Google Vids: ಇನ್ಮುಂದೆ ಉಚಿತವಾಗಿ ವಿಡಿಯೋ ಎಡಿಟ್ ಮಾಡಿ!..ಹೇಗೆ ಗೊತ್ತಾ?

 ಗೂಗಲ್‌ನ ಹೊಸ ವೀಡಿಯೊ ತಯಾರಿ ಮತ್ತು ಎಡಿಟಿಂಗ್ ಪ್ಲಾಟ್‌ಫಾರ್ಮ್ Google Vids ಈಗ ಎಲ್ಲಾ ಬಳಕೆದಾರರಿಗೆ ಉಚಿತವಾಗಿ ಲಭ್ಯವಿದೆ. ಇದು ವೀಡಿಯೋ ಕ್ರಿಯೇಷನ್ ಮತ್ತು ಎಡಿಟಿಂಗ್ ಜಗತ್ತಿನಲ್ಲಿ ಹೊಸ ಅಧ್ಯಾಯವನ್ನು ಪ್ರಾರಂಭಿಸಿದೆ. ಈ ಪ್ಲಾಟ್‌ಫಾರ್ಮ್‌ ಮೂಲಕ, ದುಬಾರಿ ವೀಡಿಯೋ ಎಡಿಟಿಂಗ್ ಸಾಫ್ಟ್‌ವೇರ್ ಖರೀದಿಸಲು ಸಾಧ್ಯವಾಗದವರಿಗೂ ವೀಡಿಯೋಗಳನ್ನು ರಚಿಸುವ ಅವಕಾಶ ಸಿಕ್ಕಿದೆ. ವಿದ್ಯಾರ್ಥಿಗಳು, ಶಿಕ್ಷಕರು, ಸಣ್ಣ ಉದ್ಯಮಗಳು, ಮತ್ತು ಕಂಟೆಂಟ್ ಕ್ರಿಯೇಟರ್‌ಗಳು ಸುಲಭವಾಗಿ ವೀಡಿಯೋಗಳನ್ನು ತಯಾರಿಸಬಹುದು. ಈ ಕುರಿತ ಸಂಪೂರ್ಣ ಮಾಹಿತಿಯನ್ನು ನೋಡೋಣ ಬನ್ನಿ.

2024ರ ನವೆಂಬರ್‌ನಲ್ಲಿ ಪೇಯ್ಡ್ ವರ್ಕ್‌ಸ್ಪೇಸ್ ಬಳಕೆದಾರರಿಗಾಗಿ ಪರಿಚಯಿಸಲಾದ ಈ Google Vids ಪ್ಲಾಟ್‌ಫಾರ್ಮ್ ಈಗ ಉಚಿತ ವರ್ಕ್‌ಸ್ಪೇಸ್ ಖಾತೆದಾರರಿಗೂ ಸಿಗುತ್ತಿರುವುದು ಗಮನಾರ್ಹ. ಆದರೆ, ಉಚಿತ ಆವೃತ್ತಿಯಲ್ಲಿ ಕೆಲವು ಪ್ರಮುಖ ಫೀಚರ್‌ಗಳು ಲಭ್ಯವಿಲ್ಲ. ಉದಾಹರಣೆಗೆ, Veo 3 ವೀಡಿಯೋ ಜನರೇಷನ್ ಮಾಡೆಲ್, ಸ್ಟೋರಿಬೋರ್ಡ್ ವೈಶಿಷ್ಟ್ಯ, ಮತ್ತು AI ಧ್ವನಿ ರೂಪಾಂತರ ಸಾಧನಗಳು ಪೇಯ್ಡ್ ಬಳಕೆದಾರರಿಗೆ ಮಾತ್ರ ಮೀಸಲಾಗಿವೆ. ಆದರೂ, ಉಚಿತ ವರ್ಕ್‌ಸ್ಪೇಸ್ ಸಹಾಯದಿಂದ ವೀಡಿಯೊ ಎಡಿಟ್ ಮಾಡುವುದು ಹೇಗೆ? ಮತ್ತು ಲಭ್ಯವಿರುವ ಟೂಲ್‌ಗಳು ಯಾವುವು ಎಂಬ ಮಾಹಿತಿ ಇಲ್ಲಿದೆ.

Google Vids: ಪ್ರಸ್ತುತ ಉಚಿತ ಆವೃತ್ತಿಯಲ್ಲೂ ಹಲವಾರು ಉಪಯುಕ್ತ ಟೂಲ್‌ಗಳು ಲಭ್ಯವಿದೆ,
ರೆಕಾರ್ಡ್ (Record): ನಿಮ್ಮ ವೀಡಿಯೋ, ಸ್ಕ್ರೀನ್ ಅಥವಾ ಎರಡನ್ನೂ ಒಂದೇ ಸಮಯದಲ್ಲಿ ರೆಕಾರ್ಡ್ ಮಾಡಬಹುದು.
ಅಪ್‌ಲೋಡ್ (Upload): ಗೂಗಲ್ ಡ್ರೈವ್, ಫೋಟೋಸ್ ಅಥವಾ ನಿಮ್ಮ ಸಾಧನದಲ್ಲಿರುವ ಫೋಟೋ ಮತ್ತು ವೀಡಿಯೋಗಳನ್ನು ಸುಲಭವಾಗಿ ಆಮದು ಮಾಡಿಕೊಳ್ಳಬಹುದು.
ಸ್ಲೈಡ್ಸ್ ಇಂಪೋರ್ಟ್ (Slides import): Google Slides ಪ್ರಸ್ತುತಿಗಳನ್ನು ನೇರವಾಗಿ ವೀಡಿಯೋ ರೂಪಕ್ಕೆ ಪರಿವರ್ತಿಸಬಹುದು.
ಸ್ಟಾಕ್ ಮೀಡಿಯಾ (Stock Media): ಈ ಲೈಬ್ರರಿಯಿಂದ ವೀಡಿಯೋ ಮತ್ತು ಚಿತ್ರಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು.
ಟೆಕ್ಸ್ಟ್ ಮತ್ತು ಶೇಪ್ಸ್ (Text and Shapes): ವೀಡಿಯೋಗೆ ಪಠ್ಯ ಮತ್ತು ಆಕೃತಿಗಳನ್ನು ಸೇರಿಸಲು ಈ ಟೂಲ್‌ಗಳು ಸಹಕಾರಿ.
ಟೆಂಪ್ಲೇಟ್ಸ್ (Templates): ಈ ವಿಭಾಗದಲ್ಲಿ ವಿವಿಧ ವೀಡಿಯೋ ವಿನ್ಯಾಸಗಳನ್ನು ಆರಿಸಿಕೊಳ್ಳಬಹುದು.

(AI Image)

Google Vids ಅನ್ನು ಬಳಸುವುದು ಹೇಗೆ?
Google Vids ಅನ್ನು ಬಳಸಲು, ಈ ಕೆಳಗಿನ ಹಂತಗಳನ್ನು ಅನುಸರಿಸಿ:
ಮೊದಲು Google Vids ವೆಬ್‌ಸೈಟ್‌ಗೆ ಭೇಟಿ ನೀಡಿ.
ನಿಮ್ಮ ಗೂಗಲ್ ಖಾತೆ ಬಳಸಿ ಲಾಗಿನ್ ಮಾಡಿ.
ನೀವು Google Slides ನಂತಹ ಇಂಟರ್‌ಫೇಸ್ ಅನ್ನು ನೋಡಬಹುದು.
ಪ್ರಾಜೆಕ್ಟ್ ಪ್ರಾರಂಭಿಸಲು, ಮೇಲಿನ ಬಲಭಾಗದಲ್ಲಿರುವ ರೆಕಾರ್ಡ್ (Record) ಬಟನ್ ಬಳಸಿ ವೀಡಿಯೋ ಅಥವಾ ಸ್ಕ್ರೀನ್ ರೆಕಾರ್ಡಿಂಗ್ ಮಾಡಬಹುದು.
ಸ್ಕ್ರಿಪ್ಟ್ (Script) ವಿಭಾಗದಲ್ಲಿ ನಿಮ್ಮ ವೀಡಿಯೋಗೆ ಅಗತ್ಯವಾದ ಪಠ್ಯವನ್ನು ಬರೆಯಬಹುದು.

Google Vids ನ ಉಚಿತ ಆವೃತ್ತಿಯು ಪ್ರಾಥಮಿಕ ವೀಡಿಯೋ ತಯಾರಿ ಮತ್ತು ಪ್ರಸ್ತುತಿಗಳನ್ನು ರೂಪಾಂತರಿಸಲು ಅತ್ಯಂತ ಉಪಯುಕ್ತವಾಗಿದೆ. ಹೆಚ್ಚಿನ AI-ಆಧಾರಿತ ಮತ್ತು ವೃತ್ತಿಪರ ವೈಶಿಷ್ಟ್ಯಗಳನ್ನು ಬಯಸುವವರು ಪೇಯ್ಡ್ ಆವೃತ್ತಿಯನ್ನು ಪರಿಗಣಿಸಬಹುದು. ಗೂಗಲ್ ತನ್ನ ಬ್ಲಾಗ್ ಪೋಸ್ಟ್‌ನಲ್ಲಿ ಈ ವೇದಿಕೆಗೆ ಈಗಾಗಲೇ ತಿಂಗಳಿಗೆ ಒಂದು ಮಿಲಿಯನ್ ಸಕ್ರಿಯ ಬಳಕೆದಾರರಿದ್ದಾರೆ ಎಂದು ತಿಳಿಸಿದೆ. ಇದು ಈ ಉಪಕರಣದ ಜನಪ್ರಿಯತೆ ಮತ್ತು ಅಗತ್ಯವನ್ನು ಸ್ಪಷ್ಟಪಡಿಸುತ್ತದೆ.

Google Vids ಉಚಿತವಾಗಿ ಲಭ್ಯವಾದದ್ದು ಹಲವಾರು ಕಾರಣಗಳಿಗಾಗಿ ಮಹತ್ವಪೂರ್ಣವಾಗಿದೆ. ಆದರೆ, Google Vids ಪ್ಲಾಟ್‌ಫಾರ್ಮ್ ಸಾಂಪ್ರದಾಯಿಕ ವೀಡಿಯೋ ಎಡಿಟರ್‌ಗಳ ಮೇಲೆ ಮೇಲೆ ನೇರವಾಗಿ ಪ್ರಭಾವ ಬೀರದೆ ಇರಬಹುದು, ಆದರೆ ಇದು ಹೊಸ ಬಳಕೆದಾರರನ್ನು ವೀಡಿಯೋ ಕ್ರಿಯೇಷನ್ ಜಗತ್ತಿಗೆ ಪರಿಚಯಿಸುತ್ತದೆ ಎನ್ನಬಹುದು.