ಎಸ್‌ಐಆರ್‌ಗೆ 8,505 ಅಧಿಕಾರಿಗಳನ್ನು ನಿಯೋಜಿಸಲು ಬದ್ಧ: ECಗೆ ಬಂಗಾಳ ಸರ್ಕಾರ

ನವದೆಹಲಿ: ಮತದಾರರ ಪಟ್ಟಿ ವಿಶೇಷ ಸಮಗ್ರ ಪರಿಷ್ಕರಣೆಗೆ (ಎಸ್‌ಐಆರ್‌) ಪೂರಕವಾಗುವಂತೆ 8,505 ಮಂದಿ 'ಬಿ ಗ್ರೂಪ್‌' ಅಧಿಕಾರಿಗಳನ್ನು ಒದಗಿಸಲು ಸಿದ್ಧವಿರುವುದಾಗಿ ಪಶ್ಚಿಮ ಬಂಗಾಳ ಸರ್ಕಾರವು ಚುನಾವಣಾ ಆಯೋಗಕ್ಕೆ ಹೇಳಿದೆ.

ಪಶ್ಚಿಮ ಬಂಗಾಳ ಸರ್ಕಾರವು ಎಸ್‌ಐಆರ್‌ ಮೇಲ್ವಿಚಾರಣೆಗೆ ಗ್ರೇಡ್‌ 2 ಹಂತದ 80 ಅಧಿಕಾರಿಗಳನ್ನಷ್ಟೇ ಒದಗಿಸಿದೆ ಎಂದು ಆಯೋಗದ ಪರ ವಕೀಲರಾದ ರಾಕೇಶ್‌ ದ್ವಿವೇದಿ ಅವರು ಫೆಬ್ರುವರಿ 4ರಂದು ಸುಪ್ರೀಂ ಕೋರ್ಟ್‌ನಲ್ಲಿ ಆಕ್ಷೇಪ‍ ವ್ಯಕ್ತಪಡಿಸಿದ್ದರು.

ಹೀಗಾಗಿ, ಸರ್ಕಾರವು ಅಧಿಕಾರಿಗಳ ನಿಯೋಜನೆಗೆ ಮುಂದಾಗಿರುವುದು ಮಹತ್ವ ಪಡೆದಿದೆ.

ಆಯೋಗ ಕೇಳಿದ ಎಲ್ಲವನ್ನೂ ರಾಜ್ಯ ಸರ್ಕಾರ ಒದಗಿಸಿದೆ ಎಂದು ಪಶ್ಚಿಮ ಬಂಗಾಳ ಮುಖ್ಯುಮಂತ್ರಿ ಮಮತಾ ಬ್ಯಾನರ್ಜಿ ಅವರೂ ಫೆಬ್ರುವರಿ 4 ರಂದು ನ್ಯಾಯಪೀಠದ ಗಮನಕ್ಕೆ ತಂದಿದ್ದರು.