ಕೇರಳದಲ್ಲಿ ಜಾತಿ ಆಧಾರಿತ ವಿವಾಹ ತಾಣಗಳು ವಿಪರ್ಯಾಸ - ಎಂ.ಎ. ಬೇಬಿ

ತೇಂಜಿಪಾಲಂ: ಜಾತಿ ಇಲ್ಲ ಎಂಬ ಘೋಷಣೆ ಇದ್ದ ಕೇರಳದಲ್ಲಿ, ವಿದ್ಯಾವಂತ ಯುವಕರು ಜಾತಿ ಆಧಾರಿತ ವೈವಾಹಿಕ ತಾಣಗಳನ್ನು ಬಳಸುತ್ತಿರುವುದು ವಿಪರ್ಯಾಸ ಎಂದು ಸಿಪಿಎಂ ಪ್ರಧಾನ ಕಾರ್ಯದರ್ಶಿ ಎಂ.ಎ. ಬೇಬಿ ಹೇಳಿದ್ದಾರೆ.  

ಕೇರಳ ಸಾಹಿತ್ಯ ಅಕಾಡೆಮಿಯ ಸಮಗ್ರ ಕೊಡುಗೆಗಾಗಿ ಪ್ರಶಸ್ತಿ ಗೆದ್ದ ಕೆ.ಇ.ಎನ್. ಕುಂಜಹಮ್ಮದ್ ಅವರನ್ನು ಸನ್ಮಾನಿಸುವ ಸಾಂಸ್ಕøತಿಕ ಉತ್ಸವವನ್ನು ಉದ್ಘಾಟಿಸಿ ಅವರು ಮಾತನಾಡಿದರು. 

ಕೆ.ಇ.ಎನ್. ಅವರ ಮಾತು ಮತ್ತು ಕಾರ್ಯಗಳ ಹೊಂದಾಣಿಕೆಗೆ ಬದ್ಧತೆಯು ಅವರನ್ನು ವಿಭಿನ್ನವಾಗಿಸುತ್ತದೆ ಎಂದು ಬೇಬಿ ಪ್ರತಿಕ್ರಿಯಿಸಿದ್ದಾರೆ. ಎರಡು ದಿನಗಳ ಕಾರ್ಯಕ್ರಮವನ್ನು ಕ್ಯಾಲಿಕಟ್ ವಿಶ್ವವಿದ್ಯಾಲಯದ ಇ.ಎಂ.ಎಸ್. ಚೇರ್ ಫಾರ್ ಮಾಕ್ರ್ಸಿಯನ್ ಸ್ಟಡೀಸ್ ಅಂಡ್ ರಿಸರ್ಚ್ ಆಯೋಜಿಸುತ್ತಿದೆ.

ಲೇಖಕ ಅಶೋಕನ್ ಚಾರುವಿಲ್ ಮುಖ್ಯ ಭಾಷಣ ಮಾಡಿದರು. ಡಾ. ಕೆ.ಎಂ. ಅನಿಲ್, ಪಿ. ಅಶೋಕನ್, ಸಿಂಡಿಕೇಟ್ ಸದಸ್ಯರಾದ ಕವುಂಬಾಯಿ ಬಾಲಕೃಷ್ಣನ್, ಡಾ. ಟಿ. ವಸುಮತಿ, ಸೆನೆಟರ್ ವಿ.ಎಸ್. ನಿಖಿಲ್, ಎನ್.ಪಿ. ಜಮ್ಶೀರ್ ಮತ್ತು ಟಿ.ವಿ. ಅಮರ್ ದೇವ್ ಮಾತನಾಡಿದರು.

ನಂತರ, ವಿ.ಐ. ಲೆನಿನ್ ಅವರ ತತ್ವಶಾಸ್ತ್ರ ಟಿಪ್ಪಣಿಗಳು ಎಂಬ ಪುಸ್ತಕವನ್ನು ಎಂ.ಎ. ಬೇಬಿ ಬಿಡುಗಡೆ ಮಾಡಿದರು. ಸಂಜೆ, ಅಭಿಷ್ ಶಶಿಧರನ್ ಅವರ ನಾಟಕ ಪ್ರದರ್ಶಿಸಲಾಯಿತು. ಕಾರ್ಯಕ್ರಮ ಇಂದು ರಾತ್ರಿ ಕೊನೆಗೊಳ್ಳಲಿದೆ.