ವಿ.ಡಿ. ಸತೀಶನ್ ಅವರ ಮಂಗಳೂರು ಪ್ರವಾಸದ ನಿಗೂಢತೆಯನ್ನು ಬಯಲುಗೊಳಿಸದೆ ಅವರನ್ನು ಪರಿಗಣಿಸಬಾರದು: ಐಎನ್‍ಎಲ್

ಕೊಚ್ಚಿ: ವಿಧಾನಸಭಾ ಚುನಾವಣಾ ಫಲಿತಾಂಶಗಳು ಪ್ರಕಟವಾಗುವ ಮುನ್ನ ವಿ.ಡಿ. ಸತೀಶನ್ ಅವರ ಮಂಗಳೂರು ಪ್ರವಾಸದ ನಿಗೂಢತೆಯನ್ನು ಬಹಿರಂಗಪಡಿಸದೆ ಅವರಿಗೆ ಅಧಿಕೃತ ಜವಾಬ್ದಾರಿಗಳನ್ನು ನೀಡಬಾರದು ಎಂದು ಇಂಡಿಯನ್ ನ್ಯಾಷನಲ್ ಲೀಗ್ ಒತ್ತಾಯಿಸಿದೆ. ಕೊಚ್ಚಿಯಿಂದ ಚಾರ್ಟರ್ಡ್ ವಿಮಾನದಲ್ಲಿ ಅತ್ಯಂತ ರಹಸ್ಯವಾಗಿ ನಡೆಸಲಾದ ಈ ಪ್ರವಾಸದ ಸಮಯದಲ್ಲಿ, ಸತೀಶನ್ ಅವರು ಅದಾನಿ ಗ್ರೂಪ್ ಅಧ್ಯಕ್ಷ ಕಿಶೋರ್ ಆಳ್ವ ಅವರನ್ನು ಎನ್‍ಡಿಎ ನಾಯಕ ಬಿ. ಫಾರೂಕ್ ಅವರ ನಿವಾಸದಲ್ಲಿ ಭೇಟಿ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ. 

ಕೇರಳದಲ್ಲಿ ಪಕ್ಷದ ನಾಯಕತ್ವಕ್ಕೂ ತಿಳಿಸದೆ ಮಾಡಲಾದ ಈ ಭೇಟಿಯ ಬಗ್ಗೆ ಕರ್ನಾಟಕ ಘಟಕವು ರಾಷ್ಟ್ರೀಯ ನಾಯಕತ್ವಕ್ಕೆ ದೂರು ನೀಡಿದ ನಂತರ ಈ ಮಾಹಿತಿ ಬೆಳಕಿಗೆ ಬಂದಿದೆ.

ಚುನಾವಣಾ ಫಲಿತಾಂಶಗಳು ಪ್ರಕಟವಾಗಲಿರುವಾಗ ಶಾಸಕರ ಮೇಲೆ ಪ್ರಭಾವ ಬೀರಲು ನಿಧಿ ಸಂಗ್ರಹಿಸಲು ಈ ಚರ್ಚೆ ನಡೆಸಲಾಗಿದೆಯೇ ಎಂದು ಸತೀಸನ್ ಸ್ಪಷ್ಟಪಡಿಸಬೇಕೆಂದು ಐಎನ್‍ಎಲ್ ಒತ್ತಾಯಿಸಿದೆ.

ಶಬರಿಮಲೆ ಚಿನ್ನ ದರೋಡೆ ಪ್ರಕರಣದ ಆರೋಪಿಗಳಲ್ಲಿ ಒಬ್ಬರಾದ ರೆಜಿ ಕುಮಾರ್ ಅವರು ಪ್ರಯಾಣದಲ್ಲಿ ಸತೀಶನ್ ಅವರೊಂದಿಗೆ ಇದ್ದರು ಎಂಬ ಸುದ್ದಿ ಗಂಭೀರವಾಗಿದೆ. ರಾಹುಲ್ ಗಾಂಧಿಯವರು ಅದಾನಿಯವರ ರಾಜಕೀಯ ಹಸ್ತಕ್ಷೇಪದ ವಿರುದ್ಧ ಪ್ರಬಲ ನಿಲುವು ತೆಗೆದುಕೊಳ್ಳುತ್ತಿದ್ದರೆ, ಅದೇ ಅದಾನಿ ಗುಂಪಿನ ಪ್ರತಿನಿಧಿಗಳೊಂದಿಗೆ ಸತೀಶನ್ ಅವರ ಅಕ್ರಮ ಸಂಬಂಧವು ಕಾಂಗ್ರೆಸ್ಸಿನ ದ್ವಂದ್ವ ನೀತಿಯನ್ನು ಬಹಿರಂಗಪಡಿಸುತ್ತದೆ.

ಬಿಜೆಪಿ ಆಡಳಿತವಿರುವ ರಾಜ್ಯಗಳಲ್ಲಿ ನೈಸರ್ಗಿಕ ಸಂಪನ್ಮೂಲಗಳನ್ನು ವಶಪಡಿಸಿಕೊಳ್ಳಲು ಕಾಪೆರ್Çರೇಟ್‍ಗಳ ಮೇಲೆ ಅನಗತ್ಯ ಒತ್ತಡವಿದೆ ಎಂಬ ಸುದ್ದಿಯ ಮಧ್ಯೆ ಸತೀಶನ್ ಅವರ ಈ ನಡೆ ಬಂದಿರುವುದು ಕಳವಳಕಾರಿಯಾಗಿದೆ. ಈ ಪ್ರಯಾಣದ ಬಗ್ಗೆ ವರದಿಗಳು ಬಂದ ಒಂದು ವಾರದ ನಂತರವೂ ಕೇರಳದ ಬಲಪಂಥೀಯ ಮಾಧ್ಯಮಗಳು ಮೌನವಾಗಿವೆ ಎಂದು ಐಎನ್‍ಎಲ್ ಆರೋಪಿಸಿದೆ, ಇದು ಸತೀಶನ್ ಅವರ ರಾಜಕೀಯ ಹಿತಾಸಕ್ತಿಗಳನ್ನು ರಕ್ಷಿಸುವ ಉದ್ದೇಶವಾಗಿದೆ ಎಂದು ಹೇಳಿದೆ.

ಉತ್ತರ ಭಾರತದ ರಾಜ್ಯಗಳಂತೆ ಕೇರಳವನ್ನು ಕಾಪೆರ್Çರೇಟ್ ದೈತ್ಯರಿಗೆ ಹಸ್ತಾಂತರಿಸುವ ಕಾಂಗ್ರೆಸ್ ನಾಯಕನ ರಹಸ್ಯ ಕ್ರಮಗಳನ್ನು ನಾವು ಸಾಮೂಹಿಕವಾಗಿ ವಿರೋಧಿಸಬೇಕು ಮತ್ತು ಅವರ ರಾಜಕೀಯ ಜೀವನದುದ್ದಕ್ಕೂ ಕಳಂಕಿತ ಸಂಬಂಧಗಳ ಆರೋಪ ಹೊತ್ತಿರುವ ಸತೀಶನ್ ಅವರು ಮುಖ್ಯಮಂತ್ರಿಯಾಗಲು ಯೋಗ್ಯರಲ್ಲ ಎಂದು ಐಎನ್‍ಎಲ್ ರಾಜ್ಯ ಪ್ರಧಾನ ಕಾರ್ಯದರ್ಶಿ ಕಾಸಿಮ್ ಇರಿಕೂರ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.