300 ಪೋಲೀಸ್ ಸಿಬ್ಬಂದಿಗಳ ನಿಯೋಜನೆ; ಇಡಿ ಅಧಿಕಾರಿಗಳ ಮೇಲಿನ ದಾಳಿಯಲ್ಲಿ ಇಲ್ಲಿಯವರೆಗೆ ಬಂಧನಗಳ ಸಂಖ್ಯೆ ಎಂಟು: ಡಿಜಿಪಿ

ತಿರುವನಂತಪುರಂ: ವಿರೋಧ ಪಕ್ಷದ ನಾಯಕ ಪಿಣರಾಯಿ ವಿಜಯನ್ ಅವರ ನಿವಾಸದ ಮೇಲೆ ಇಡಿ ದಾಳಿಯ ಸಮಯದಲ್ಲಿ ನಡೆದ ಹಿಂಸಾಚಾರದಲ್ಲಿ ಪೋಲೀಸರಿಂದ ಯಾವುದೇ ಭದ್ರತಾ ಲೋಪವಾಗಿಲ್ಲ ಎಂದು ಡಿಜಿಪಿ ರಾವಡ ಚಂದ್ರಶೇಖರ್ ಹೇಳಿದ್ದಾರೆ. ಗೃಹ ಸಚಿವ ರಮೇಶ್ ಚೆನ್ನಿತ್ತಲ ಅವರೊಂದಿಗಿನ ಸಭೆಯ ನಂತರ ಅವರು ಮಾಧ್ಯಮಗಳೊಂದಿಗೆ ಮಾತನಾಡುತ್ತಿದ್ದರು. ದಾಳಿಯ ಬಗ್ಗೆ ಕೇಂದ್ರ ಸಂಸ್ಥೆಗಳಿಗೆ ಮುಂಚಿತವಾಗಿ ಮಾಹಿತಿ ನೀಡಲಾಗಿಲ್ಲ ಮತ್ತು ಮಾಹಿತಿ ಬಂದ ತಕ್ಷಣ ಅಗತ್ಯ ಭದ್ರತಾ ವ್ಯವಸ್ಥೆಗಳನ್ನು ಮಾಡಲಾಗಿದೆ ಎಂದು ಡಿಜಿಪಿ ಸ್ಪಷ್ಟಪಡಿಸಿದರು. 

ದಾಳಿ ನಡೆದ ಸ್ಥಳಗಳು ಮತ್ತು ಪ್ರತಿಭಟನೆಗಳು ನಡೆಯುತ್ತಿದ್ದ ಪ್ರದೇಶಗಳಲ್ಲಿ 300 ಕ್ಕೂ ಹೆಚ್ಚು ಪೆÇಲೀಸ್ ಸಿಬ್ಬಂದಿಯನ್ನು ನಿಯೋಜಿಸಲಾಗಿತ್ತು. ಹಿಂಸಾಚಾರ ನಡೆದ ನಿಖರವಾದ ಸ್ಥಳದಲ್ಲಿ ಸುಮಾರು 50 ಪೆÇಲೀಸ್ ಸಿಬ್ಬಂದಿ ಇದ್ದರು. ಇಡಿ ದಾಳಿಯ ಬಗ್ಗೆ ಪೆÇಲೀಸರಿಗೆ ಅಧಿಕೃತ ಅಧಿಸೂಚನೆ ಬಂದಿರಲಿಲ್ಲ. ದಾಳಿ ಪ್ರಾರಂಭವಾದ ನಂತರ ಈ ಮಾಹಿತಿ ಬೆಳಕಿಗೆ ಬಂದಿದೆ. ಘಟನೆಗೆ ಸಂಬಂಧಿಸಿದಂತೆ ಈಗಾಗಲೇ ಎಂಟು ಜನರನ್ನು ಬಂಧಿಸಲಾಗಿದೆ. ದೃಶ್ಯಗಳನ್ನು ಪರಿಶೀಲಿಸಿದ ನಂತರ ಶೀಘ್ರದಲ್ಲೇ ಹೆಚ್ಚಿನ ಆರೋಪಿಗಳನ್ನು ಬಂಧಿಸಲಾಗುವುದು. ಪೆÇಲೀಸರ ಕಡೆಯಿಂದ ಯಾವುದೇ ಲೋಪವಾಗಿದೆಯೇ ಎಂದು ತಿಳಿಯಲು ಪ್ರತ್ಯೇಕ ತನಿಖೆ ನಡೆಸಲಾಗುವುದು ಎಂದು ಅವರು ಹೇಳಿದರು.

ಎಂಟು ಗಂಟೆಗಳ ದಾಳಿಯ ನಂತರ ಅಧಿಕಾರಿಗಳು ಹೊರಬಂದಾಗ, ಪೋಲೀಸರು ಎರಡೂ ಕಡೆಗೂ ತೆರಳಿದ್ದಾರೆ ಮತ್ತು ದಾಳಿಕೋರರನ್ನು ತಡೆಯಲು ಪ್ರಯತ್ನಿಸಲಿಲ್ಲ ಎಂಬುದು ದೃಶ್ಯಗಳಿಂದ ಸ್ಪಷ್ಟವಾಯಿತು. ನಿನ್ನೆ, ಎಡಿಜಿಪಿ ಭದ್ರತಾ ಲೋಪವಾಗಿದೆ ಎಂದು ಒಪ್ಪಿಕೊಂಡರು, ಆದರೆ ಇಂದು ಡಿಜಿಪಿ ಯಾವುದೇ ಭದ್ರತಾ ಲೋಪವಿಲ್ಲ ಎಂದು ಸ್ಪಷ್ಟಪಡಿಸಿದರು.

ಏತನ್ಮಧ್ಯೆ, ಘಟನೆಯಲ್ಲಿ ಇಲ್ಲಿಯವರೆಗೆ ಬಂಧಿಸಲಾದ ಜನರ ಸಂಖ್ಯೆ ಎಂಟು ತಲುಪಿದೆ. ಇಂದು ಪೆÇಲೀಸರು ಮೂವರನ್ನು ಬಂಧಿಸಿದ್ದಾರೆ. ಶ್ರೀಜಿತ್, ಶಾಹಿನ್, ಮನೋಜ್, ನಿತಿನ್ ರಾಜ್, ಜೀವನ್, ಕಿರಣ್, ಅನಿಲ್ ಕುಮಾರ್ ಮತ್ತು ಅಮಲ್ ಅವರನ್ನು ಬಂಧಿಸಲಾಗಿದೆ. ಕಿರಣ್ ಮತ್ತು ಅನಿಲ್ ಕುಮಾರ್ ಅವರನ್ನು ಬೆಳಿಗ್ಗೆ ಅವರ ಮನೆಗಳಿಗೆ ಪ್ರವೇಶಿಸಿದ ನಂತರ ಪೆÇಲೀಸರು ವಶಕ್ಕೆ ಪಡೆದರು.

ಇತರರನ್ನು ಹುಡುಕಲು ಪೋಲೀಸರು ತನಿಖೆಯನ್ನು ತೀವ್ರಗೊಳಿಸಿದ್ದಾರೆ. ಮೂವರು ಕೌನ್ಸಿಲರ್‍ಗಳ ಮನೆಗಳಲ್ಲಿ ಶೋಧ ನಡೆಸಲಾಗುತ್ತಿದೆ. ಪೆÇಲೀಸರು ಐಪಿ ಬಿನು ಮತ್ತು ಅಟ್ಟುಕಲ್ ಉನ್ನಿಯನ್ನು ಸಹ ಹುಡುಕುತ್ತಿದ್ದಾರೆ. ಇಡಿ ಅಧಿಕಾರಿಗಳು ಪ್ರಯಾಣಿಸುತ್ತಿದ್ದ ವಾಹನದ ಮೇಲೆ ಐಪಿ ಬಿನು ಮೊಟ್ಟೆ ಎಸೆಯುತ್ತಿರುವ ದೃಶ್ಯಗಳು ಹೊರಬಂದಿವೆ.