ಥಿತರಿದ್ದರು.

30ನೇ ಆವೃತ್ತಿಯ ಚಲನಚಿತ್ರೋತ್ಸವದ ಭಾಗವಾಗಿ, ವರ್ಣರಂಜಿತ ಬಲೂನ್‍ಗಳನ್ನು ಆಕಾಶಕ್ಕೆ ಹಾರಿಸಲಾಯಿತು. ಮೂರು ದಶಕಗಳ ಚಲನಚಿತ್ರೋತ್ಸವದ ಸೃಜನಶೀಲತೆ, ಸ್ವಾತಂತ್ರ್ಯ ಮತ್ತು ವೈವಿಧ್ಯತೆಯನ್ನು ಪ್ರತಿನಿಧಿಸಲು ಬಲೂನ್‍ಗಳನ್ನು ಬಿಡುಗಡೆ ಮಾಡಲಾಯಿತು.