ಪೆರ್ಲ ಪ್ರಾಣಿ ಕಲ್ಯಾಣ ಚೆಕ್ ಪೋಸ್ಟ್ ಕಂಟೇನರ್ ಕಚೇರಿ ಕಾರ್ಯಾರಂಭ

ಪೆರ್ಲ: ಪೆರ್ಲದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಪ್ರಾಣಿ ಕಲ್ಯಾಣ ಚೆಕ್ ಪೋಸ್ಟ್‍ನ ಸೇವೆಗಳನ್ನು ಸುಧಾರಿಸುವ ಭಾಗವಾಗಿ ಸ್ಯಾಟಲೈಟ್ ಕಂಟೇನರ್ ಕಚೇರಿಯನ್ನು ತೆರೆಯಲಾಗಿದೆ. ಚೆಕ್ ಪೋಸ್ಟ್ ಮೂಲಕ ಹಾದುಹೋಗುವ ಎಲ್ಲಾ ಪ್ರಾಣಿಗಳ ಪರಿಣಾಮಕಾರಿ ನೋಂದಣಿ ಮತ್ತು ಲಸಿಕೆಗಳ ದಾಖಲೆಗಳನ್ನು ಇಡುವುದರಿಂದ, ಜಿಲ್ಲೆಯ ಇತರ ರಾಜ್ಯಗಳಿಂದ ಬರುವ ಜಾನುವಾರುಗಳಿಂದ ಹರಡಬಹುದಾದ ರೋಗ ನಿಯಂತ್ರಣ ಸುಧಾರಿಸುತ್ತದೆ.  

ಪೆರ್ಲದಲ್ಲಿ ನಡೆದ ಸಮಾರಂಭವನ್ನು ಪ್ರಾಣಿ ಕಲ್ಯಾಣ ಸಚಿವೆ ಜೆ. ಚಿಂಜು ರಾಣಿ ಗುರುವಾರ ಆನ್‍ಲೈನ್‍ನಲ್ಲಿ ಉದ್ಘಾಟಿಸಿದರು. ಶಾಸಕ ಎ.ಕೆ.ಎಂ. ಅಶ್ರಫ್ ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದರು. ಪಾಲಕ್ಕಾಡ್ ರಿಂಡರ್ ಪೇಸ್ಟ್ ಚೆಕ್ ಪೋಸ್ಟ್ ಕಚೇರಿ ಪರವಾಗಿ ಡಾ. ವಿನೀತಾ ಸಿ.ಬಿ ವರದಿ ಮಂಡಿಸಿದರು. ಎಣ್ಮಕಜೆ ಗ್ರಾಮ ಪಂಚಾಯತಿ ಉಪಾಧ್ಯಕ್ಷ ಅಬೂಬಕರ್ ಸಿದ್ದಿಕ್, ಜಿಲ್ಲಾ ಪಂಚಾಯತಿ ಪುತ್ತಿಗೆ ವಿಭಾಗ ಸದಸ್ಯ ಜೆ.ಎಸ್. ಸೋಮಸೇಖರ, ಬ್ಲಾಕ್ ಪಂಚಾಯತಿ ಸದಸ್ಯ ನಫೀಸತ್ ಮಿಸಿರಿಯಾ, ಅಭಿವೃದ್ಧಿ ಸ್ಥಾಯಿ ಸಮಿತಿ ಅಧ್ಯಕ್ಷೆ ರಮ್ಲಾ ಇಬ್ರಾಹಿಂ, ಆಯಿಷತ್ ರಾಬಿಯಾ, ರಾಮಕೃಷ್ಣ ರೈ, ರಾಮಚಂದ್ರ ಎಂ.ಎಂ., ಬಿ.ಎಸ್. ಗಾಂಭೀರ್ ಮತ್ತಿತರರು ಮಾತನಾಡಿದರು. 

ಈ ಸಂದರ್ಭದಲ್ಲಿ ಪ್ರಾಣಿಗಳಿಂದ ಹರಡುವ ರೋಗಗಳ ಕುರಿತು ವಿಚಾರ ಸಂಕಿರಣವನ್ನು ಆಯೋಜಿಸಲಾಗಿತ್ತು. ಜಿಲ್ಲಾ ಪಶುವೈದ್ಯಕೀಯ ಕೇಂದ್ರದ ಪಶುವೈದ್ಯ ಶಸ್ತ್ರಚಿಕಿತ್ಸಕ ಡಾ. ಸೂರ್ಯ ಪ್ರಸ್ತುತಿ ನೀಡಿದರು. ಜಿಲ್ಲಾ ಪ್ರಾಣಿ ಕಲ್ಯಾಣ ಅಧಿಕಾರಿ ಡಾ. ಬಿಂದು ಕೆ.ವಿ. ಸ್ವಾಗತಿಸಿ, ಕ್ಷೇತ್ರ ಅಧಿಕಾರಿ ಸುನಿಲ್ ಕುಮಾರ್ ವಂದಿಸಿದರು.