ನೀರು ಖರೀದಿಸಲು ಇಳಿದ ತಾಯಿ, ಹೊರಟುಹೋದ ರೈಲು: ಬಾಕಿಯಾದ ಇಬ್ಬರು ಮಕ್ಕಳು

ಕೋಝಿಕೋಡ್: ರೈಲು ಪ್ರಯಾಣದ ಸಮಯದಲ್ಲಿ ಅನಾಥರಾಗಲಿದ್ದ ಇಬ್ಬರು ಮಕ್ಕಳನ್ನು ರೈಲ್ವೆ ರಕ್ಷಣಾ ಪಡೆ ಅಧಿಕಾರಿಯ ಸಕಾಲಿಕ ಹಸ್ತಕ್ಷೇಪದ ಮೂಲಕ ಸುರಕ್ಷಿತವಾಗಿ ಅವರ ತಾಯಿಗೆ ಹಸ್ತಾಂತರಿಸಿರುವರು.  

ಆರ್‍ಪಿಎಫ್ ಗುಪ್ತಚರ ಹೆಡ್ ಕಾನ್ಸ್‍ಟೇಬಲ್ ವಿ.ಕೆ. ವಿನೇಶ್ ತಮ್ಮ ಕರ್ತವ್ಯದ ಸಮಯದಲ್ಲಿ ರೈಲನ್ನು ಪರಿಶೀಲಿಸಿದಾಗ 12 ಮತ್ತು 5 ವರ್ಷ ವಯಸ್ಸಿನ ಬಾಲಕರು ಕಂಡುಬಂದರು. ರೈಲು ಪ್ರಯಾಣದ ಸಮಯದಲ್ಲಿ ಮಕ್ಕಳು ಕಾಣೆಯಾಗಿದ್ದಾರೆ ಎಂದು ಚೈಲ್ಡ್‍ಲೈನ್ ಅಧಿಕಾರಿಗಳು ನೀಡಿದ ಮಾಹಿತಿಯ ಆಧಾರದ ಮೇಲೆ ತಪಾಸಣೆ ನಡೆಸಲಾಯಿತು. ಶುಕ್ರವಾರ ಬೆಳಿಗ್ಗೆ 10.35 ಕ್ಕೆ ತ್ರಿಶೂರ್-ಕಣ್ಣೂರು ಪ್ಯಾಸೆಂಜರ್‍ನಲ್ಲಿ ಕೋಝಿಕೋಡ್ ರೈಲ್ವೆ ನಿಲ್ದಾಣದಲ್ಲಿ ಈ ಘಟನೆ ನಡೆದಿದೆ. ಪ್ರಯಾಣಿಕನಾಗಿದ್ದ ಕಣ್ಣೂರು ಮೂಲದ ಕತಿರೂರ್ ಅವರ ಮಕ್ಕಳು ರೈಲಿನಲ್ಲಿ ಏಕಾಂಗಿಯಾಗಿದ್ದರು.

ತಾಯಿ ಮತ್ತು ಮೂವರು ಮಕ್ಕಳು ಪಟ್ಟಾಂಬಿಯಿಂದ ತಲಶ್ಶೇರಿಗೆ ಹೋಗುತ್ತಿದ್ದರು. ರೈಲು ಕೋಝಿಕೋಡ್ ರೈಲ್ವೆ ನಿಲ್ದಾಣವನ್ನು ತಲುಪಿದಾಗ, ತಾಯಿ ಮತ್ತು ಓರ್ವ ಪುತ್ರ  ಕುಡಿಯುವ ನೀರು ಖರೀದಿಸಲು ರೈಲಿನಿಂದ ಇಳಿದರು. ಅವರು ಹಿಂತಿರುಗುವ ಮೊದಲು ರೈಲು ನಿಲ್ದಾಣದಿಂದ ಹೊರಟಿತ್ತು. 

ಅದರೊಂದಿಗೆ, ಇಬ್ಬರು ಮಕ್ಕಳು ಕಂಪಾರ್ಟ್‍ಮೆಂಟ್‍ನಲ್ಲಿ ಬಾಕಿಯಾದರು. ರೈಲು ಏಲತ್ತೂರು ರೈಲ್ವೆ ನಿಲ್ದಾಣವನ್ನು ತಲುಪಿದಾಗ, ಮಾಹಿತಿ ತಿಳಿದ ಆರ್‍ಪಿಎಫ್ ಅಧಿಕಾರಿಯೊಬ್ಬರು ಇಬ್ಬರು ಮಕ್ಕಳನ್ನು ಕಂಡುಕೊಂಡರು. ಮಕ್ಕಳಲ್ಲಿ ಒಬ್ಬನ ಕೈಯಲ್ಲಿ ಮೊಬೈಲ್ ಪೋನ್ ಇತ್ತು. ಆರ್‍ಪಿಎಫ್ ಅಧಿಕಾರಿಗಳು ಅದರ ಮೂಲಕ ತಾಯಿಗೆ ಕರೆ ಮಾಡಿ ಮಾಹಿತಿ ನೀಡಿದರು.

ಏಲತ್ತೂರು ನಿಲ್ದಾಣದಲ್ಲಿ ಇಳಿಸಲಾದ ಮಕ್ಕಳನ್ನು ಮಂಗಳೂರು-ಚೆನ್ನೈ ಏಲತ್ತೂರು ರೈಲ್ವೆ ನಿಲ್ದಾಣದಲ್ಲಿ ಕಳಿಸಸಲಾಯಿತು. ನಂತರ ಆರ್‍ಪಿಎಫ್ ಅಧಿಕಾರಿಗಳ ಸಮ್ಮುಖದಲ್ಲಿ ಅವರನ್ನು ಅವರ ತಾಯಿಗೆ ಹಸ್ತಾಂತರಿಸಲಾಯಿತು. ಏಲತ್ತೂರು ನಿಲ್ದಾಣದಲ್ಲಿ ಈ ರೈಲಿಗೆ ನಿಲುಗಡೆ ಇಲ್ಲದಿದ್ದರೂ, ಮಕ್ಕಳು ರೈಲಿನಲ್ಲಿ ಬಾಕಿಯಾದ ಬಗ್ಗೆ ವಿನೇಶ್ ತಿಳಿಸಿದ ನಂತರ ರೈಲ್ವೆ ನಿಲ್ದಾಣ ವ್ಯವಸ್ಥಾಪಕರು ಮಧ್ಯಪ್ರವೇಶಿಸಿದರು.