ಸೈಬರ್ ಭದ್ರತೆ: ಆನ್‍ಲೈನ್ ಪಾವತಿಗಳನ್ನು ಮಾಡುವಾಗ ನೆನಪಿನಲ್ಲಿಟ್ಟುಕೊಳ್ಳಬೇಕಾದ ವಿಷಯಗಳು

ನಾವು ನಮ್ಮ ಹೆಚ್ಚಿನ ವಹಿವಾಟುಗಳನ್ನು ಯುಪಿಐ ಮತ್ತು ನೆಟ್ ಬ್ಯಾಂಕಿಂಗ್ ಮೂಲಕ ಮಾಡುತ್ತೇವೆ. ಅಸುರಕ್ಷಿತ ವೈ-ಫೈ ನೆಟ್‍ವರ್ಕ್‍ಗಳಲ್ಲಿ ಕುಳಿತು ಬ್ಯಾಂಕಿಂಗ್ ವಹಿವಾಟುಗಳನ್ನು ಮಾಡಬಾರದು ಎಂಬುದು ಅತ್ಯಂತ ಮುಖ್ಯವಾದ ವಿಷಯ. ರೈಲ್ವೆ ನಿಲ್ದಾಣಗಳು ಮತ್ತು ಕೆಫೆಗಳಲ್ಲಿ ಸಾರ್ವಜನಿಕ ವೈ-ಫೈ ಮೂಲಕ ಹಣವನ್ನು ಕಳುಹಿಸುವಾಗ, ಹ್ಯಾಕರ್‍ಗಳು ನಿಮ್ಮ ಮಾಹಿತಿಯನ್ನು ಕದಿಯುವುದು ಸುಲಭ. 

ಕ್ಯುಆರ್ ಕೋಡ್‍ಗಳನ್ನು ಸ್ಕ್ಯಾನ್ ಮಾಡುವಾಗ ಯಾವಾಗಲೂ ಜಾಗರೂಕರಾಗಿರಿ

ಹಣ ಕಳುಹಿಸಲು ನೀವು ಸಾಮಾನ್ಯವಾಗಿ ಕ್ಯುಆರ್ ಕೋಡ್ ಅನ್ನು ಮಾತ್ರ ಸ್ಕ್ಯಾನ್ ಮಾಡಬೇಕಾಗುತ್ತದೆ. ಆದರೆ "ನೀವು ಲಾಟರಿ ಗೆದ್ದಿದ್ದೀರಿ, ಈ ಕೋಡ್ ಅನ್ನು ಸ್ಕ್ಯಾನ್ ಮಾಡಿ ಮತ್ತು ಹಣವನ್ನು ಪಡೆಯಿರಿ" ಎಂಬಂತಹ ವಂಚನೆಗಳು ಈಗ ವ್ಯಾಪಕವಾಗಿವೆ. ಹಣವನ್ನು ಸ್ವೀಕರಿಸಲು ನೀವು ನಿಮ್ಮ ಪಿನ್ ಅನ್ನು ನಮೂದಿಸುವ ಅಥವಾ ಸ್ಕ್ಯಾನ್ ಮಾಡುವ ಅಗತ್ಯವಿಲ್ಲ ಎಂಬುದನ್ನು ನೆನಪಿಡಿ.

ಆನ್‍ಲೈನ್ ಶಾಪಿಂಗ್ ಸೈಟ್‍ಗಳಲ್ಲಿ ಕಾರ್ಡ್ ವಿವರಗಳನ್ನು ಉಳಿಸದಿರಲು ಪ್ರಯತ್ನಿಸಿ. ವಿಶ್ವಾಸಾರ್ಹವಲ್ಲದ ವೆಬ್‍ಸೈಟ್‍ಗಳಿಂದ ಸರಕುಗಳನ್ನು ಖರೀದಿಸುವಾಗ 'ಕ್ಯಾಶ್ ಆನ್ ಡೆಲಿವರಿ' ಅನ್ನು ಆಯ್ಕೆ ಮಾಡುವುದು ಸುರಕ್ಷಿತವಾಗಿದೆ. ವೆಬ್‍ಸೈಟ್ ತನ್ನ ವಿಳಾಸ ಪಟ್ಟಿಯಲ್ಲಿ ಲಾಕ್ ಚಿಹ್ನೆ (ಎಚ್.ಟಿ.ಟಿ.ಪಿ.ಎಸ್.) ಇದೆ ಎಂದು ಖಚಿತಪಡಿಸಿಕೊಳ್ಳಿ. ನಿಮ್ಮ ಮಾಹಿತಿಯನ್ನು ಎನ್‍ಕ್ರಿಪ್ಟ್ ಮಾಡಿದ ರೀತಿಯಲ್ಲಿ ರವಾನಿಸಲಾಗುತ್ತಿದೆ ಎಂದು ಇದು ಸೂಚಿಸುತ್ತದೆ.

ನಿಮ್ಮ ಪಿನ್ ಅನ್ನು ಸರಳೀಕರಿಸಬೇಡಿ!

ಪ್ರತಿ ಬ್ಯಾಂಕ್ ಖಾತೆಗೆ ವಿಭಿನ್ನ ಪಾಸ್‍ವರ್ಡ್‍ಗಳು ಮತ್ತು ಪಿನ್ ಸಂಖ್ಯೆಗಳನ್ನು ಬಳಸಿ. ನಿಮ್ಮ ಜನ್ಮ ದಿನಾಂಕ ಅಥವಾ 1234 ನಂತಹ ಸರಳ ಸಂಖ್ಯೆಗಳನ್ನು ನಿಮ್ಮ ಪಿನ್ ಆಗಿ ಬಳಸಬೇಡಿ. ಬ್ಯಾಂಕ್ ಅಧಿಕಾರಿಯಂತೆ ನಟಿಸಿ ನಿಮಗೆ ಕರೆ ಮಾಡುವ ಯಾರೊಂದಿಗೂ ನಿಮ್ಮ ಔಖಿP ಸಂಖ್ಯೆಗಳನ್ನು ಹಂಚಿಕೊಳ್ಳಬೇಡಿ. ಯಾವುದೇ ಬ್ಯಾಂಕ್ ನಿಮ್ಮ ಒಟಿಪಿಯನ್ನು ಪೋನ್ ಮೂಲಕ ಕೇಳುವುದಿಲ್ಲ.

ನಿಮ್ಮ ಬ್ಯಾಂಕ್ ಖಾತೆಯ ವಹಿವಾಟುಗಳನ್ನು ಸೂಕ್ಷ್ಮವಾಗಿ ಗಮನಿಸಿ. ನಿಮ್ಮ ಪೋನ್‍ಗೆ ಬರುವ ಎಸ್.ಎಂಎಸ್ ಎಚ್ಚರಿಕೆಗಳಿಗೆ ಗಮನ ಕೊಡಿ. ನಿಮಗೆ ತಿಳಿಯದೆ ಯಾವುದೇ ವಹಿವಾಟು ಕಂಡುಬಂದರೆ, ತಕ್ಷಣ ಬ್ಯಾಂಕಿಗೆ ತಿಳಿಸಿ ಮತ್ತು ನಿಮ್ಮ ಕಾರ್ಡ್ ಅಥವಾ ಖಾತೆಯನ್ನು ನಿರ್ಬಂಧಿಸಿ. ನೀವು ಸೈಬರ್ ವಂಚನೆಗೆ ಬಲಿಯಾಗಿದ್ದರೆ, ಸಾಧ್ಯವಾದಷ್ಟು ಬೇಗ ಸಹಾಯವಾಣಿ ಸಂಖ್ಯೆ 1930 ಗೆ ಕರೆ ಮಾಡಿ ದೂರು ನೀಡಿ.