ಶ್ವೇತಭವನದ ಅಧಿಕಾರಿ ಎಂದು ಉದ್ಯಮಿ ಅನಿಲ್ ಅಂಬಾನಿಗೆ ತನ್ನನ್ನು ಪರಿಚಯಿಸಿಕೊಂಡಿದ್ದ ಜೆಫ್ರಿ ಎಪ್ಸ್ಟೀನ್; ಇಬ್ಬರ ನಡುವೆ ಏನೇನು ಸಂವಹನ ನಡೆದಿತ್ತು?

 ಭಾರತದ ಪ್ರಮುಖ ಉದ್ಯಮಿಗಳಲ್ಲಿ ಒಬ್ಬರಾದ ಅನಿಲ್ ಅಂಬಾನಿ, ಮೊದಲ ಟ್ರಂಪ್ ಆಡಳಿತದ ಆರಂಭಿಕ ದಿನಗಳಲ್ಲಿ ಹೊಸ ಅಧ್ಯಕ್ಷರ ರಾಷ್ಟ್ರೀಯ ಭದ್ರತಾ ಕಾರ್ಯತಂತ್ರದಲ್ಲಿ ಭಾರತ ಎಲ್ಲಿ ಹೊಂದಿಕೊಳ್ಳಬಹುದು ಎಂಬುದನ್ನು ಕಂಡುಹಿಡಿಯಲು ಉತ್ಸುಕರಾಗಿದ್ದರು. 2017ರಲ್ಲಿ, ಅವರು ಶಿಕ್ಷೆಗೊಳಗಾದ ಲೈಂಗಿಕ ಅಪರಾಧಿ ಜೆಫ್ರಿ ಎಪ್ಸ್ಟೀನ್ ಅವರೊಂದಿಗೆ ಸಂಪರ್ಕ ಸಾಧಿಸಿದರು. 

ಎಪ್ಸ್ಟೀನ್ ಅಂಬಾನಿಯ ಮುಂದೆ ತಾನು ಶ್ವೇತಭವನದ ಅಧಿಕಾರಿ ಎಂದು ಪರಿಚಯಿಸಿದ್ದರು. ಅದಕ್ಕಾಗಿ ಅವರು ತಮ್ಮ ರಾಜಕೀಯ ಮತ್ತು ರಾಜತಾಂತ್ರಿಕ ಗಣ್ಯರ ವಿಶಾಲ ಜಾಲವನ್ನು ಬಳಸಿಕೊಂಡರು. ಎರಡು ವರ್ಷಗಳಲ್ಲಿ ಅನಿಲ್ ಅಂಬಾನಿ ಮತ್ತು ಎಪ್ಸ್ಟೀನ್ ನಡುವೆ ಕಳುಹಿಸಲಾದ ನೂರಾರು ಸಂದೇಶಗಳು ಇದನ್ನು ತೋರಿಸುತ್ತವೆ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ.

"ಭಾರತ ಸಂಬಂಧ ಮತ್ತು ರಕ್ಷಣಾ ಸಹಕಾರಕ್ಕಾಗಿ ಶ್ವೇತಭವನದೊಂದಿಗೆ ವ್ಯವಹರಿಸುವ ಬಗ್ಗೆ ನಿಮ್ಮ ಮಾರ್ಗದರ್ಶನದ ಅಗತ್ಯವಿದೆ" ಎಂದು ಅಂಬಾನಿ ಎಪ್ಸ್ಟೀನ್‌ಗೆ ಆನ್‌ಲೈನ್ ಪರಿಚಯದ ನಂತರ ಪತ್ರ ಬರೆದಿದ್ದಾರೆ ಎಂದು ನ್ಯಾಯ ಇಲಾಖೆ ಈ ವರ್ಷ ಬಿಡುಗಡೆ ಮಾಡಿದ ದಾಖಲೆಗಳು ತಿಳಿಸಿವೆ. ಎಪ್ಸ್ಟೀನ್ ಅಂಬಾನಿಗೆ ಒಳಗಿನ ಕೆಲವು ವಿಷಯಗಳನ್ನು ತಿಳಿಸುವುದಾಗಿ ಭರವಸೆ ನೀಡಿದ್ದರು.

ಕಾಗುಣಿತ ದೋಷ ಮತ್ತು ಸಂಕ್ಷಿಪ್ತ ರೂಪಗಳಿಂದ ಕೂಡಿದ ಈ ವಿನಿಮಯಗಳು, ಎಪ್ಸ್ಟೀನ್ ಅವರ ಜಾಗತಿಕ ವ್ಯಾಪ್ತಿಯನ್ನು ಮತ್ತು ಬ್ಯಾಕ್-ಚಾನೆಲ್ ರಾಜತಾಂತ್ರಿಕತೆಯ ನೆರಳಿನ ಜಗತ್ತಿನಲ್ಲಿ ಕಾರ್ಯನಿರ್ವಹಿಸಲು ಸಮರ್ಥರಾದ ಪವರ್ ಬ್ರೋಕರ್ ಆಗಿ ವಿಶ್ವದ ಶ್ರೀಮಂತ ಜನರಲ್ಲಿ ಅವರು ನಿರ್ಮಿಸಿದ್ದ ಖ್ಯಾತಿಯನ್ನು ತೋರಿಸುತ್ತವೆ. ಬಡಾಯಿ ಕೊಚ್ಚಿಕೊಳ್ಳುವುದು ಮತ್ತು ಪ್ರಭಾವದ ನಡುವಿನ ಗೆರೆ ಅಸ್ಪಷ್ಟವಾಗಿದ್ದರೂ, ವಿದೇಶಾಂಗ ನೀತಿ ಮತ್ತು ಡೊನಾಲ್ಡ್ ಟ್ರಂಪ್ ನೇಮಕಾತಿಗಳು ಇತರರಿಗೆ ತಿಳಿಯುವ ಮೊದಲು ಎಪ್ಸ್ಟೀನ್, ಅನಿಲ್ ಅಂಬಾನಿಯೊಂದಿಗೆ ಕೆಲವು ಮಾಹಿತಿಗಳನ್ನು ಹಂಚಿಕೊಂಡರು. ಅವರು ಅದೃಷ್ಟವಂತರೋ ಇಲ್ಲವೋ, ಆದರೆ ಅವರ ಸಂದೇಶಗಳು, ಅಂಬಾನಿಯ ಪ್ರಶ್ನೆಗಳಿಗೆ ಉತ್ತರವಾಗಿ ಶ್ವೇತಭವನದ ಚಿಂತನೆಯ ಬಗ್ಗೆ ಹೆಸರು ಬಹಿರಂಗಪಡಿಸದ ಜನರಿಂದ ನಿಖರವಾದ ಮಾಹಿತಿಯನ್ನು ಪಡೆದುಕೊಂಡಿದ್ದಾರೆ ಎಂದು ಸೂಚಿಸುತ್ತವೆ.

ಉದಾಹರಣೆಗೆ, ಮಾರ್ಚ್ 2017ರಲ್ಲಿ, ಅಂಬಾನಿ ಅವರು ಅIಂ ಯ ಮಾಜಿ ನಿರ್ದೇಶಕ ಮತ್ತು ಭಾರತಕ್ಕೆ ಅಮೆರಿಕದ ರಾಯಭಾರಿಯಾಗಿ ತಮ್ಮ ಆಯ್ಕೆಯ ಅಭ್ಯರ್ಥಿ ಡೇವಿಡ್ ಪೆಟ್ರೋಯಸ್ ಅವರನ್ನು ಈ ಹುದ್ದೆಗೆ ನೇಮಿಸಲಾಗುತ್ತದೆಯೇ ಎಂದು ಎಪ್ಸ್ಟೀನ್ ಅವರನ್ನು ಕೇಳಿದರು.

ಅದಕ್ಕೆ ಎಪ್ಸ್ಟೀನ್ ನಾನು ಕೇಳುತ್ತೇನೆ ಎಂದು ಪ್ರತಿಕ್ರಿಯಿಸಿದರು.

ಸ್ವಲ್ಪ ಸಮಯದ ನಂತರ, ಪೆಟ್ರೋಯಸ್ "ಮುಂಚೂಣಿಯಲ್ಲಿಲ್ಲ" ಎಂದು ತನಗೆ "ಹೇಳಲಾಗಿದೆ" ಎಂದು ಎಪ್ಸ್ಟೀನ್ ಹೇಳಿದರು. ಆ ನವೆಂಬರ್‌ನಲ್ಲಿ ಆ ಹುದ್ದೆ ವ್ಯವಹಾರ ಕಾರ್ಯನಿರ್ವಾಹಕ ಮತ್ತು ಮಾಜಿ ಸರ್ಕಾರಿ ಅಧಿಕಾರಿ ಕೆನ್ನೆತ್ ಐ. ಜಸ್ಟರ್ ಅವರ ಪಾಲಾಯಿತು.

ಜುಲೈ 2017 ರಲ್ಲಿ, ಟ್ರಂಪ್ ಆಡಳಿತದಲ್ಲಿ ಪ್ರಮುಖ ಬದಲಾವಣೆಗಳಾಗುವ ಬಗ್ಗೆ ಎಪ್ಸ್ಟೀನ್ ಸರಿಯಾಗಿ ಭವಿಷ್ಯ ನುಡಿದರು. ರಿಪಬ್ಲಿಕನ್ ಪಕ್ಷದ ಜಾನ್ ಬೋಲ್ಟನ್ ಅಂತಿಮವಾಗಿ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಲೆಫ್ಟಿನೆಂಟ್ ಜನರಲ್ ಎಚ್.ಆರ್. ಮೆಕ್‌ಮಾಸ್ಟರ್ ಅವರನ್ನು ಬದಲಾಯಿಸುತ್ತಾರೆ ಎಂದು ಅಂಬಾನಿಗೆ ತಿಳಿಸಿದರು. ಆ ಬೇಸಿಗೆಯಲ್ಲಿ ಸಂಪ್ರದಾಯವಾದಿ ವಿಮರ್ಶಕರ ವಿರುದ್ಧ ಟ್ರಂಪ್ ಸಾರ್ವಜನಿಕವಾಗಿ ಮೆಕ್‌ಮಾಸ್ಟರ್ ಅವರನ್ನು ಸಮರ್ಥಿಸಿಕೊಂಡರು, ಆದರೆ ಎಂಟು ತಿಂಗಳ ನಂತರ ಅಂತಿಮವಾಗಿ ಬದಲಾವಣೆ ಸಂಭವಿಸಿದಾಗ ಎಪ್ಸ್ಟೀನ್ ಹೇಳಿದ್ದು ನಿಖರವಾಗಿ ಸಾಬೀತಾಯಿತು.

2017ರಲ್ಲಿ ಟ್ರಂಪ್ ಅವರ ಉದ್ಘಾಟನಾ ಸಮಿತಿಯ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದ ಸ್ಟೀವ್ ಬ್ಯಾನನ್ ಮತ್ತು ಥಾಮಸ್ ಜೆ. ಬ್ಯಾರಕ್ ಜೂನಿಯರ್ ಸೇರಿದಂತೆ ಅಧ್ಯಕ್ಷರ ಆಪ್ತ ವ್ಯಕ್ತಿಗಳಿಗೆ ಅಂಬಾನಿಯನ್ನು ಪರಿಚಯಿಸಲು ಎಪ್ಸ್ಟೀನ್ ಮುಂದಾದರು. ಅಂಬಾನಿಯನ್ನು ಭೇಟಿಯಾಗುವುದು ಉಪಯುಕ್ತವೆಂದು ಎಪ್ಸ್ಟೀನ್ ಇಬ್ಬರು ವ್ಯಕ್ತಿಗಳಿಗೆ ಸೂಚಿಸಿದರು.

ಭಾರತದಲ್ಲಿ ತಾನು ಉತ್ತಮ ರೀತಿಯಲ್ಲಿ ರಾಜಕೀಯ ಸಂಪರ್ಕ ಹೊಂದಿರುವುದಾಗಿ ಮತ್ತು ಪ್ರಧಾನಿ ನರೇಂದ್ರ ಮೋದಿ ಅವರ ಸರ್ಕಾರಕ್ಕೆ ಮಾರ್ಗದರ್ಶಕರು ಎಂದು ಅಂಬಾನಿ ಪರಿಚಯಿಸಿಕೊಂಡರು. ಟ್ರಂಪ್ ಅವರ ಅಳಿಯ ಜೇರೆಡ್ ಕುಶ್ನರ್ ಮತ್ತು ಬ್ಯಾನನ್ ಅವರೊಂದಿಗೆ ಸಭೆಗಳನ್ನು ಏರ್ಪಡಿಸುವಲ್ಲಿ "ನಾಯಕತ್ವ" ಎಪ್ಸ್ಟೀನ್ ಅವರ ಸಹಾಯವನ್ನು ಕೇಳಿದೆ ಎಂದು ಅವರು ಒಮ್ಮೆ ಬರೆದಿದ್ದಾರೆ.

ಅಂಬಾನಿ, ಬ್ಯಾನನ್ ಮತ್ತು ಬ್ಯಾರಕ್ ಈ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಅಂಬಾನಿ ವಿರುದ್ಧ ಮಹಿಳೆಯರ ಬಗ್ಗೆ ಕ್ರಿಮಿನಲ್ ಅಥವಾ ಅನುಚಿತ ವರ್ತನೆಯ ಆರೋಪ ಹೊರಿಸಲಾಗಿಲ್ಲವಾದರೂ, ಶ್ವೇತಭವನದ ಪ್ರತಿನಿಧಿಯೊಬ್ಬರು ಪತ್ರಿಕಾ ಕಾರ್ಯದರ್ಶಿ ಕ್ಯಾರೋಲಿನ್ ಲೀವಿಟ್ ಅವರ ಇತ್ತೀಚಿನ ಹೇಳಿಕೆಗಳನ್ನು ಉಲ್ಲೇಖಿಸಿದರು. ಆ ಹೇಳಿಕೆಗಳಲ್ಲಿ, ಎಪ್ಸ್ಟೀನ್ ಅವರೊಂದಿಗಿನ ಸಂಬಂಧಗಳ ಕುರಿತು ಯಾವುದೇ ತಪ್ಪನ್ನು ಡೊನಾಲ್ಡ್ ಟ್ರಂಪ್ ಪದೇ ಪದೇ ನಿರಾಕರಿಸಿದ್ದನ್ನು ಲೀವಿಟ್ ಪುನರುಚ್ಚರಿಸಿದರು.

ಹಣಕಾಸಿನ ರಹಸ್ಯಗಳು ಮತ್ತು ರಾಜಕೀಯ ಕಾರ್ಯತಂತ್ರದ ಕುರಿತಾದ ಅವರ ವಿನಿಮಯಗಳ ನಡುವೆ ಸಾಮಾನ್ಯವಾಗಿ ಸಾಂದರ್ಭಿಕ ಪಠ್ಯ ಸಂದೇಶವನ್ನು ಸಂಕ್ಷಿಪ್ತ ರೂಪದಲ್ಲಿ ಬರೆಯಲಾಗುತ್ತದೆ . ಎಪ್ಸ್ಟೀನ್ ಮತ್ತು ಅಂಬಾನಿ ಜesseಡಿಣ ಬಗ್ಗೆ ಉಲ್ಲೇಖ ಮಾಡಿದ್ದಾರೆ. ಈ ಸಂದೇಶಗಳು, ಆಗಾಗ್ಗೆ "ಈuಟಿ" ಎಂಬ ಪದದ ಜತೆಗೆ ಬರೆದಿರುತ್ತದೆ. ಆದರೆ ಡಿಜಿಟಲ್ ದಾಖಲೆಯು ಈ ಪದವು ನಿಜವಾಗಿ ಏನನ್ನು ಸೂಚಿಸುತ್ತದೆ ಎಂಬುದಕ್ಕೆ ಯಾವುದೇ ಸ್ಪಷ್ಟ ಪುರಾವೆಗಳನ್ನು ನೀಡುವುದಿಲ್ಲ.

ಈ ಸಂದೇಶಗಳು ಇಬ್ಬರು ವ್ಯಕ್ತಿಗಳ ನಡುವಿನ ವ್ಯವಹಾರಗಳ ಭಾಗಶಃ ನೋಟವನ್ನು ಒದಗಿಸುತ್ತವೆ. ಅವರು ಫೋನ್‌ನಲ್ಲಿ ಮಾತನಾಡುತ್ತಿದ್ದರು, ಸಿಗ್ನಲ್ ಮತ್ತು ಟೆಲಿಗ್ರಾಮ್‌ನಂತಹ ಎನ್‌ಕ್ರಿಪ್ಟ್ ಮಾಡಿದ ಮೆಸೇಜಿಂಗ್ ಫ್ಲಾಟ್ ಫಾರಂನ್ನು ಬಳಸುತ್ತಿದ್ದರು, ಅಲ್ಲಿ 66 ವರ್ಷದ ಅಂಬಾನಿ "ಂಡಿmಚಿಟಿi ಂ" ಎಂಬ ಹ್ಯಾಂಡಲ್ ಮೂಲಕ ಮಾತನಾಡುತ್ತಿದ್ದರು. 2008 ರಲ್ಲಿ ಅಪ್ರಾಪ್ತ ವಯಸ್ಕರನ್ನು ವೇಶ್ಯಾವಾಟಿಕೆಗೆ ಒತ್ತಾಯಿಸಿದ ಆರೋಪದಲ್ಲಿ ಎಪ್ಸ್ಟೀನ್ ತಪ್ಪೊಪ್ಪಿಕೊಂಡ ನಂತರ ಜೈಲು ಶಿಕ್ಷೆಯನ್ನು ಅನುಭವಿಸಿ, ಆತ ಲೈಂಗಿಕ ಅಪರಾಧಿ ಎಂದು ಸಾಬೀತಾದ ವರ್ಷಗಳ ನಂತರ ಈ ಸಂಭಾಷಣೆಗಳು ನಡೆದಿದ್ದವು.

ಭಾರತದ ಅತ್ಯಂತ ಶ್ರೀಮಂತ ವ್ಯಕ್ತಿ ಮುಖೇಶ್ ಅಂಬಾನಿಯವರ ಕಿರಿಯ ಸಹೋದರ ಅನಿಲ್, ಎಪ್ಸ್ಟೀನ್ ಅವರೊಂದಿಗಿನ ಮಾತುಕತೆಯಲ್ಲಿ ತಮ್ಮ ಜಾಗತಿಕ ಖ್ಯಾತಿಯನ್ನು ಹೆಚ್ಚಿಸಿಕೊಳ್ಳಲು ಬಯಸುತ್ತಿರುವಂತೆ ಕಂಡುಬಂದಿತು. ಅವರ ತಂದೆ ನಿಧನರಾದ ನಂತರ, 2005 ರಲ್ಲಿ ಅವರ ತಾಯಿ ರಿಲಯನ್ಸ್ ಇಂಡಸ್ಟ್ರೀಸ್ ದೂರಸಂಪರ್ಕದಿಂದ ತೈಲ ಸಂಸ್ಕರಣೆಯವರೆಗಿನ ವ್ಯವಹಾರಗಳನ್ನು ಈ ಸಹೋದರರ ನಡುವೆ ವಿಭಜಿಸಿದರು.

ಆದರೆ ಫೋರ್ಬ್ಸ್ ಪ್ರಕಾರ, ಅನಿಲ್ ಅಂಬಾನಿಯವರ ಸಂಪತ್ತು 2007ರಲ್ಲಿ ಅಂದಾಜು 45 ಬಿಲಿಯನ್ ಡಾಲರ್ ನಿವ್ವಳ ಮೌಲ್ಯದಿಂದ 2019 ರಲ್ಲಿ 1.7 ಬಿಲಿಯನ್‌ ಡಾಲರ್ ಗೆ ಕುಸಿದಿದೆ. ಆದರೆ ಅವರ ಸಹೋದರ ಮುಖೇಶ್ ಅವರ ಸಂಪತ್ತು ಈಗ ಸುಮಾರು 100 ಬಿಲಿಯನ್‌ ಡಾಲರ್ ಗೆ ಏರಿದೆ.

ಎಪ್ಸ್ಟೀನ್ ಮತ್ತು ಅಂಬಾನಿ ನಡುವಿನ ಸಂಪರ್ಕವನ್ನು ಸುಲ್ತಾನ್ ಅಹ್ಮದ್ ಬಿನ್ ಸುಲಾಯೆಮ್ ಸುಗಮಗೊಳಿಸಿದರು. ಎಪ್ಸ್ಟೀನ್ ಜೊತೆಗಿನ ಅವರ ಸಂಬಂಧ ಬೆಳಕಿಗೆ ಬಂದ ನಂತರ, ಬಿನ್ ಸುಲಾಯೆಮ್ ಕಳೆದ ಫೆಬ್ರವರಿಯಲ್ಲಿ ದುಬೈ ಮೂಲದ ಲಾಜಿಸ್ಟಿಕ್ಸ್ ದೈತ್ಯ ಡಿಪಿ ವರ್ಲ್ಡ್‌ನ ಅಧ್ಯಕ್ಷ ಮತ್ತು ಸಿಇಒ ಹುದ್ದೆಯಿಂದ ಕೆಳಗಿಳಿದರು.

ಎಪ್ಸ್ಟೀನ್ ಒಂದು ಹಂತದಲ್ಲಿ ಲೇಖಕ, ಲೈಫ್ ಸ್ಟೈಲ್ ಗುರು ದೀಪಕ್ ಚೋಪ್ರಾ ಅವರಲ್ಲಿ ಅಂಬಾನಿ ಬಗ್ಗೆ ಕೇಳಿದ್ದಾರೆ. ಅದಕ್ಕೆ ದೀಪಕ್ ಚೋಪ್ರಾ, "ಶ್ರೀಮಂತ, ಸೆಲೆಬ್ರಿಟಿ ಪ್ರಜ್ಞೆ ಇರುವ, ಗಮನ ಸೆಳೆಯುವ ಬಯಕೆ ಹೊಂದಿರುವ" ಎಂದು ಉತ್ತರಿಸಿದ್ದಾರೆ.

ಭಾರತಕ್ಕೆ ಮುಂದಿನ ಅಮೆರಿಕದ ರಾಯಭಾರಿ ಯಾರು ಎಂಬುದರ ಕುರಿತು ಅಂಬಾನಿ ಮತ್ತು ಎಪ್ಸ್ಟೀನ್ ಅವರ ಸಂದೇಶಗಳು ಅವರು ನಡೆಸಿದ ಆರಂಭಿಕ ಸಂಭಾಷಣೆಗಳಲ್ಲವೆ. ಅಂಬಾನಿ 2016ರಲ್ಲಿ ರಫೇಲ್ ಯುದ್ಧ ವಿಮಾನಗಳ ಬಿಡಿಭಾಗಗಳ ಉತ್ಪಾದನಾ ಒಪ್ಪಂದವನ್ನು ಮಾಡಿಕೊಂಡಿದ್ದರಿಂದ ಅವರು ರಕ್ಷಣಾ ನೀತಿಯಲ್ಲಿ ಆಸಕ್ತಿ ಹೊಂದಿದ್ದರು. ಫ್ರಾನ್ಸ್‌ನಿಂದ ಜೆಟ್‌ಗಳನ್ನು ಖರೀದಿಸಲು ಒಪ್ಪಿಕೊಂಡಿದ್ದ ಮೋದಿ ಸರಕಾರವು ಅಂಬಾನಿಗೆ ಅನುಕೂಲಕರವಾಗಿದೆ ಎಂದು ವಿಮರ್ಶಕರು ಆರೋಪಿಸಿದ್ದರೂ ಸರಕಾರ ಅದನ್ನು ನಿರಾಕರಿಸಿತು.

ಭಾರತಕ್ಕೆ ಅಮೆರಿಕದ ರಾಯಭಾರಿಯಾಗಿ ಯಾರು ಆಯ್ಕೆಯಾಗುತ್ತಾರೆ ಎಂಬುದು ತಮಗೆ "ಮುಖ್ಯ" ಎಂದು ಅಂಬಾನಿ ಬರೆದಿದ್ದಾರೆ. ಪಾಕಿಸ್ತಾನ ಮತ್ತು ಇತರ ನೆರೆಹೊರೆಯವರೊಂದಿಗೆ "ವ್ಯವಹರಿಸಲು" ಪೆಟ್ರೋಯಸ್‌ನಂತಹ "ಪ್ರಭಾವಿ ವ್ಯಕ್ತಿ" ಬೇಕೆಂದು ಅವರು ಹೇಳಿದರು.

ಡೇವಿಡ್ ಪೆಟ್ರೋಸ್ ಆಯ್ಕೆಯಾಗುವ ಸಾಧ್ಯತೆಯನ್ನು ಎಪ್ಸ್ಟೀನ್ ತಳ್ಳಿಹಾಕಿದರು, "ಡೊನಾಲ್ಡ್ ಅವರನ್ನು ಇಷ್ಟಪಟ್ಟಿದ್ದರೂ," ಪೆಂಟಗನ್ "ಎಚ್ಚರಿಕೆಯಿಂದ" ಇತ್ತು ಎಂದು ಹೇಳಿದರು. ಈ ಹೇಳಿಕೆಗೆ ಯಾವುದೇ ಹೆಚ್ಚಿನ ವಿವರಣೆಯನ್ನು ನೀಡಲಿಲ್ಲ.

ಈ ಬಗ್ಗೆ ಮಾತನಾಡುವಾಗ, ಅಂಬಾನಿ ಎಪ್ಸ್ಟೀನ್ ಅವರಲ್ಲಿ "ನೀವು ಯಾರನ್ನು ಸೂಚಿಸುತ್ತೀರಿ?" ಎಂದು ಕೇಳಿದರು. "ಭೇಟಿ ಮಾಡಲು ಖುಷಿ ಕೊಡುವ ಎತ್ತರದ ಸ್ವೀಡಿಷ್ ಬ್ಲೋಂಡ್ ಮಹಿಳೆ," ಎಂದು ಎಪ್ಸ್ಟೀನ್ ಕೆಲವೇ ಸೆಕೆಂಡುಗಳಲ್ಲಿ ಉತ್ತರಿಸಿದ್ದಾರೆ.

"ಅದನ್ನು ವ್ಯವಸ್ಥೆ ಮಾಡಿ," ಎಂದಿದ್ದಾರೆ ಅಂಬಾನಿ.

ಆ ಕ್ಷಣವನ್ನು ಸದುಪಯೋಗಪಡಿಸಿಕೊಂಡ ಎಪ್ಸ್ಟೀನ್, "ನಿಮ್ಮ ಒಲವು ಪ್ರತಿನಿಧಿಸುವ" ನಿರ್ದಿಷ್ಟ ನಟಿ ಅಥವಾ ರೂಪದರ್ಶಿ ಇದ್ದಾರೆಯೇ ಎಂದು ವಿಚಾರಿಸಿದರು. ಅಂಬಾನಿಯ ಆದ್ಯತೆ ಮೆರಿಲ್ ಸ್ಟ್ರೀಪ್ ನಂತಹ ವ್ಯಕ್ತಿಯ ಕಡೆಗೆ ವಾಲಿದರೆ ಅವರು " ಒಳ್ಳೆಯವರಲ್ಲ" ಎಂದು ತಮಾಷೆಯಾಗಿ ಹೇಳಿದರು. ಸ್ಕಾರ್ಲೆಟ್ ಜೋಹಾನ್ಸನ್ ಪ್ರಸ್ತುತ ತಮ್ಮ ಸಂಸ್ಥೆಗಳಲ್ಲಿ ಒಂದರಿಂದ ಹಣಕಾಸು ಒದಗಿಸಲಾದ ಯೋಜನೆಯಲ್ಲಿ ನಟಿಸುತ್ತಿದ್ದಾರೆ ಎಂದ ಅಂಬಾನಿ, ತಾವು ಉತ್ತಮ ಅಭಿರುಚಿ ಹೊಂದಿರುವುದಾಗಿ ಹೇಳಿದರು.

2017ರಲ್ಲಿ, ಮೋದಿ ಅಮೆರಿಕಕ್ಕೆ ಭೇಟಿ ನೀಡುವ ಯೋಜನೆಗಳನ್ನು ರೂಪಿಸಲಾಗುತ್ತಿದ್ದಾಗ, ಟ್ರಂಪ್ ಈಗಾಗಲೇ ಇರಾನ್ ಅನ್ನು ಪ್ರತ್ಯೇಕಿಸಲು ಪ್ರಯತ್ನಿಸುತ್ತಿದ್ದರು. ದೇಶಗಳು ಇಸ್ರೇಲ್ ಅನ್ನು ಹೆಚ್ಚು ಸ್ವೀಕರಿಸಬೇಕೆಂದು ಅವರು ಬಯಸಿದ್ದರು. ಫೈಲ್‌ಗಳಲ್ಲಿ ಸೇರಿಸಲಾದ ಕೆಲವು ಸಂದೇಶಗಳಲ್ಲಿ, ಭಾರತವು ಇಸ್ರೇಲ್‌ನಿಂದ ಹೆಚ್ಚಿನ ಶಸ್ತ್ರಾಸ್ತ್ರಗಳನ್ನು ಖರೀದಿಸುವುದರಿಂದ ಶ್ವೇತಭವನವು ದೇಶವನ್ನು ಹೆಚ್ಚು ಅನುಕೂಲಕರವಾಗಿ ನೋಡುವಂತೆ ಮಾಡಬಹುದು ಎಂದು ಎಪ್ಸ್ಟೀನ್ ಅಂಬಾನಿಗೆ ಸಲಹೆ ನೀಡಿದಂತೆ ಕಂಡುಬಂದಿದೆ.

"ಇಸ್ರೇಲ್ ಕಾರ್ಯತಂತ್ರದ ಕುರಿತಾದ ಚರ್ಚೆಗಳು ಮೋದಿಯವರ ವೇಳಾಪಟ್ಟಿಯಲ್ಲಿ ಮೇಲುಗೈ ಸಾಧಿಸುತ್ತಿದ್ದವು ಎಂದು ನನಗೆ ಹೇಳಲಾಗಿದೆ." ಎಂದು ಅವರು ಮಾರ್ಚ್ 29ರಂದು ಬರೆದಿದ್ದಾರೆ.

ಜೂನ್ ಅಂತ್ಯದಲ್ಲಿ ಟ್ರಂಪ್ ಜೊತೆಗಿನ ಮೊದಲ ಸಭೆಗಾಗಿ ಮೋದಿ ವಾಷಿಂಗ್ಟನ್‌ಗೆ ಪ್ರಯಾಣ ಬೆಳೆಸಿದರು. ಶೀಘ್ರದಲ್ಲೇ, ಅವರು ಇಸ್ರೇಲ್‌ಗೆ ಭೇಟಿ ನೀಡಿದ ಮೊದಲ ಭಾರತೀಯ ಪ್ರಧಾನಿಯಾದರು, ಇದು ಮಧ್ಯಪ್ರಾಚ್ಯ ರಾಜಕೀಯದ ಬಗ್ಗೆ ದಕ್ಷಿಣ ಏಷ್ಯಾದ ದೇಶದ ತಟಸ್ಥ ನಿಲುವಿನಿಂದ ಬದಲಾವಣೆಯನ್ನು ಸೂಚಿಸುತ್ತದೆ.

ವಿನಿಮಯದ ನಂತರ, ಎಪ್ಸ್ಟೀನ್ "ಎಚಿboಡಿ ಙ" ಗೆ ಸಂದೇಶ ಕಳುಹಿಸಿದರು.ಇತರ ದಾಖಲೆಗಳಲ್ಲಿ ಖತರ್ ರಾಜಮನೆತನದ ಮತ್ತು ಉದ್ಯಮಿ ಜಾಬೋರ್ ಯೂಸೆಫ್ ಜಾಸಿಮ್ ಅಲ್ ಥಾನಿ ಎಂದು ಗುರುತಿಸಲಾಗಿದೆ - ಖತರ್ ಅನ್ನು "ಒದೆಯುವುದು ಮತ್ತು ವಾದಿಸುವುದನ್ನು ನಿಲ್ಲಿಸಿ" "ಭಯೋತ್ಪಾದನೆಯ ವಿರುದ್ಧ ಹೊರಬರಬೇಕು" ಎಂದು ಅವರು ಒತ್ತಾಯಿಸಿದರು.

ಆ ಸಮಯದಲ್ಲಿ, ಸೌದಿ ಅರೇಬಿಯಾ ಮತ್ತು ಟ್ರಂಪ್ ಬೆಂಬಲದೊಂದಿಗೆ ಅದರ ಗಲ್ಫ್ ಮಿತ್ರರಾಷ್ಟ್ರಗಳು, ಖತರ್ ಇರಾನ್ ಜೊತೆಗಿನ ಸ್ನೇಹ ಸಂಬಂಧದಿಂದಾಗಿ ಭಯೋತ್ಪಾದನೆಯನ್ನು ಬೆಂಬಲಿಸುತ್ತಿದೆ ಎಂದು ಆರೋಪಿಸಿ ಅದನ್ನು ದಿಗ್ಬಂಧನ ವಿಧಿಸಿದ್ದವು. ಎಪ್ಸ್ಟೀನ್ ಮೋದಿಯನ್ನು ಉದಾಹರಣೆಯಾಗಿ ಬಳಸಿಕೊಂಡರು, ಅವರು ಅಮೆರಿಕ ಅಧ್ಯಕ್ಷರನ್ನು ಭೇಟಿಯಾದ ನಂತರ "ಸಲಹೆ ಪಡೆದರು" ಮತ್ತು "ಇಸ್ರೇಲ್‌ನಲ್ಲಿ ನೃತ್ಯ ಮಾಡಿದರು ಮತ್ತು ಹಾಡಿದರು" ಎಂದು ಹೇಳಿದರು. "ಇದು ಕೆಲಸ ಮಾಡಿತು" ಎಂದು ಅವರು ಬರೆದಿದ್ದಾರೆ.

ಆ ವರ್ಷ ಭಾರತ ಸುಮಾರು 2 ಬಿಲಿಯನ್ ಡಾಲರ್ ಮೌಲ್ಯದ ಶಸ್ತ್ರಾಸ್ತ್ರಗಳು ಮತ್ತು ಗುಪ್ತಚರ ಉಪಕರಣಗಳನ್ನು ಖರೀದಿಸಲು ಒಪ್ಪಿಕೊಂಡಿತು ಎಂದು ದಿ ನ್ಯೂಯಾರ್ಕ್ ಟೈಮ್ಸ್ ಮ್ಯಾಗಝೀನ್ 2022ರಲ್ಲಿ ವರದಿ ಮಾಡಿದೆ.

ಜನವರಿಯಲ್ಲಿ ಬಿಡುಗಡೆಯಾದ ಎಪ್ಸ್ಟೀನ್ ದಾಖಲೆಗಳ ಸಂಗ್ರಹದಲ್ಲಿ ಮೋದಿಯ ಹೆಸರು ಕಾಣಿಸಿಕೊಂಡ ನಂತರ, ಭಾರತದ ವಿದೇಶಾಂಗ ಸಚಿವಾಲಯವು ಆ ಸಂದೇಶಗಳನ್ನು "ಶಿಕ್ಷಿತ ಲೈಂಗಿಕ ಅಪರಾಧಿಯ ನಕಲಿ ವದಂತಿಗಳು" ಎಂದು ಕರೆದಿದೆ.

ಅಂತರರಾಷ್ಟ್ರೀಯ ವೇದಿಕೆಯಲ್ಲಿ ತನ್ನ ಮನ್ನಣೆಯನ್ನು ಹೆಚ್ಚಿಸಿಕೊಳ್ಳುವ ಅಂಬಾನಿಯ ಆಕಾಂಕ್ಷೆಗಳು ಎಪ್ಸ್ಟೀನ್ ಅವರೊಂದಿಗಿನ ಅವರ ವಿನಿಮಯಗಳ ಮೂಲಕ ಸಾಗುತ್ತವೆ. ಅವರು ಯಾವುದೇ ಯುಎಸ್ ಚಿಂತಕರ ಚಾವಡಿಗೆ ಸೇರಿದವರೇ ಎಂದು ಅವರನ್ನು ಕೇಳಿದಾಗ, ಅಂಬಾನಿ ಅವರು ಅಟ್ಲಾಂಟಿಕ್ ಕೌನ್ಸಿಲ್ ಸಲಹಾ ಮಂಡಳಿಯಲ್ಲಿ "ಏಕೈಕ ಭಾರತೀಯ" ಎಂದು ಹೆಮ್ಮೆಪಡುತ್ತಾರೆ. ಅವರು ಇತರ ಸಂಸ್ಥೆಗಳ ಬಗ್ಗೆ ಎಪ್ಸ್ಟೀನ್ ಅವರ ಅಭಿಪ್ರಾಯಗಳನ್ನು ಆಹ್ವಾನಿಸಿದ್ದರು.

ಆಗ ಕಾರ್ನೆಗೀ ಎಂಡೋಮೆಂಟ್ ಫಾರ್ ಇಂಟರ್ನ್ಯಾಷನಲ್ ಪೀಸ್‌ನ ಅಧ್ಯಕ್ಷರಾಗಿದ್ದ ವಿಲಿಯಂ ಜೆ.ಬರ್ನ್ಸ್ ಮತ್ತು ಸೆಂಟರ್ ಫಾರ್ ಸ್ಟ್ರಾಟೆಜಿಕ್ ಅಂಡ್ ಇಂಟರ್ನ್ಯಾಷನಲ್ ಸ್ಟಡೀಸ್‌ನ ಟ್ರಸ್ಟಿಗಳ ಮಂಡಳಿಯ ಅಧ್ಯಕ್ಷರಾಗಿದ್ದ ಥಾಮಸ್ ಜೆ. ಪ್ರಿಟ್ಜ್ಕರ್ ಅವರಿಗೆ ಅಂಬಾನಿಯನ್ನು ಪರಿಚಯಿಸಲು ಎಪ್ಸ್ಟೀನ್ ಮುಂದಾದರು. (ಎಪ್ಸ್ಟೀನ್ ಜೊತೆಗಿನ ಸಂಬಂಧವನ್ನು ಉಲ್ಲೇಖಿಸಿ ಪ್ರಿಟ್ಜ್ಕರ್ ಫೆಬ್ರವರಿಯಲ್ಲಿ ಹಯಾಟ್ ಹೋಟೆಲ್ಸ್ ಕಾರ್ಪ್‌ನ ಕಾರ್ಯನಿರ್ವಾಹಕ ಅಧ್ಯಕ್ಷ ಸ್ಥಾನದಿಂದ ಕೆಳಗಿಳಿದರು.)

ಎಪ್ಸ್ಟೀನ್ ಅಂಬಾನಿಗೆ ತಮ್ಮ ನಿವಾಸದಲ್ಲಿ ಭೋಜನ ಕೂಟಗಳಲ್ಲಿ ಭಾಗವಹಿಸಲು ಆಹ್ವಾನಗಳನ್ನು ನೀಡಿದರು. ಪ್ರಮುಖ ರಾಜಕಾರಣಿಗಳು ಮತ್ತು ನಾಯಕರೊಂದಿಗೆ ಸಂಪರ್ಕ ಸಾಧಿಸಲು ಅವಕಾಶವನ್ನು ನೀಡಿದರು. ಅವರಲ್ಲಿ ಮಧ್ಯಪ್ರಾಚ್ಯ ಶಾಂತಿ ಮಾತುಕತೆಗಳಲ್ಲಿ ತಮ್ಮ ಪಾತ್ರಕ್ಕಾಗಿ ಗುರುತಿಸಲ್ಪಟ್ಟ ಅನುಭವಿ ನಾರ್ವೇಜಿಯನ್ ರಾಜತಾಂತ್ರಿಕ ಟೆರ್ಜೆ ರಾಡ್-ಲಾರ್ಸೆನ್ ಕೂಡ ಇದ್ದರು. ಅಂತರರಾಷ್ಟ್ರೀಯ ಶಾಂತಿ ಸಂಸ್ಥೆಯ ಮುಖ್ಯಸ್ಥರಾಗಿದ್ದ ರೋಡ್-ಲಾರ್ಸೆನ್ ಅವರನ್ನು ತಮ್ಮ "ಶೆರ್ಪಾ" ಆಗಿ ಕಾರ್ಯನಿರ್ವಹಿಸಲು ಸೇರಿಸಿಕೊಂಡಿರುವುದಾಗಿ ಎಪ್ಸ್ಟೀನ್ ಅಂಬಾನಿಗೆ ತಿಳಿಸಿದರು. ಆದಾಗ್ಯೂ, ಎಪ್ಸ್ಟೀನ್ ಅವರೊಂದಿಗಿನ ಆರ್ಥಿಕ ಸಂಪರ್ಕಗಳು ಬಹಿರಂಗಗೊಂಡ ನಂತರ 2020ರಲ್ಲಿ ರಾಡ್-ಲಾರ್ಸೆನ್ ಚಿಂತಕರ ಚಾವಡಿಗೆ ರಾಜೀನಾಮೆ ನೀಡಬೇಕಾಯಿತು.

2019 ರಲ್ಲಿ ಅಂಬಾನಿ ಎಪ್ಸ್ಟೀನ್ ಜೊತೆ ಆಗಾಗ್ಗೆ ಸಂವಹನ ನಡೆಸುತ್ತಿದ್ದರು, ಏಕೆಂದರೆ ಅವರ ವ್ಯವಹಾರವು ಸಂಕಷ್ಟದಲ್ಲಿತ್ತು. ಪಾವತಿಸದ ಸಾಲದ ಬಗ್ಗೆ ನ್ಯಾಯಾಲಯದ ಆದೇಶದ ನಂತರ 79 ಮಿಲಿಯನ್ ಡಾಲರ್ ಪಾವತಿಸಲು ಅವರಿಗೆ ಅವರ ಸಹೋದರ ಮುಖೇಶ್ ಅವರಿಂದ ಆರ್ಥಿಕ ಸಹಾಯದ ಅಗತ್ಯವಿತ್ತು.

ಎಪ್ಸ್ಟೀನ್ ಅಂಬಾನಿಗೆ "ಮಾನಸಿಕವಾಗಿ ಸದೃಢರಾಗಿ" ಇರಲು ಸಹಾನುಭೂತಿಯ ಸಂದೇಶಗಳನ್ನು ಕಳುಹಿಸಿದರು. ಅವರು ಪದೇ ಪದೇ ಸಲಹೆ ನೀಡಿದರು, ತಾನು ಕೇವಲ ಸ್ನೇಹಿತ ಎಂದು ಅವರು ಒತ್ತಿ ಹೇಳಿದರು.

ಅಂಬಾನಿ ಅವರು ಯುಎಸ್ ಕಾರ್ಪೊರೇಟ್ ಹಣಕಾಸು ಸಂಗ್ರಹಿಸುವ ಬಗ್ಗೆ ವಿಚಾರಿಸಿದಾಗ, ಎಪ್ಸ್ಟೀನ್ ಹಲವಾರು ಆಯ್ಕೆಗಳನ್ನು ಪ್ರಸ್ತಾಪಿಸಿದರು. ದಿವಾಳಿತನ-ನಿರೋಧಕ ವಾಹನಗಳ ರಚನೆ ಸೇರಿದಂತೆ ಆಯ್ಕೆಗಳನ್ನು ನೀಡಿದ ಅವರು ಸಂಭಾವ್ಯ ತೆರಿಗೆ ಪರಿಣಾಮಗಳ ಬಗ್ಗೆ ಎಚ್ಚರಿಸಿದರು. ಪತ್ರವ್ಯವಹಾರವು ಪಾವತಿಗೆ ಯಾವುದೇ ಔಪಚಾರಿಕ ಒಪ್ಪಂದವನ್ನು ತೋರಿಸದಿದ್ದರೂ, ಎಪ್ಸ್ಟೀನ್ 2019 ಏಪ್ರಿಲ್ 20 ರಂದು ನನಗಾಗಿ ಹಣ ಇಲ್ಲ. ನನ್ನ ಬಳಿ ಸಾಕಷ್ಟು ಹಣವಿದೆ ಎಂದು ಬರೆದಿದ್ದಾರೆ. ಸರಿಸುಮಾರು ಎರಡು ವಾರಗಳ ನಂತರ, ಅನಿಲ್ ಎಂಬ ವ್ಯಕ್ತಿ ಎಪ್ಸ್ಟೀನ್ ಅವರಿಗೆ ಇಮೇಲ್ ಬರೆದಿದ್ದಾರೆ. ಅದರಲ್ಲಿ ಆeಚಿಡಿ ಎeಜಿಜಿಡಿeಥಿ, ವಹಿವಾಟು ಮುಗಿದಿದೆ. ಹಲೋ ಹೇಳಲು ಮತ್ತು ಕಾಫಿ ಕುಡಿಯಲು ಬರುತ್ತೇನೆ" ಎಂದು ಬರೆದಿತ್ತು.

ಮೇ ತಿಂಗಳ ಆರಂಭದಲ್ಲಿ ನಡೆದ ಮಾತುಕತೆಯ ಸಂದರ್ಭದಲ್ಲಿ, ಭಾರತದ ಸಾರ್ವತ್ರಿಕ ಚುನಾವಣಾ ಫಲಿತಾಂಶಗಳು ಪ್ರಕಟವಾಗುವ ಮೇ 23 ರಂದು ನ್ಯೂಯಾರ್ಕ್‌ನಲ್ಲಿ ನಿಗದಿಯಾಗಿದ್ದ ಸಭೆಗಾಗಿ "ಅಗತ್ಯವಿರುವಷ್ಟು ಸಮಯವನ್ನು ಮೀಸಲಿಡುವುದಾಗಿ" ಎಪ್ಸ್ಟೀನ್ ಪ್ರಸ್ತಾಪಿಸಿದರು. ಅವರು ತಮ್ಮ ಬದ್ಧತೆಯನ್ನು "ಮತ್ತೊಮ್ಮೆ, ಸ್ನೇಹಿತನಾಗಿ ಮಾತ್ರ" ಮಾಡಿದ ಸೂಚನೆಯಾಗಿ ಸ್ಪಷ್ಟವಾಗಿ ವ್ಯಕ್ತಪಡಿಸಿದರು.

ಒಂದಕ್ಕಿಂತ ಹೆಚ್ಚು ಇಮೇಲ್‌ಗಳ ಪ್ರಕಾರ, ಮೋದಿಯವರ ಭರ್ಜರಿ ಚುನಾವಣಾ ಗೆಲುವು ಘೋಷಿಸುವ ಮೊದಲು, ಅಂಬಾನಿ ಸಂಜೆ 4:30ಕ್ಕೆ ತಮ್ಮ ಮ್ಯಾನ್‌ಹ್ಯಾಟನ್ ಭವನದಲ್ಲಿ ಎಪ್ಸ್ಟೀನ್ ಅವರನ್ನು ಭೇಟಿ ಮಾಡಿದರು.

ಮರುದಿನ, ಎಪ್ಸ್ಟೀನ್ ಬ್ಯಾನನ್‌ಗೆ ಮೋದಿಯನ್ನು ಭೇಟಿಯಾಗುವಂತೆ ಸೂಚಿಸಿ ಸಭೆಯನ್ನು ಏರ್ಪಡಿಸಲು ಮುಂದಾದರು. ಭಾರತದ ಪ್ರಧಾನಿಯ ಪ್ರಮುಖ ಸವಾಲು ಚೀನಾ ಎಂದು ಮೋದಿ ಅವರ "ವ್ಯಕ್ತಿ" ಬ್ಯಾನನ್‌ಗೆ ಹೇಳಿದ್ದರು, ಇಬ್ಬರೂ ಸಾಮಾನ್ಯ ಆಸಕ್ತಿಯನ್ನು ಹೊಂದಿದ್ದಾರೆಂದು ಅವರು ಗಮನಿಸಿದರು.

ಜುಲೈ 3, 2019 ರಂದು, ಎಪ್ಸ್ಟೀನ್ ಅಂಬಾನಿಯೊಂದಿಗೆ "ವಿಶ್ರಾಂತಿ ಸಮಯ" ತೆಗೆದುಕೊಳ್ಳುತ್ತಿದ್ದೀರಾ ಎಂದು ಕೇಳಲು ಭೇಟಿಯಾದರು. ಅಂಬಾನಿ ಕೆಲಸ ಮಾಡುತ್ತಿದ್ದೇನೆ ಎಂದು ಉತ್ತರಿಸಿದಾಗ, ಎಪ್ಸ್ಟೀನ್ ನಗುವ ಎಮೋಜಿಯೊಂದನ್ನು ಕಳುಹಿಸಿದರು. 

ಮೂರು ದಿನಗಳ ನಂತರ, ಅಪ್ರಾಪ್ತ ವಯಸ್ಕರ ಲೈಂಗಿಕ ಕಳ್ಳಸಾಗಣೆ ಆರೋಪದ ಮೇಲೆ ಎಪ್ಸ್ಟೀನ್ ಅವರನ್ನು ಬಂಧಿಸಲಾಯಿತು.