ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಪುತ್ರ ಗುರುವಾಯೂರ್ ದೇವಸ್ಥಾನಕ್ಕೆ ಭೇಟಿ: ದೃಶ್ಯಗಳನ್ನು ರೆಕಾರ್ಡ್ ಮಾಡಲು ಯತ್ನಿಸಿದ ಪತ್ರಕರ್ತನಿಗೆ ಥಳಿತ

ತ್ರಿಶೂರ್: ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಪುತ್ರ ವಿವೇಕ್ ಕಿರಣ್ ಗುರುವಾಯೂರ್ ದೇವಸ್ಥಾನಕ್ಕೆ ಭೇಟಿ ನೀಡಿದ ದೃಶ್ಯಗಳನ್ನು ರೆಕಾರ್ಡ್ ಮಾಡಿದ್ದಕ್ಕಾಗಿ ಸ್ಥಳೀಯ ಪತ್ರಕರ್ತರೊಬ್ಬರನ್ನು ಥಳಿಸಲಾಗಿದೆ. 

ಸ್ಥಳೀಯ ಪತ್ರಕರ್ತ ರಾಜು ಗುರುವಾಯೂರ್ ಅವರನ್ನು ಥಳಿಸಲಾಯಿತು. ನಿನ್ನೆ ಸಂಜೆ 6:30 ರ ಸುಮಾರಿಗೆ ವಿವೇಕ್ ಕಿರಣ್ ಮತ್ತು ಅವರ ಕುಟುಂಬ ದೇವಸ್ಥಾನಕ್ಕೆ ಭೇಟಿ ನೀಡಿ ಹಿಂತಿರುಗುತ್ತಿದ್ದಾಗ ಈ ಘಟನೆ ನಡೆದಿದೆ.

ದೃಶ್ಯಗಳನ್ನು ರೆಕಾರ್ಡ್ ಮಾಡಿದ ತಕ್ಷಣ ಅಲ್ಲಿದ್ದ ಜನರು ಅವರನ್ನು ತಡೆದರು ಮತ್ತು ನಂತರ ದೇವಸ್ವಂ ಭದ್ರತಾ ಸಿಬ್ಬಂದಿ ಆಗಮಿಸಿ ರಾಜು ಅವರ ಕುತ್ತಿಗೆ ಹಿಡಿದು ಥಳಿಸಿದ್ದಾರೆ ಎಂದು ಆರೋಪಿಸಲಾಗಿದೆ. ಪತ್ರಕರ್ತನನ್ನು ಬಲವಂತವಾಗಿ ಹೊರಗೆಳೆದು ಅವರ ಮೊಬೈಲ್ ಪೋನ್ ನಿಂದ ದೃಶ್ಯಗಳನ್ನು ಅಳಿಸುವಂತೆ ಒತ್ತಾಯಿಸಲಾಗಿದೆ.