ಅನುಮತಿಯಿಲ್ಲದೆ ವಿಡಿಯೋ ರೆಕಾರ್ಡ್: ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೆ: ಶಿಮ್ಜಿತಾ ಮುಸ್ತಫಾ ವಿರುದ್ಧ ಸಹ ಪ್ರಯಾಣಿಕಳಿಂದ ದೂರು

ಕೋಝಿಕೋಡ್: ಬಸ್ ಪ್ರಯಾಣದ ಸಮಯದಲ್ಲಿ ದೀಪಕ್ ಎಂಬ ಯುವಕನ ವೀಡಿಯೊವನ್ನು ಚಿತ್ರೀಕರಿಸಿ ಸಾಮಾಜಿಕ ಮಾಧ್ಯಮದಲ್ಲಿ ಪ್ರಸಾರ ಮಾಡಿದ ಘಟನೆಗೆ ಸಂಬಂಧಿಸಿದಂತೆ ಶಿಮ್ಜಿತಾ ಮುಸ್ತಫಾ ವಿರುದ್ಧ ಹೊಸ ದೂರು ದಾಖಲಾಗಿದೆ. 

ಶಿಮ್ಜಿತಾ ರೆಕಾರ್ಡ್ ಮಾಡಿದ ವೀಡಿಯೊದಲ್ಲಿ ಪ್ರಯಾಣಿಕಳಾಗಿದ್ದ ಬೇರೊಬ್ಬ ಹುಡುಗಿ ತನ್ನ ದೃಶ್ಯಗಳ ಅನಧಿಕೃತ ರೆಕಾರ್ಡಿಂಗ್ ಮತ್ತು ಪ್ರಸಾರದ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿದ್ದಾಳೆ.

ದೀಪಕ್ ಅವರ ದೃಶ್ಯಗಳನ್ನು ರೆಕಾರ್ಡ್ ಮಾಡುವಾಗ, ಶಿಮ್ಜಿತಾ ತನ್ನ ಮುಖವನ್ನೂ ವೀಡಿಯೊದಲ್ಲಿ ಸೇರಿಸಿದ್ದರು ಎಂದು ದೂರಲಾಗಿದೆ. ಕಣ್ಣೂರು ಮೂಲದ ಹುಡುಗಿಯೊಬ್ಬಳು ಕಣ್ಣೂರು ಸೈಬರ್ ಪೋಲೀಸರಿಗೆ ದೂರು ನೀಡಿದ್ದು, ಇದು ತನ್ನ ಗೌಪ್ಯತೆ ಮತ್ತು ಮಾನಹಾನಿಯ ಉಲ್ಲಂಘನೆಯಾಗಿದೆ ಎಂದು ಆರೋಪಿಸಿದ್ದಾರೆ.

ಸಾಮಾಜಿಕ ಮಾಧ್ಯಮಗಳಲ್ಲಿ ವ್ಯಾಪಕವಾಗಿ ಪ್ರಸಾರವಾಗುತ್ತಿರುವ ವೀಡಿಯೊವನ್ನು ತಕ್ಷಣವೇ ತೆಗೆದುಹಾಕಬೇಕೆಂದು ದೂರಿನಲ್ಲಿ ಒತ್ತಾಯಿಸಲಾಗಿದೆ. ದೀಪಕ್ ಆತ್ಮಹತ್ಯೆಯ ನಂತರ ಈ ವೀಡಿಯೊ ಮತ್ತೆ ಚರ್ಚೆಯಾದಾಗ ಹುಡುಗಿ ದೂರು ನೀಡಿದ್ದಾಳೆ.