64ನೇ ರಾಜ್ಯ ಶಾಲಾ ಕಲೋತ್ಸವ ನಾಳೆ ತ್ರಿಶೂರ್‍ನಲ್ಲಿ ಉದ್ಘಾಟನೆ: ಸ್ಪರ್ಧಿಗಳ ನೋಂದಣಿ ಆರಂಭ

ತ್ರಿಶೂರ್: 64ನೇ ರಾಜ್ಯ ಶಾಲಾ ಕಲೋತ್ಸವ ನಾಳೆ ತ್ರಿಶೂರ್‍ನಲ್ಲಿ ಉದ್ಘಾಟನೆಗೊಳ್ಳಲಿದೆ. ಅಂತಿಮ ಸಿದ್ಧತೆಗಳು ಪ್ರಗತಿಯಲ್ಲಿವೆ. ಸ್ಪರ್ಧಿಗಳ ನೋಂದಣಿ ಇಂದು ಬೆಳಿಗ್ಗೆ 10 ಗಂಟೆಯಿಂದ ಆರಂಭವಾಗಿದೆ.

ಮೊದಲ ಗುಂಪನ್ನು ಮಧ್ಯಾಹ್ನ 12 ಗಂಟೆಗೆ ತ್ರಿಶೂರ್ ರೈಲು ನಿಲ್ದಾಣದಲ್ಲಿ ಸ್ವಾಗತಿಸಲಾಯಿತು.  ಈ ಬಾರಿಯೂ ಸಹ, ಕಲೋತ್ಸವಕ್ಕೆ ಬರುವವರಿಗೆ ಪಝಾಯಡಂ ಮೋಹನನ್ ನಂಬೂದಿರಿ ನೇತೃತ್ವದಲ್ಲಿ ಆಹಾರವನ್ನು ಸಿದ್ಧಪಡಿಸಲಾಗುತ್ತಿದೆ. 25,000 ಕ್ಕೂ ಹೆಚ್ಚು ಜನರಿಗೆ ಆಹಾರವನ್ನು ಸಿದ್ಧಪಡಿಸಲಾಗುತ್ತಿದೆ.

ಮಧ್ಯಾಹ್ನ 3 ಗಂಟೆಗೆ ಅಡುಗೆ ಶಾಲೆಯಲ್ಲಿ ಹಾಲುಕ್ಕಿಸಿ ಚಾಲನೆ ನೀಡಲಾಯಿತು. ಚಿನ್ನದ ಬಟ್ಟಲು ತ್ರಿಶೂರ್ ಜಿಲ್ಲೆಯ ವಿವಿಧ ಭಾಗಗಳಲ್ಲಿ ಸಂಚರಿಸಿ ಮಧ್ಯಾಹ್ನ 2 ಗಂಟೆಗೆ ತ್ರಿಶೂರ್ ನಗರವನ್ನು ತಲುಪಿತು. ಬಳಿಕ ಕಲೋತ್ಸವದ ಆಗಮನವನ್ನು ಘೋಷಿಸುವ ಸಾಂಸ್ಕøತಿಕ ಮೆರವಣಿಗೆ ನಡೆಯಿತು. 

25 ಸ್ಥಳಗಳಲ್ಲಿ ನಡೆಯುವ ಕಲೋತ್ಸವದಲ್ಲಿ ಸಾವಿರಾರು ಪ್ರತಿಭೆಗಳು ಪ್ರದರ್ಶನ ನೀಡಲಿದ್ದಾರೆ. ಕಲೋತ್ಸವದ ಮುಖ್ಯ ಸ್ಥಳವನ್ನು ಸಂಘಟಕರಿಗೆ ಹಸ್ತಾಂತರಿಸಲಾಗಿದೆ. 10 ಎಸ್‍ಐಗಳ ಅಡಿಯಲ್ಲಿ ಸುಮಾರು 1,200 ಪೋಲೀಸರನ್ನು ಭದ್ರತೆಗಾಗಿ ನಿಯೋಜಿಸಲಾಗಿದೆ. ನಗರದಲ್ಲಿ ಮಹಿಳಾ ಸ್ನೇಹಿ ಟ್ಯಾಕ್ಸಿಗಳು ಸಹ ಕಾರ್ಯನಿರ್ವಹಿಸಲಿವೆ.