ರಾಷ್ಟ್ರೀಯ ತಂಡ ಕೊಚ್ಚಿ ಪ್ರವೇಶ ನಿಷೇಧ; 25 ಲಕ್ಷ ರೂ. ಠೇವಣಿ ಇಲ್ಲದೆ ಕ್ರೀಡಾಂಗಣ ತೆರೆಯುವುದಿಲ್ಲ ಎಂದ ಜಿಸಿಡಿಎ: ಏಷ್ಯನ್ ಕಪ್ ಅರ್ಹತಾ ಪಂದ್ಯಗಳು ಬಿಕ್ಕಟ್ಟಿನಲ್ಲಿ

ಕೊಚ್ಚಿ: ಕಾಲೂರು ಅಂತರರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆಯಲಿರುವ ಭಾರತ-ಹಾಂಗ್ ಕಾಂಗ್ ಎಎಫ್‍ಸಿ ಏಷ್ಯನ್ ಕಪ್ ಅರ್ಹತಾ ಪಂದ್ಯಗಳಿಗೆ ಭದ್ರತಾ ಠೇವಣಿ ಪಾವತಿಸಲು ಕೇರಳ ಫುಟ್‍ಬಾಲ್ ಸಂಘ ಸಮಯ ಕೋರಿದೆ. 25 ಲಕ್ಷ ರೂ. ಠೇವಣಿಯನ್ನು ಪೂರ್ಣವಾಗಿ ಪಾವತಿಸುವವರೆಗೆ ಕ್ರೀಡಾಂಗಣವನ್ನು ಪಂದ್ಯಕ್ಕೆ ಬಿಡುಗಡೆ ಮಾಡುವುದಿಲ್ಲ ಎಂಬುದು ಜಿಸಿಡಿಎಯ ನಿಲುವು. 

ಕೆಎಫ್‍ಎ ಪ್ರಸ್ತುತ 3,54,000 ರೂ.ಗಳನ್ನು ಬಾಡಿಗೆಯಾಗಿ ಪಾವತಿಸಿದೆ. ಮಾರ್ಚ್ 31 ರಂದು ಪಂದ್ಯವನ್ನು ನಡೆಸಲು ನಿರ್ಧರಿಸಲಾಗಿದೆ. ಭದ್ರತಾ ಠೇವಣಿ ಪಾವತಿಸದ ಕಾರಣ ಗುರುವಾರ ಪತ್ರಿಕಾಗೋಷ್ಠಿಗೆ ಜಿಸಿಡಿಎ ಅವಕಾಶ ನೀಡಲಿಲ್ಲ. ಪತ್ರಿಕಾಗೋಷ್ಠಿಗೆ ಆಗಮಿಸಿದ್ದ ಭಾರತೀಯ ತಂಡವನ್ನು ಭದ್ರತಾ ಅಧಿಕಾರಿಗಳು ಕ್ರೀಡಾಂಗಣಕ್ಕೆ ಪ್ರವೇಶಿಸದಂತೆ ತಡೆದರು.

ಗುರುವಾರ ಮಧ್ಯಾಹ್ನ 3 ಗಂಟೆಗೆ ಪತ್ರಿಕಾಗೋಷ್ಠಿ ನಿಗದಿಯಾಗಿತ್ತು. ಪತ್ರಿಕಾಗೋಷ್ಠಿಯಲ್ಲಿ ಭಾಗವಹಿಸಲು ಕೋಚ್ ಖಾಲಿದ್ ಜಮೀಲ್ ಮತ್ತು ತಂಡದ ಮಲಯಾಳಿ ಆಟಗಾರರು ಮತ್ತು ರಾಷ್ಟ್ರೀಯ ತಂಡದ ಸದಸ್ಯರಾದ ಆಶಿಕ್ ಕುರುನಿಯನ್, ಸಹಲ್ ಅಬ್ದುಲ್ ಸಮದ್ ಮತ್ತು ಬೆಜಾಯ್ ವರ್ಗೀಸ್ ಆಗಮಿಸಿದ್ದರು, ಆದರೆ ಅದನ್ನು ರದ್ದುಗೊಳಿಸಲಾಗಿದೆ ಎಂದು ಘೋಷಿಸಲಾಯಿತು.

ಕಳೆದ ತಿಂಗಳು, ಜಿಸಿಡಿಎ ಕೇರಳ ಬ್ಲಾಸ್ಟರ್ಸ್‍ನ ಪತ್ರಿಕಾಗೋಷ್ಠಿಯನ್ನು ಸಹ ನಿಬರ್ಂಧಿಸಿತ್ತು. ಕೋಚ್ ಡೇವಿಡ್ ಕಟಾಲಾ ಮತ್ತು ಭಾರತೀಯ ಆಟಗಾರ ರಾವ್ಲಿನ್ ಬೋರ್ಗೆಸ್ ಸೇರಿದಂತೆ ಬ್ಲಾಸ್ಟರ್ಸ್ ತಂಡವನ್ನು ಪತ್ರಿಕಾಗೋಷ್ಠಿ ಕೊಠಡಿಯಿಂದ ಹೊರಗೆ ಎಸೆಯಲಾಯಿತು. ಅವರು ಹಣ ಪಾವತಿಸಿಲ್ಲ ಎಂಬ ಕಾರಣಕ್ಕೆ ಜಿಸಿಡಿಎ ಪ್ರವೇಶವನ್ನು ನಿರಾಕರಿಸಿತು.