ಎಲ್ಲಾ ಬೋಗಿಗಳು ಎಲ್.ಎಚ್.ಬಿ; ವೀಳ್ಯದೆಲೆ ರೈತರನ್ನು ಸಂಕಷ್ಟಕ್ಕೆ ಸಿಲುಕಿಸಿದ ವೆಸ್ಟ್ ಕೋಸ್ಟ್ ಎಕ್ಸ್ ಪ್ರೆಸ್

ತಿರೂರು: ಚೆನ್ನೈ ವೆಸ್ಟ್ ಕೋಸ್ಟ್ ಎಕ್ಸ್‍ಪ್ರೆಸ್ ಅನ್ನು ಅಪ್‍ಗ್ರೇಡ್ ಮಾಡಲಾಗಿದ್ದು ಎಲ್ಲಾ ಬೋಗಿಗಳನ್ನು ಎಲ್.ಎಚ್.ಬಿ ದರ್ಜೆಗೇರಿಸಲಾಗಿದೆ. ಜೊತೆಗೆ ಪಾರ್ಸೆಲ್ ಬೋಗಿಯನ್ನು ತೆಗೆದುಹಾಕಲಾಗಿದೆ. ಇದರಿಂದ ತಿರೂರಿನಿಂದ ವೀಳ್ಯದೆಲೆ ರಫ್ತುಗಳು ಬಿಕ್ಕಟ್ಟಿನಲ್ಲಿವೆ.  

ಈ ಹಿಂದೆ, ಪಾರ್ಸೆಲ್ ವ್ಯಾನ್ 18 ಟನ್ ಸಾಗಿಸುವ ಸಾಮಥ್ರ್ಯವನ್ನು ಹೊಂದಿತ್ತು ಮತ್ತು ಮುಂಭಾಗ ಮತ್ತು ಹಿಂಭಾಗದಲ್ಲಿರುವ ಎರಡು ಎಸ್ ಎಲ್ ಆರ್ ಗಳು ಎಂಟು ಟನ್ ಪಾರ್ಸೆಲ್‍ಗಳನ್ನು ಸಾಗಿಸಬಲ್ಲವು. ಈಗ, ಎಸ್‍ಎಲ್‍ಆರ್ ಕೇವಲ ಆರು ಟನ್ ಸಾಗಿಸುವ ಸಾಮಥ್ರ್ಯವನ್ನು ಹೊಂದಿದೆ. 20 ಟನ್ ಸಾಗಿಸುವ ಸಾಮಥ್ರ್ಯ ಇಲ್ಲವಾಗಿದೆ. ವೀಳ್ಯದೆಲೆ ಸಾಗಿಸಲು ಬಳಸಲಾಗುತ್ತಿದ್ದ ಪಾರ್ಸೆಲ್ ಬೋಗಿಯನ್ನು ಫೆಬ್ರವರಿ 1 ರಿಂದ ನಿಲ್ಲಿಸಲಾಯಿತು.

ಮಲಪ್ಪುರಂ ಜಿಲ್ಲೆಯ ವೀಳ್ಯೆದೆಲೆ ರೈತರು ಬಹಳ ಕಾಲಗಳಿಂದ ಚೆನ್ನೈ ವೆಸ್ಟ್ ಕೋಸ್ಟ್ ಎಕ್ಸ್‍ಪ್ರೆಸ್‍ನಲ್ಲಿ ತಿರೂರ್ ರೈಲ್ವೆ ನಿಲ್ದಾಣದಿಂದ ವೀಳ್ಯೆದೆಲೆ ಸಾಗಿಸುತ್ತಿದ್ದಾರೆ. ರೈಲು ಮುಂಜಾನೆ  3:45 ಕ್ಕೆ ಇಲ್ಲಿಗೆ ಆಗಮಿಸುತ್ತದೆ. ಕೇರಳದ ಪ್ರಮುಖ ವೀಳ್ಯದೆಲೆ ಉತ್ಪಾದನೆ ಮತ್ತು ರಫ್ತು ಕೇಂದ್ರವಾದ ತಿರೂರಿನಿಂದ ಪಶ್ಚಿಮ ಕರಾವಳಿಯ ಚೆನ್ನೈಗೆ ಮತ್ತು ಅಲ್ಲಿಂದ ದೆಹಲಿ ಸೇರಿದಂತೆ ಸ್ಥಳಗಳಿಗೆ ದಶಕಗಳಿಂದ ವೀಳ್ಯದೆಲೆ ನಿಯಮಿತವಾಗಿ ಸಾಗಣೆಯಾಗುತ್ತಿದೆ.

ಪ್ರತಿದಿನ ಇಲ್ಲಿಂದ 700 ರಿಂದ 1000 ಬುಟ್ಟಿ ವೀಳ್ಯೆದೆಲೆ ರವಾನೆಯಾಗುತ್ತದೆ. ರೈಲ್ವೆಗಳು ಸಹ ಇದರಿಂದ ಲಕ್ಷಾಂತರ ರೂಪಾಯಿಗಳನ್ನು ಗಳಿಸುತ್ತವೆ. ಈ ಹಿಂದೆ, ತಿರೂರು ವೀಳ್ಯೆದೆಲೆ ಗಡಿ ದಾಟಿ ಪಾಕಿಸ್ತಾನದವರೆಗೆ ಹೋಗುತ್ತಿತ್ತು. ದೆಹಲಿಯಲ್ಲಿ ಇನ್ನೂ ಉತ್ತಮ ಮಾರುಕಟ್ಟೆಯನ್ನು ಹೊಂದಿರುವ ತಿರೂರು ವೀಳ್ಯೆದೆಲೆ ಹೆಸರು ಗಳಿಸಿದ್ದಾಗಿದೆ.

ಪಾರ್ಸೆಲ್ ಬೋಗಿ ಎರಡು ಬಾಗಿಲುಗಳನ್ನು ಹೊಂದಿದ್ದು ಅದು ಸರಕುಗಳನ್ನು ಲೋಡ್ ಮಾಡಲು ಸುಲಭವಾಗುವಂತೆ ಮಾಡಿತು. ಈಗ ಬ್ರೇಕ್ ವ್ಯಾನ್‍ಗೆ ಒಂದೇ ಬಾಗಿಲು ಇದೆ. ಕಡಿಮೆ ಸಮಯದಲ್ಲಿ ಈ ಬಾಗಿಲಿನ ಮೂಲಕ ವೀಳ್ಯೆದೆಲೆ ಬುಟ್ಟಿಗಳನ್ನು ಲೋಡ್ ಮಾಡುವುದು ಸಹ ಕಷ್ಟಕರವಾಗಿದೆ.