ಎಸ್.ಎಫ್.ಐ.ಯ ಕಸರತ್ತು ಆರಂಭಗೊಂಡಿದೆ: ಆಡಳಿತ ಬದಲಾದಾಗ ಸಮರ್ಥತೆಯ ಸಾಬೀತಿಗೆ ದಾವಂತ: ಲಾಠಿ ಚಾರ್ಜ್ ಮಾಡದಂತೆ ಪೋಲೀಸರಿಗೆ ಸೂಚನೆ ನೀಡಲಾಗಿದೆ: ಗೃಹ ಸಚಿವ ರಮೇಶ್ ಚೆನ್ನಿತ್ತಲ ಅಣಕ

ತಿರುವನಂತಪುರಂ: ಎಡಿಜಿಪಿ ಎಂಆರ್ ಅಜಿತ್ ಕುಮಾರ್ ವಿರುದ್ಧದ ಆರೋಪಗಳ ಕುರಿತು ತನಿಖಾ ವರದಿಯನ್ನು ಸ್ವೀಕರಿಸಿದ ನಂತರ ಕ್ರಮ ಕೈಗೊಳ್ಳಲಾಗುವುದು ಎಂದು ಗೃಹ ಸಚಿವ ರಮೇಶ್ ಚೆನ್ನಿತ್ತಲ ಹೇಳಿದ್ದಾರೆ.

ನ್ಯಾಯಾಲಯದ ಆದೇಶದಂತೆ ಎಸ್.ಐ.ಟಿ ರಚಿಸಲಾಗಿದೆ. ಘಟನೆ ನಡೆದು ಎರಡು ವರ್ಷಗಳ ಬಳಿಕ,ಹೊಸ ಯುಡಿಎಫ್ ಸರ್ಕಾರ ಅಧಿಕಾರಕ್ಕೆ ಬಂದ ನಂತರ ಎಸ್.ಐ.ಟಿ ರಚಿಸಲಾಗಿದೆ. 

ವರದಿಯನ್ನು ಮೊನ್ನೆ ಡಿಜಿಪಿಗೆ ಹಸ್ತಾಂತರಿಸಲಾಯಿತು ಮತ್ತು ವರದಿಯನ್ನು ಪರಿಶೀಲಿಸಿದ ನಂತರ, ಐದು ಜನರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗಿದೆ. ಇದು ಕೇವಲ ಸಾಮಾನ್ಯ ಕ್ರಮ, ಕ್ರಮದ ಹಿಂದೆ ಯಾವುದೇ ರಾಜಕೀಯವಿಲ್ಲ. ಕಾನೂನು ತನ್ನ ಹಾದಿಯಲ್ಲಿ ಸಾಗುತ್ತದೆ ಎಂದು ಅವರು ಹೇಳಿದರು.

ತಿರುವನಂತಪುರಂನಲ್ಲಿ ಎಸ್.ಎಫ್.ಐ-ಪೋಲೀಸ್ ಘರ್ಷಣೆಯನ್ನು ಸಹ ಅವರು ಅಣಕಿಸಿದರು. ಎಸ್‍ಎಫ್‍ಐ ಕಸರತ್ತು ನಡೆಸುತ್ತಿದೆ. ಆಡಳಿತ ಬದಲಾದಾಗ ಅವರು ಸಮರ್ಥರು ಎಂದು ಸಾಬೀತುಪಡಿಸುತ್ತಿದ್ದಾರೆ. ಲಾಠಿ ಚಾರ್ಜ್ ಮಾಡದಂತೆ ಪೋಲೀಸರಿಗೆ ಸೂಚನೆ ನೀಡಲಾಗಿದೆ ಎಂದು ಸಚಿವರು ಹೇಳಿದರು.

ನಾವು ಅಧಿಕಾರ ವಹಿಸಿಕೊಂಡು ಕೆಲವೇ ದಿನಗಳು ಕಳೆದಿವೆ. ಎಸ್‍ಎಫ್‍ಐ ಮತ್ತು ಸಿಪಿಐ(ಎಂ) ತಾಳ್ಮೆಯಿಂದಿರಬೇಕು. ಹತ್ತು ವರ್ಷಗಳ ಕಾಲ ಅಧಿಕಾರದಲ್ಲಿದ್ದ ಸರ್ಕಾರ ನಿಮ್ಮದು.  ಜನರು ಇದನ್ನೆಲ್ಲ ನೋಡುತ್ತಿದ್ದಾರೆ. ಪೋಲೀಸರಿಗೆ ಸಂಯಮದಿಂದ ವರ್ತಿಸಲು ಸೂಚನೆ ನೀಡಲಾಗಿದೆ. ಏನೂ ಸಾಧಿಸಲಾಗಿಲ್ಲ ಮತ್ತು ಇನ್ನೂ ಸಮಯವಿದೆ ಎಂದು ಗೃಹ ಸಚಿವ ರಮೇಶ್ ಚೆನ್ನಿತ್ತಲ ಹೇಳಿದರು.