ಅಂಚೆ ಮತದಾನದ ಬಗ್ಗೆಯೂ ದೂರು; ಅಲ್ಲಲ್ಲಿ ನಕಲಿ ಮತದಾನದ ಆರೋಪ

ತಿರುವನಂತಪುರಂ: ರಾಜ್ಯದಲ್ಲಿ ವಿಧಾನಸಭಾ ಚುನಾವಣೆಗೆ ಮತದಾನ ನಡೆಯುತ್ತಿರುವಾಗ, ಪ್ರತ್ಯೇಕ ಸ್ಥಳಗಳಲ್ಲಿ ನಕಲಿ ಮತದಾನದ ಆರೋಪಗಳಿವೆ. ಕುಟ್ಟಿಯಾಡಿ, ಮಲಂಪುಳ ಮತ್ತು ವಡಕ್ಕಂಚೇರಿಯಲ್ಲಿ ಅಕ್ರಮಗಳು ನಡೆದಿವೆ ಎಂಬ ಆರೋಪಗಳಿವೆ. ಮತ ಚಲಾಯಿಸಲು ಬಂದಾಗ ಬೇರೊಬ್ಬರು ಮತ ಚಲಾಯಿಸಿದ್ದಾರೆ ಎಂಬ ದೂರು ಕೇಳಿಬಂದಿದೆ. ಅಂಚೆ ಮತದಾನದ ಬಗ್ಗೆಯೂ ಆರೋಪಗಳಿವೆ. ಕುಟ್ಟಿಯಾಡಿಯಲ್ಲಿ ಯುಡಿಎಫ್ ಅಭ್ಯರ್ಥಿ ಪರಕ್ಕಲ್ ಅಬ್ದುಲ್ಲಾ ಆರೋಪ ಮಾಡಿದ್ದಾರೆ. ಕುಟ್ಟಿಯಾಡಿಯ ಅಯಂಜರಿ ಪಂಚಾಯತ್‍ನ ಬೂತ್ ಸಂಖ್ಯೆ 47 ರಲ್ಲಿ ಮತ ಚಲಾಯಿಸಲು ಬಂದ ಮತದಾರನಿಗೆ ಚುನಾವಣಾಧಿಕಾರಿ ಅವರು ಈಗಾಗಲೇ ಅಂಚೆ ಮತಪತ್ರದ ಮೂಲಕ ಮತ ಚಲಾಯಿಸಿದ್ದಾರೆ ಎಂದು ತಿಳಿಸಿದ್ದರು ಎಂದು ಪರಕ್ಕಲ್ ಅಬ್ದುಲ್ಲಾ ತಿಳಿಸಿದರು. ಯಾವುದೇ ವೈದ್ಯಕೀಯ ಸ್ಥಿತಿಯಿಲ್ಲದ ಗೃಹಿಣಿ ಮತದಾರರು ಅಂಚೆ ಮತ ಚಲಾಯಿಸುವುದು ಹೇಗೆ ಸಾಧ್ಯ ಎಂದು ಅವರು ಕೇಳಿದರು. ಘಟನೆಯ ಕುರಿತು ಜಿಲ್ಲಾಧಿಕಾರಿಗಳಿಗೆ ದೂರು ನೀಡಲಾಗಿದೆ ಎಂದು ಅವರು ತಿಳಿಸಿದರು. 

ಮಲಂಪುಳದ ಪುತ್ತುಪರಿಯಾರಂನಲ್ಲಿರುವ ಎಂಎಂ ಯುಪಿ ಶಾಲೆಯ ಬೂತ್ ಸಂಖ್ಯೆ 60 ರಲ್ಲಿ ನಕಲಿ ಮತದಾನ ನಡೆದಿದೆ ಎಂದು ದೂರು ನೀಡಲಾಗಿದೆ. ಮತ ಚಲಾಯಿಸಲು ಬಂದಾಗ ವೃದ್ಧ ವ್ಯಕ್ತಿಯಾಗಿದ್ದ ಮತದಾರ ಈಗಾಗಲೇ ಮತ ಚಲಾಯಿಸಿದ್ದಾನೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು. ಪೋಟೋ ನೋಡಿದ್ದೀರಾ ಎಂದು ಅಧಿಕಾರಿಗಳನ್ನು ಕೇಳಿದಾಗ, ಬೇರೊಬ್ಬರು ಮತ ಚಲಾಯಿಸಿ ಅವರ ಹೆಸರಿನಲ್ಲಿ ಸಹಿ ಮಾಡಿದ್ದಾರೆ ಎಂದು ತಿಳಿದುಬಂತು. ಸ್ಥಳದಲ್ಲಿ ಜಮಾಯಿಸಿದ ಬಿಜೆಪಿ ಕಾರ್ಯಕರ್ತರು ಬೂತ್ ಏಜೆಂಟ್ ರಿಂದ  ಮಾಹಿತಿ ತಿಳಿದುಕೊಂಡರು ಎಂದು ಹೇಳಿದರು.

ವಡಕ್ಕಂಚೇರಿಯಲ್ಲಿ ನಕಲಿ ಮತದಾನದ ಆರೋಪಗಳನ್ನು ಬಿಜೆಪಿ ಕಾರ್ಯಕರ್ತರು ಮುಂದಿಟ್ಟರು. ವಡಕ್ಕಂಚೇರಿ ಬಾಲಕಿಯರ ಶಾಲೆಯ ಮತಗಟ್ಟೆಯಲ್ಲಿ ಬಿಜೆಪಿ ಕಾರ್ಯಕರ್ತೆಯೊಬ್ಬರು ಮತ ಚಲಾಯಿಸಲು ಹೋದಾಗ, ಅವರ ಮತ ಅಂಚೆ ಮತವಾಗಿ ದಾಖಲಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ ಎಂದು ದೂರು ನೀಡಲಾಗಿದೆ. ಮತದಾನಕ್ಕೆ ಅನುಮತಿ ನೀಡುವಂತೆ ಒತ್ತಾಯಿಸಿ ಬಿಜೆಪಿ ಕಾರ್ಯಕರ್ತರು ಮತಗಟ್ಟೆಯ ಮುಂದೆ ಪ್ರತಿಭಟನೆ ನಡೆಸಿದರು. ಬಿಜೆಪಿ ಕಾರ್ಯಕರ್ತರು ಮತ್ತು ಪೋಲೀಸರ ನಡುವೆ ಮಾತಿನ ಚಕಮಕಿ ನಡೆಯಿತು. ಎನ್‍ಡಿಎ ಅಭ್ಯರ್ಥಿ ಉಲ್ಲಾಸ್ ಬಾಬು ಮತಗಟ್ಟೆಯ ಮುಂದೆ ಕುಳಿತು ಪ್ರತಿಭಟಿಸಿದರು.