ವಿಧಾನಸಭಾ ಚುನಾವಣೆಯನ್ನು ಬಹಿಷ್ಕರಿಸುವ ಸಿದ್ಧತೆಯಲ್ಲಿ ಅನಿವಾಸಿಗರ ಕುಟುಂಬಗಳು

ತಿರುವನಂತಪುರಂ: ಮೇ ತಿಂಗಳಲ್ಲಿ ನಡೆಯಲಿರುವ ಕೇರಳ ವಿಧಾನಸಭಾ ಚುನಾವಣೆಯನ್ನು ಗಲ್ಫ್ ವಲಸಿಗ ಮಲಯಾಳಿಗಳ ಕುಟುಂಬಗಳು ಬಹಿಷ್ಕರಿಸಲು ಸಜ್ಜಾಗಿವೆ. ಫೆಬ್ರವರಿ 28 ರಂದು ಪ್ರಾರಂಭವಾದ ಪಶ್ಚಿಮ ಏಷ್ಯಾದ ಸಂಘರ್ಷದ ಹತ್ತು ದಿನಗಳ ನಂತರವೂ, ಕೇಂದ್ರ ಸರ್ಕಾರ, ಕೇರಳ ಸರ್ಕಾರ ಅಥವಾ ವಿರೋಧ ಪಕ್ಷಗಳಿಂದ ಯಾವುದೇ ಬಲವಾದ ಹಸ್ತಕ್ಷೇಪ ನಡೆದಿಲ್ಲ. 

ಸಂಸದರು ಮತ್ತು ರಾಜಕೀಯ ನಾಯಕರು ಪತ್ರಗಳನ್ನು ಕಳುಹಿಸಿದ್ದಾರೆ ಎಂಬುದನ್ನು ಹೊರತುಪಡಿಸಿ ಯಾವುದೇ ಸಕ್ರಿಯ ಹಸ್ತಕ್ಷೇಪ ನಡೆದಿಲ್ಲ ಎಂದು ವಲಸಿಗರು ಆರೋಪಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ವಲಸಿಗರ ಕುಟುಂಬಗಳು ಮತ್ತು ಸಂಬಂಧಿಕರು ವಿಧಾನಸಭಾ ಚುನಾವಣೆಯನ್ನು ಬಹಿಷ್ಕರಿಸಲು ಪರಿಗಣಿಸುತ್ತಿದ್ದಾರೆ.

ಸುಮಾರು 1 ಕೋಟಿ ಭಾರತೀಯರು ವಿವಿಧ ಗಲ್ಫ್ ದೇಶಗಳಲ್ಲಿ ಅನಿವಾಸಿಗರಾಗಿದ್ದಾರೆ. ಈ ಪೈಕಿ 30 ಲಕ್ಷ ಜನರು ಕೇೀರಳೀಯರು. ಇತರ ಸಮಸ್ಯೆಗಳಲ್ಲಿ ತಕ್ಷಣ ಮಧ್ಯಪ್ರವೇಶಿಸುವ ರಾಜಕೀಯ ಪಕ್ಷಗಳು ವಲಸಿಗರ ಸಮಸ್ಯೆಗಳಿಗೆ ಬೆನ್ನು ತಿರುಗಿಸುತ್ತಿವೆ ಎಂದು ಆರೋಪಿಸಲಾಗಿದೆ.