ಎಸ್.ಐ.ಆರ್. ಅಂತಿಮ ಮತದಾರರ ಪಟ್ಟಿ ಪ್ರಕಟ ; ಕಾಸರಗೋಡು ಜಿಲ್ಲೆಯಲ್ಲಿ 10,96,241 ಮತದಾರರು

ಕಾಸರಗೋಡು: ವಿಶೇಷ ತೀವ್ರ ಪರಿಷ್ಕರಣೆ ಪ್ರಕ್ರಿಯೆಯ ನಂತರ ಕಾಸರಗೋಡು ಜಿಲ್ಲೆಯ ಅಂತಿಮ ಮತದಾರರ ಪಟ್ಟಿ ಪ್ರಕಟಿಸಲಾಗಿದ್ದು, ಪ್ರಸ್ತುತ ಒಟ್ಟು 10,96,241 ಮತದಾರರಿದ್ದಾರೆ. ಹಿಂದಿನ ಕರಡು ಪಟ್ಟಿಗೆ ಹೋಲಿಸಿದರೆ ಇದೀಗ 74,896 ಮತದಾರರ ಹೆಚ್ಚಳವಾಗಿದೆ.

ಜಿಲ್ಲಾ ಚುನಾವಣಾ ಅಧಿಕಾರಿಯೂ ಆಗಿರುವ ಜಿಲ್ಲಾಧಿಕಾರಿ ಅವರು ರಾಜಕೀಯ ಪಕ್ಷಗಳ ಪ್ರತಿನಿಧಿಗಳಿಗೆ ಪಟ್ಟಿಯ ಪ್ರತಿಯನ್ನು ಹಸ್ತಾಂತರಿಸುವ ಮೂಲಕ ಬಿಡುಗಡೆ ಮಾಡಿದರು.

ಕರಡು ಪಟ್ಟಿ ಪ್ರಕಟವಾದ ನಂತರ ಮತ್ತೆ ಆಕ್ಷೇಪಣೆಗಳು ಮತ್ತು ದೂರುಗಳನ್ನು ಪರಿಗಣಿಸಿ ಮತ್ತು ಹೊಸ ಅರ್ಜಿಗಳನ್ನು ಸ್ವೀಕರಿಸಿದ ನಂತರ ಮತದಾರರ ಸಂಖ್ಯೆ ಪ್ರಸ್ತುತ ಮಟ್ಟಕ್ಕೆ ಏರಿಕೆಯಾಗಿದೆ.

ರಾಜಕೀಯ ಪಕ್ಷಗಳು, ಬಿಎಲ್‍ಒಗಳು, ಕುಟುಂಬಶ್ರೀ ಕಾರ್ಯಕರ್ತರು, ಎಸ್‍ಸಿ, ಎಸ್‍ಟಿ ಪ್ರಮೋಟರ್ ಮತ್ತು ಇತರರ ಸಹಕಾರಕ್ಕಾಗಿ ಜಿಲ್ಲಾಧಿಕಾರಿ ಕೃತಜ್ಞತೆ ಸಲ್ಲಿಸಿದರು.

ಮತದಾರ ಪಟ್ಟಿ ಪರಿಶೀಲಿಸಿ ಎಲ್ಲ ಅರ್ಹ ಮತದಾರರು ಪಟ್ಟಿಯಲ್ಲಿದ್ದಾರೆಯೇ ಎಂದು ಖಚಿತಪಡಿಸಿಕೊಳ್ಳಬೇಕು. ಪಟ್ಟಿಯಲ್ಲಿ ನಕಲಿ ಮತದಾರರು ಕಂಡುಬಂದರೆ ಫಾರ್ಮ್ 7 ಬಳಸಿ ಅವುಗಳನ್ನು ತೆಗೆದುಹಾಕಲು ಅರ್ಜಿ ಸಲ್ಲಿಸಬಹುದು. ಪಟ್ಟಿಯಲ್ಲಿ ಹೆಸರುಗಳಿಲ್ಲದವರು ಚಿಂತಿಸಬೇಕಾಗಿಲ್ಲ. ನಾಮಪತ್ರ ಸಲ್ಲಿಸುವ ಕೊನೆಯ ದಿನಾಂಕಕ್ಕಿಂತ ಹತ್ತು ದಿನಗಳ ಮೊದಲಿನವರೆಗೆ ಹೆಸರುಗಳನ್ನು ಸೇರಿಸಲು ಅವಕಾಶವಿರುತ್ತದೆ. ಎಲ್ಲಅರ್ಹ ಮತದಾರರು ಕೊನೆಯ ಕ್ಷಣದವರೆಗೆ ಕಾಯದೆ ಮತದಾರರ ಪಟ್ಟಿಗೆ ತಮ್ಮ ಹೆಸರು ಸೇರಿಸಲು ಜಿಲ್ಲಾಧಿಕಾರಿ ವಿನಂತಿಸಿದರು.

ಕಾಸರಗೋಡಿನಲ್ಲಿ ಗರಿಷ್ಠ :

ಕಾಸರಗೋಡು ವಿಧಾನಸಭೆ ಕ್ಷೇತ್ರದಲ್ಲಿ ಅತಿ ಹೆಚ್ಚು 19,342 ಅರ್ಜಿ, ಮಂಜೇಶ್ವರ ಕ್ಷೇತ್ರದಲ್ಲಿ 16,692, ಉದುಮದಲ್ಲಿ 15,671, ಕಾಞಂಗಾಡ್‍ನಲ್ಲಿ 10,419 ಮತ್ತು ತ್ರಿಕರಿಪುರದಲ್ಲಿ 9,665 ಅರ್ಜಿ ಸಲ್ಲಿಸಲಾಗಿತ್ತು.

ಅನಿವಾಸಿ ಮತದಾರರು (ಫಾರ್ಮ್ 6): ಅನಿವಾಸಿ ಮತದಾರರ ಪಟ್ಟಿಯಲ್ಲಿ ಸೇರ್ಪಡೆಗಾಗಿ ಸ್ವೀಕರಿಸಲಾದ 11,746 ರಲ್ಲಿ 8,851 (ಶೇ.75.35) ಅರ್ಜಿ ಪರಿಗಣಿಸಲಾಗಿದೆ.

ಪಟ್ಟಿಯಿಂದ ಅನರ್ಹರನ್ನು ತೆಗೆದುಹಾಕಲು ಬಂದ 8,095 ಅರ್ಜಿಗಳಲ್ಲಿ 7,957 (ಶೇ.98.30) ಅರ್ಜಿ ಸ್ವೀಕರಿಸಿ ಕ್ರಮ ಕೈಗೊಳ್ಳಲಾಗಿದೆ. ಮಂಜೇಶ್ವರ ಕ್ಷೇತ್ರದಲ್ಲಿ 1877, ಕಾಸರಗೋಡು 1731, ಉದುಮ 1446 , ಕಾಞಂಗಾಡ್ 1849 ಮತ್ತು ತ್ರಿಕರಿಪುರದಲ್ಲಿ 1192 ಅರ್ಜಿಗಳು ಬಂದಿದ್ದವು.

ತಿದ್ದುಪಡಿ ಮತ್ತು ಬದಲಾವಣೆ (ನಮೂನೆ 8): ವಿಳಾಸ ಬದಲಾವಣೆಗೆ (ಶಿಫ್ಟಿಂಗ್) ಒಟ್ಟು 3,108 ಅರ್ಜಿಗಳು ಬಂದಿದ್ದು, 2616 (ಶೇ, 84.17) ಪರಿಗಣಿಸಲಾಗಿದೆ.

ಲೋಪಗಳ ತಿದ್ದುಪಡಿ (ಫಾರ್ಮ್ 8): ಮತದಾರರ ಪಟ್ಟಿಯಲ್ಲಿರುವ ಲೋಪಗಳ ತಿದ್ದುಪಡಿಗಾಗಿ 11,780 ಅರ್ಜಿ ಸ್ವೀಕರಿಸಿದ್ದು, 11110 (ಶೇ.94.3) ಅಂಗೀಕರಿಸಲಾಗಿದೆ.

ಕಾಸರಗೋಡು ಜಿಲ್ಲೆ

ಪುರುಷ ಮತದಾರರು- 5,40,698

ಮಹಿಳಾ ಮತದಾರರು- 5,55,530

ತೃತೀಯಲಿಂಗ ಮತದಾರರು- 13

ಕ್ಷೇತ್ರವಾರು ಮತದಾರರ ಸಂಖ್ಯೆ:

ಮಂಜೇಶ್ವರ ವಿಧಾನಸಭೆ ಕ್ಷೇತ್ರ: 114570 ಪುರುಷ, 112833 ಮಹಿಳಾ ಮತ್ತು 0 ಟ್ರಾನ್ಸ್‍ಜೆಂಡರ್ ಸೇರಿದಂತೆ ಒಟ್ಟು 227403 ಮತದಾರರಿದ್ದಾರೆ.

ಕಾಸರಗೋಡು ವಿಧಾನಸಭೆ ಕ್ಷೇತ್ರ: 104866 ಪುರುಷ, 104866 ಮಹಿಳಾ ಮತ್ತು 0 ಟ್ರಾನ್ಸ್‍ಜೆಂಡರ್ ಸೇರಿದಂತೆ ಒಟ್ಟು 209732 ಮತದಾರರಿದ್ದಾರೆ.

ಉದುಮ ವಿಧಾನಸಭಾ ಕ್ಷೇತ್ರ: 111473 ಪುರುಷ ಮತದಾರರು, 115723 ಮಹಿಳಾ ಮತದಾರರು ಮತ್ತು 4 ಟ್ರಾನ್ಸ್‍ಜೆಂಡರ್ ಸೇರಿದಂತೆ ಒಟ್ಟು 227200 ಮತದಾರರಿದ್ದಾರೆ.

ಕಾಞಂಗಾಡು ವಿಧಾನಸಭಾ ಕ್ಷೇತ್ರ: 108347 ಪುರುಷ ಮತದಾರರು, 114472 ಮಹಿಳಾ ಮತದಾರರು ಮತ್ತು 6 ಟ್ರಾನ್ಸ್‍ಜೆಂಡರ್ ಮತದಾರರು ಸೇರಿದಂತೆ ಒಟ್ಟು 222825 ಮತದಾರರು ಇದ್ದಾರೆ.

ತ್ರಿಕರಿಪುರ ವಿಧಾನಸಭಾ ಕ್ಷೇತ್ರ: 101442 ಪುರುಷ, 107636 ಮಹಿಳಾ ಮತ್ತು 3 ಟ್ರಾನ್ಸ್‍ಜೆಂಡರ್ ಸೇರಿದಂತೆ ಒಟ್ಟು 209081 ಮತದಾರರಿದ್ದಾರೆ.