AAP ಸಂಸದರ ಪಕ್ಷಾಂತರದ ನಂತರ ರಾಜ್ಯಸಭೆಯಲ್ಲಿ ಎನ್‌ಡಿಎ ಬಲವರ್ಧನೆ; 3ನೇ ಎರಡರಷ್ಟು ಬಹುಮತಕ್ಕೆ ಕೇವಲ 17 ಸ್ಥಾನಗಳ ಕೊರತೆ

ನವದೆಹಲಿ: ಆಪ್‌ ಪಕ್ಷದ 7 ರಾಜ್ಯಸಭಾ ಸಂಸದರು ಬಿಜೆಪಿ ಪಕ್ಷಕ್ಕೆ ಸೇರ್ಪಡೆ ಬಳಿಕ ರಾಜ್ಯಸಭೆಯಲ್ಲಿ ಎನ್‌ಡಿಎಗೆ ಮೂರನೇ ಎರಡರಷ್ಟು ಬಹುಮತವನ್ನು ಪಡೆಯಲು ಕೇವಲ 17 ಸದಸ್ಯರ ಅವಶ್ಯಕತೆ ಇದೆ.

ಆಮ್ ಆದ್ಮಿ ಪಕ್ಷದ ಸಂಸದರ ಪಕ್ಷಾಂತರದೊಂದಿಗೆ ಎನ್‌ಡಿಎ ಈಗ ಮೇಲ್ಮನೆಯಲ್ಲಿ 145 ಸಂಸದರ ಬೆಂಬಲವನ್ನು ಹೊಂದಿದೆ.

244 ಸದಸ್ಯ ಬಲದ ಸದನದಲ್ಲಿ ಮೂರನೇ ಎರಡರಷ್ಟು ಬಹುಮತದ ಸಂಖ್ಯೆ 163 ಆಗಿದೆ.

ರಾಜ್ಯಸಭಾ ಅಧ್ಯಕ್ಷ ಸಿಪಿ ರಾಧಾಕೃಷ್ಣನ್ ಅವರು ಆಪ್ ಸಂಸದರ ವಿಲೀನವನ್ನು ಅನುಮೋದಿಸಿದ ಬಳಿಕ ಆಡಳಿತ ಪಕ್ಷದ ಸಂಸದರ ಸಂಖ್ಯೆ 113ಕ್ಕೆ ಏರಿಕೆಯಾಗಲಿದೆ. ಪ್ರಸ್ತುತ ಬಿಜೆಪಿ 106 ಸಂಸದರನ್ನು ಹೊಂದಿದೆ. ಇದಲ್ಲದೆ ಆಡಳಿತ ಪಕ್ಷವು ಏಳು ನಾಮನಿರ್ದೇಶಿತ ಸದಸ್ಯರು ಮತ್ತು ಇಬ್ಬರು ಸ್ವತಂತ್ರ ಸಂಸದರ ಬೆಂಬಲವನ್ನು ಪಡೆಯುವ ಸಾಧ್ಯತೆಯಿದೆ. ಇದರಿಂದ ಬಿಜೆಪಿಗೆ ಬೆಂಬಲ ನೀಡುವ ಒಟ್ಟು ಸದಸ್ಯರ ಸಂಖ್ಯೆ 122ಕ್ಕೆ ತಲುಪಲಿದೆ, ಇದು ಸದನದ ಅರ್ಧ ಸಂಖ್ಯೆಗೆ ಸಮವಾಗಿದೆ.

ಮೇಲ್ಮನೆಯಲ್ಲಿ ಮೂರನೇ ಎರಡರಷ್ಟು ಬಹುಮತವನ್ನು ಪಡೆದರೆ ಸಾಂವಿಧಾನಿಕ ತಿದ್ದುಪಡಿಗಳ ಅಗತ್ಯವಿರುವ ನಿರ್ಣಾಯಕ ಶಾಸನಗಳನ್ನು ಅಂಗೀಕರಿಸುವುದು ಎನ್‌ಡಿಎ ಮೈತ್ರಿಕೂಟಕ್ಕೆ ಸುಲಭವಾಗಲಿದೆ.