AC ಅಥವಾ ಕೂಲರ್ ಖರೀದಿಗೆ ಮುನ್ನ ತಿಳಿಯಲೇಬೇಕಾದ ಮುಖ್ಯ ವಿಚಾರಗಳು!

 ಬೇಸಿಗೆ ಆರಂಭವಾದಾಗ ಮನೆಯಲ್ಲಿನ ತಂಪು ವ್ಯವಸ್ಥೆಯ ಬಗ್ಗೆ ಯೋಚನೆ ಪ್ರಾರಂಭವಾಗುವುದು ಸಹಜ. ಒಂದು ವಾರ ಬೇಸಿಗೆಯ ಹವಾಮಾನವನ್ನು ಸಹಿಸಿಕೊಳ್ಳುವಂತಿರಬಹುದು, ಆದರೆ ಕೆಲವೇ ದಿನಗಳಲ್ಲಿ ತಾಪಮಾನ ಹೆಚ್ಚಾದಾಗ ಹಳೆಯ ಫ್ಯಾನ್ ಸಾಕಾಗುತ್ತದೆಯೇ ಅಥವಾ ಹೊಸ ಏರ್ ಕಂಡೀಷನರ್ (AC) ಅಥವಾ ಕೂಲರ್ ಬೇಕೇ ಎಂಬ ಪ್ರಶ್ನೆ ಎದುರಾಗುತ್ತದೆ. ಬಹುತೇಕ ಮನೆಗಳಲ್ಲಿ ತಂಪು ಸಾಧನಗಳನ್ನು ಅಪ್‌ಗ್ರೇಡ್ ಮಾಡುವ ನಿರ್ಧಾರ ಈಗ ಕೇವಲ ಐಷಾರಾಮಿ ವಿಷಯವಲ್ಲ. ಇದು ದಿನನಿತ್ಯದ ಆರಾಮಕ್ಕಾಗಿ ಅವು ಅಗತ್ಯವಾಗುತ್ತಿವೆ. 

ಆದರೆ ಮಾರುಕಟ್ಟೆಯಲ್ಲಿ ಲಭ್ಯವಿರುವ ವಿವಿಧ ಮಾದರಿ, ಸಾಮರ್ಥ್ಯ ಮತ್ತು ಬೆಲೆಗಳ ಕಾರಣದಿಂದ ಸರಿಯಾದ ಆಯ್ಕೆ ಮಾಡುವುದು ಕೆಲವೊಮ್ಮೆ ಗೊಂದಲಕಾರಿ ಆಗಬಹುದು. ಆದ್ದರಿಂದ ಕೇವಲ ಕಡಿಮೆ ಬೆಲೆಯ ಡೀಲ್ ಕಂಡು ತಕ್ಷಣ ಖರೀದಿಸುವುದಕ್ಕಿಂತ ಮೊದಲು ನಿಮ್ಮ ಮನೆಯ ಅವಶ್ಯಕತೆಗಳಿಗೆ ಯಾವ ಸಾಧನ ಸೂಕ್ತ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯ. ಈ ಲೇಖನದಲ್ಲಿ AC ಅಥವಾ ಕೂಲರ್ ಖರೀದಿಸುವ ಮುನ್ನ ನಿರ್ಧರಿಸಬೇಕಿರುವ ಅಂಶಗಳನ್ನು ನಾವು ಪಟ್ಟಿ ಮಾಡುತ್ತಿದ್ದೇವೆ. ಈ ಸಲಹೆಗಳು ನಿಮಗೆ ಪ್ರಯೋಜನಕಾರಿಯಾಗಬಹುದು.

ಮೊದಲು ತಂಪು ಮಾಡಬೇಕಾದ ಕೊಠಡಿಯನ್ನು ಪರಿಗಣಿಸಿ
AC ಅಥವಾ ಕೂಲರ್ ಸಾಧನವನ್ನು ಆಯ್ಕೆ ಮಾಡುವಾಗ ಮೊದಲಿಗೆ ನೀವು ತಂಪು ಮಾಡಬೇಕಾದ ಕೊಠಡಿಯ ಗಾತ್ರ ಮತ್ತು ವಿನ್ಯಾಸವನ್ನು ಗಮನಿಸುವುದು ಅತ್ಯಂತ ಮುಖ್ಯ. ಸಣ್ಣ ಮಲಗುವ ಕೋಣೆ, ಓದು ಕೋಣೆ ಅಥವಾ ಕಚೇರಿ ಕೊಠಡಿಗಳಿಗೆ ಹೆಚ್ಚಿನ ಸಾಮರ್ಥ್ಯದ AC ಅಗತ್ಯವಿಲ್ಲ. ಇಂತಹ ಸ್ಥಳಗಳಲ್ಲಿ ಸಣ್ಣ ಸಾಮರ್ಥ್ಯದ AC ಅಥವಾ ಟವರ್ ಕೂಲರ್ ಕೂಡ ಸಮರ್ಪಕ ತಂಪು ನೀಡಬಹುದು. ಆದರೆ ದೊಡ್ಡ ಹಾಲ್ ಅಥವಾ ವಿಶಾಲವಾದ ಕೊಠಡಿಗಳಿಗೆ ಹೆಚ್ಚಿನ ಸಾಮರ್ಥ್ಯದ ಏರ್ ಕಂಡೀಷನರ್ ಅಗತ್ಯವಾಗುತ್ತದೆ.

ಇದಕ್ಕೂ ಜೊತೆಗೆ ಕೊಠಡಿಯ ಗಾಳಿಯ ಹರಿವೂ ಮಹತ್ವದ್ದಾಗಿದೆ. ಕಿಟಕಿಗಳು ತೆರೆಯುವಂತೆ ಮತ್ತು ಗಾಳಿ ಸರಿಯಾಗಿ ಸಂಚರಿಸುವ ಸ್ಥಳಗಳಲ್ಲಿ ಏರ್ ಕೂಲರ್ ಉತ್ತಮವಾಗಿ ಕೆಲಸ ಮಾಡುತ್ತದೆ. ಆದರೆ ಸಂಪೂರ್ಣ ಮುಚ್ಚಿದ ಕೊಠಡಿಯಲ್ಲಿ ನಿರಂತರ ತಾಪಮಾನ ಕಾಯ್ದುಕೊಳ್ಳಲು AC ಹೆಚ್ಚು ಪರಿಣಾಮಕಾರಿ. ಕೊಠಡಿಯ ಗಾತ್ರಕ್ಕೆ ಹೊಂದುವ ಸಾಧನವನ್ನು ಆಯ್ಕೆ ಮಾಡಿದರೆ ಉತ್ತಮ ಕಾರ್ಯಕ್ಷಮತೆ ದೊರೆಯುತ್ತದೆ ಮತ್ತು ಅನಗತ್ಯ ವಿದ್ಯುತ್ ಬಳಕೆಯೂ ಕಡಿಮೆಯಾಗುತ್ತದೆ. ಆದರೆ, ಇದಕ್ಕೂ ಪರಿಹಾರವಾಗಿ Portable AC ಗಳಿವೆ.

ಇತ್ತೀಚಿಗೆ Portable AC ಖರೀದಿಸುವವರ ಸಂಖ್ಯೆ ಹೆಚ್ಚುತ್ತಿದೆ. ನಗರ ಪ್ರದೇಶಗಳಲ್ಲಿ ಸಣ್ಣ ಮನೆಗಳು ಮತ್ತು ಬಾಡಿಗೆ ಅಪಾರ್ಟ್‌ಮೆಂಟ್‌ಗಳಲ್ಲಿ ಸ್ಪ್ಲಿಟ್ AC ಅಳವಡಿಸುವುದು ಎಲ್ಲಾಗಲೂ ಸಾಧ್ಯವಾಗುವುದಿಲ್ಲ. ಇಂತಹ ಸಂದರ್ಭಗಳಲ್ಲಿ portable AC ಉತ್ತಮ ಪರ್ಯಾಯವಾಗುತ್ತಿದೆ. ಈ ಸಾಧನಗಳನ್ನು ಒಂದು ಕೊಠಡಿಯಿಂದ ಮತ್ತೊಂದು ಕೊಠಡಿಗೆ ಸುಲಭವಾಗಿ ಕೊಂಡೊಯ್ಯಬಹುದು ಮತ್ತು ಶಾಶ್ವತ ಅಳವಡಿಕೆ ಅಗತ್ಯವಿಲ್ಲ. ಆದ್ದರಿಂದ ನೀವು ಬಜೆಟ್ ಪ್ರಿಯರಾಗಿದ್ದರೆ Portable AC ಖರೀದಿಸಲು ಮೊದಲ ಆಯ್ಕೆ ನೀಡಿ.

Portable AC ಖರೀದಿಸುವಾಗ ಕೆಲವು ಪ್ರಮುಖ ಅಂಶಗಳನ್ನು ಗಮನಿಸುವುದು ಮುಖ್ಯ. ಮೊದಲು ಕೊಠಡಿಯ ಗಾತ್ರಕ್ಕೆ ತಕ್ಕ ಸಾಮರ್ಥ್ಯದ ಮಾದರಿಯನ್ನು ಆಯ್ಕೆ ಮಾಡಬೇಕು. ಉದಾಹರಣೆಗೆ, ಸುಮಾರು 100 ಚದರ ಅಡಿ ಗಾತ್ರದ ಕೊಠಡಿಗೆ 0.8 ರಿಂದ 1 ಟನ್ ಸಾಮರ್ಥ್ಯ ಸಾಮಾನ್ಯವಾಗಿ ಸಾಕಾಗುತ್ತದೆ. ಇದೇ ವೇಳೆ portable AC ಬಳಸುವಾಗ ಎಕ್ಝಾಸ್ಟ್ ಪೈಪ್ ಅನ್ನು ಕಿಟಕಿ ಅಥವಾ ಗೋಡೆಯ ಹೊರಭಾಗಕ್ಕೆ ಸಂಪರ್ಕಿಸಬೇಕು, ಏಕೆಂದರೆ ತಂಪಾಗಿಸಿದ ನಂತರ ಹೊರಬರುವ ಬಿಸಿ ಗಾಳಿಯನ್ನು ಹೊರಗೆ ಬಿಡುವುದು ಅಗತ್ಯ. Portable ACಗಳು split ACಗಳಿಗಿಂತ ಸ್ವಲ್ಪ ಹೆಚ್ಚು ಶಬ್ದ ಮಾಡಬಹುದು, ಆದರೆ ಸ್ಥಳಾಂತರಿಸಲು ಸುಲಭವಾಗಿರುವುದು ಇದರ ದೊಡ್ಡ ಪ್ರಯೋಜನವಾಗಿದೆ.

ಎನರ್ಜಿ ಎಫಿಶಿಯನ್ಸಿ: ವಿದ್ಯುತ್ ಉಳಿತಾಯಕ್ಕೆ ಮುಖ್ಯ ಅಂಶ
ಬೇಸಿಗೆಯಲ್ಲಿ ತಂಪು ಸಾಧನಗಳು ದಿನದ ಹಲವಾರು ಗಂಟೆಗಳ ಕಾಲ ಕೆಲಸ ಮಾಡುತ್ತವೆ. ಕೆಲವೊಮ್ಮೆ ಅವು ರಾತ್ರಿ ಪೂರ್ತಿ ಕೂಡ ಕಾರ್ಯನಿರ್ವಹಿಸುತ್ತವೆ. ಆದ್ದರಿಂದ ವಿದ್ಯುತ್ ಬಳಕೆ ಕಡಿಮೆ ಮಾಡುವ ಮಾದರಿಗಳನ್ನು ಆಯ್ಕೆ ಮಾಡುವುದು ಬಹಳ ಮುಖ್ಯ.ಉನ್ನತ ಸ್ಟಾರ್ ರೇಟಿಂಗ್ ಹೊಂದಿರುವ AC ಗಳು ಹಾಗೂ ಇನ್‌ವರ್‌ಟರ್ ತಂತ್ರಜ್ಞಾನ ಇರುವ ಮಾದರಿಗಳು ಕೊಠಡಿಯ ತಾಪಮಾನವನ್ನು ಗಮನಿಸಿ ತಮ್ಮ ಕಾರ್ಯಕ್ಷಮತೆಯನ್ನು ಸ್ವಯಂಚಾಲಿತವಾಗಿ ಹೊಂದಿಸಿಕೊಳ್ಳುತ್ತವೆ. ಇದರ ಪರಿಣಾಮವಾಗಿ ಅವು ಸದಾ ಪೂರ್ಣ ಶಕ್ತಿಯಲ್ಲಿ ಕೆಲಸ ಮಾಡುವುದಿಲ್ಲ ಮತ್ತು ವಿದ್ಯುತ್ ಬಳಕೆ ಕಡಿಮೆಯಾಗುವ ಸಾಧ್ಯತೆ ಇರುತ್ತದೆ. ಫ್ಯಾನ್ ವಿಭಾಗದಲ್ಲಿಯೂ ಹೊಸ ತಂತ್ರಜ್ಞಾನಗಳು ಬಂದಿವೆ. ಈಗ ಅನೇಕ ಸೀಲಿಂಗ್ ಫ್ಯಾನ್‌ಗಳು BLDC ಮೋಟರ್ ಬಳಕೆ ಮಾಡುತ್ತವೆ. ಇವು ಸಾಮಾನ್ಯ ಫ್ಯಾನ್‌ಗಳಿಗಿಂತ ಕಡಿಮೆ ವಿದ್ಯುತ್ ಬಳಸಿ ಸ್ಥಿರ ಗಾಳಿ ನೀಡುತ್ತವೆ. ಮನೆಯಲ್ಲಿನ ಫ್ಯಾನ್‌ಗಳು ದಿನಪೂರ್ತಿ ಓಡುತ್ತಿರುವ ಪರಿಸ್ಥಿತಿಯಲ್ಲಿ ಈ ತಂತ್ರಜ್ಞಾನ ವಿದ್ಯುತ್ ಬಿಲ್ಲಿನಲ್ಲಿ ಸ್ಪಷ್ಟವಾದ ಉಳಿತಾಯ ತರಬಹುದು.

ಬ್ರ್ಯಾಂಡ್‌ಗಳನ್ನು ಹೋಲಿಕೆ ಮಾಡುವುದು ಏಕೆ ಅಗತ್ಯ?
ತಂಪು ಸಾಧನಗಳನ್ನು ಸಾಮಾನ್ಯವಾಗಿ ಹಲವು ವರ್ಷಗಳ ಕಾಲ ಬಳಸಲಾಗುತ್ತದೆ. ಆದ್ದರಿಂದ ಉತ್ಪನ್ನದ ಗುಣಮಟ್ಟದ ಜೊತೆಗೆ ಸೇವಾ ವ್ಯವಸ್ಥೆಯೂ ಪ್ರಮುಖ ಅಂಶವಾಗುತ್ತದೆ.ಪ್ರತಿಷ್ಠಿತ ಬ್ರ್ಯಾಂಡ್‌ಗಳು ಸಾಮಾನ್ಯವಾಗಿ ಉತ್ತಮ ಸರ್ವಿಸ್ ನೆಟ್‌ವರ್ಕ್ ಮತ್ತು ಸ್ಪಷ್ಟವಾದ ವಾರಂಟಿ ನೀಡುತ್ತವೆ. ಇದರಿಂದ ಮುಂದೆ ದುರಸ್ತಿ ಅಥವಾ ಸೇವೆ ಬೇಕಾದರೆ ಬಳಕೆದಾರರಿಗೆ ಸುಲಭವಾಗುತ್ತದೆ.ಭಾರತದಲ್ಲಿ ಲಭ್ಯವಿರುವ ಪ್ರಮುಖ AC ಬ್ರ್ಯಾಂಡ್‌ಗಳಲ್ಲಿ Lloyd, Godrej, Voltas ಮತ್ತು Daikin ಸೇರಿವೆ. ಕೂಲರ್ ವಿಭಾಗದಲ್ಲಿ Symphony, Bajaj ಮತ್ತು Havells ಬ್ರ್ಯಾಂಡ್‌ಗಳು ಸಾಮಾನ್ಯವಾಗಿ ಕಂಡುಬರುತ್ತವೆ. ಸೀಲಿಂಗ್ ಫ್ಯಾನ್ ವಿಭಾಗದಲ್ಲಿ Orient Electric, Crompton, V-Guard ಮತ್ತು Atomberg ಕಂಪನಿಗಳು ವಿವಿಧ ಮಾದರಿಗಳನ್ನು ನೀಡುತ್ತಿವೆ. ಒಂದೇ ಸ್ಥಳದಲ್ಲಿ ವಿವಿಧ ಬ್ರ್ಯಾಂಡ್‌ಗಳ ಉತ್ಪನ್ನಗಳು ಲಭ್ಯವಿದ್ದರೆ ಅವುಗಳನ್ನು ಹೋಲಿಕೆ ಮಾಡಿ ಸರಿಯಾದ ಆಯ್ಕೆ ಮಾಡುವುದು ಇನ್ನಷ್ಟು ಸುಲಭವಾಗುತ್ತದೆ.

ಬೇಸಿಗೆ ಸೀಸನ್ ಆಫರ್‌ಗಳು ಈಗಲೇ ಆರಂಭ
ಬೇಸಿಗೆ ಕಾಲ ಆರಂಭವಾದಾಗ ಅನೇಕ ರಿಟೇಲ್ ಅಂಗಡಿಗಳು ತಂಪು ಸಾಧನಗಳ ಮೇಲೆ ವಿಶೇಷ ಆಫರ್‌ಗಳನ್ನು ನೀಡಲು ಪ್ರಾರಂಭಿಸುತ್ತವೆ. ಹಳೆಯ ಸಾಧನಗಳನ್ನು ಬದಲಾಯಿಸಲು ಅಥವಾ ಮನೆಯ ಹೊಸ ಕೊಠಡಿಗಳಿಗೆ ತಂಪು ವ್ಯವಸ್ಥೆ ಸೇರಿಸಲು ಯೋಚಿಸುವವರಿಗೆ ಇದು ಉತ್ತಮ ಅವಕಾಶವಾಗಬಹುದು.

ಉದಾಹರಣೆಗೆ, ಭಾರತದ ಹೋಮ್ ಬಿಲ್ಡಿಂಗ್ ರಿಟೇಲ್ ಚೈನ್ IBO ನಲ್ಲಿ ಈಗ ಏರ್ ಕಂಡೀಷನರ್‌ಗಳು ಸುಮಾರು ₹24,999ರಿಂದ ಆರಂಭವಾಗುತ್ತವೆ. ಇಲ್ಲಿ Lloyd, Godrej, Voltas ಮತ್ತು Daikin ಬ್ರ್ಯಾಂಡ್‌ಗಳ ಮಾದರಿಗಳು ಲಭ್ಯವಿವೆ.
ಏರ್ ಕೂಲರ್‌ಗಳು ₹4,999ರಿಂದ ಆರಂಭವಾಗುತ್ತವೆ ಮತ್ತು Symphony, Bajaj ಹಾಗೂ Havells ಬ್ರ್ಯಾಂಡ್‌ಗಳ ಉತ್ಪನ್ನಗಳು ಲಭ್ಯವಿವೆ.

ಸೀಲಿಂಗ್ ಫ್ಯಾನ್‌ಗಳು ₹1,099ರಿಂದ ಆರಂಭವಾಗುತ್ತವೆ. ಇಲ್ಲಿ Orient Electric, Crompton, V-Guard ಮತ್ತು Atomberg ಬ್ರ್ಯಾಂಡ್‌ಗಳ ಜೊತೆಗೆ ವಿದ್ಯುತ್ ಉಳಿತಾಯ ಮಾಡುವ BLDC ಫ್ಯಾನ್ ಮಾದರಿಗಳೂ ದೊರೆಯುತ್ತವೆ.
ರಿಟೇಲರ್ ಮಾಹಿತಿ ಪ್ರಕಾರ, ಆಯ್ದ ಬ್ಯಾಂಕ್ ಕಾರ್ಡ್‌ಗಳ ಮೇಲೆ ಕ್ಯಾಶ್‌ಬ್ಯಾಕ್ ಆಫರ್‌ಗಳು ಹಾಗೂ ಒಟ್ಟು ಬಿಲ್ ಮೊತ್ತದ ಮೇಲೆ ಖಚಿತ ಉಡುಗೊರೆಗಳಂತಹ ಹೆಚ್ಚುವರಿ ಪ್ರಯೋಜನಗಳೂ ಈ ಮಾರಾಟ ಅವಧಿಯಲ್ಲಿ ಲಭ್ಯವಿವೆ.

ಕೇವಲ ಕಡಿಮೆ ಬೆಲೆ ನೋಡಿ ನಿರ್ಧಾರ ಮಾಡಬೇಡಿ
ಬೇಸಿಗೆ ಸಮಯದಲ್ಲಿ ಹಲವು ಅಂಗಡಿಗಳು ವಿಶೇಷ ರಿಯಾಯಿತಿಗಳನ್ನು ನೀಡುವುದರಿಂದ ಕಡಿಮೆ ಬೆಲೆಯ ಉತ್ಪನ್ನಗಳನ್ನು ಖರೀದಿಸಲು ಆಕರ್ಷಣೆ ಹೆಚ್ಚಾಗುತ್ತದೆ. ಆದರೆ ತಂಪು ಸಾಧನಗಳು ಹಲವು ವರ್ಷಗಳ ಕಾಲ ಬಳಕೆಯಲ್ಲಿರುವುದರಿಂದ ಕೇವಲ ಬೆಲೆ ಮಾತ್ರ ಗಮನಿಸುವುದು ಸರಿಯಾದ ವಿಧಾನವಲ್ಲ.

ಉತ್ಪನ್ನದ ವಾರಂಟಿ, ಇನ್‌ಸ್ಟಾಲೇಶನ್ ಸೌಲಭ್ಯ, ಸೇವಾ ಬೆಂಬಲ ಮತ್ತು ಉತ್ಪನ್ನ ಲಭ್ಯತೆ ಮುಂತಾದ ಅಂಶಗಳೂ ಮಹತ್ವದ್ದಾಗಿವೆ. ಮನೆ ಸುಧಾರಣೆ ಉತ್ಪನ್ನಗಳನ್ನು ಮಾರಾಟ ಮಾಡುವ ವಿಶೇಷ ಅಂಗಡಿಗಳು ಸಾಮಾನ್ಯವಾಗಿ ತಂಪು ಸಾಧನಗಳ ಜೊತೆಗೆ ವಿದ್ಯುತ್ ಉಪಕರಣಗಳು, ಲೈಟಿಂಗ್ ಮತ್ತು ಹಾರ್ಡ್‌ವೇರ್ ಉತ್ಪನ್ನಗಳನ್ನು ಒಟ್ಟಿಗೆ ನೀಡುತ್ತವೆ. ಇದರಿಂದ ಗ್ರಾಹಕರಿಗೆ ಖರೀದಿ ಪ್ರಕ್ರಿಯೆ ಸುಲಭವಾಗುತ್ತದೆ. ನಿಮಗೆ ಮತ್ತಷ್ಟು ನಂಬಿಕೆ ಬೇಕೆಂದರೆ, ಆನ್‌ಲೈನಿನಲ್ಲಿ ಹೆಚ್ಚು ಜನರು ರೇಟಿಂಗ್ ಮಾಡಿರುವ ಸಾಧನಗಳನ್ನು ಆಯ್ದುಕೊಳ್ಳಿ.

ಬೆಂಗಳೂರು ಸೇರಿದಂತೆ ರಾಜ್ಯದ ಅನೇಕ ಭಾಗಗಳಲ್ಲಿ ತಾಪಮಾನ ವೇಗವಾಗಿ ಏರುತ್ತಿರುವ ಸಂದರ್ಭದಲ್ಲಿ ಮನೆಯ ತಂಪು ವ್ಯವಸ್ಥೆಯನ್ನು ಸುಧಾರಿಸುವುದು ದಿನನಿತ್ಯದ ಜೀವನವನ್ನು ಹೆಚ್ಚು ಆರಾಮದಾಯಕವಾಗಿಸುತ್ತದೆ. ಆದರೆ ಖರೀದಿ ಮಾಡುವ ಮೊದಲು ಕೊಠಡಿಯ ಗಾತ್ರ, ಎನರ್ಜಿ ಎಫಿಶಿಯನ್ಸಿ, ಬ್ರ್ಯಾಂಡ್ ವಿಶ್ವಾಸಾರ್ಹತೆ ಮತ್ತು ದೀರ್ಘಕಾಲದ ಬಳಕೆಯನ್ನು ಗಮನಿಸಿದರೆ ಸರಿಯಾದ ನಿರ್ಧಾರ ತೆಗೆದುಕೊಳ್ಳುವುದು ಇನ್ನಷ್ಟು ಸುಲಭವಾಗುತ್ತದೆ. ಸರಿಯಾದ ಆಯ್ಕೆ ಮಾಡಿದರೆ ಈ ಬೇಸಿಗೆಯನ್ನು ಹೆಚ್ಚು ಆರಾಮವಾಗಿ ಎದುರಿಸಬಹುದು.