ತನಗೆ ವಿದ್ಯುತ್ ಇಲಾಖೆ ಬೇಡ- ಪ್ರಮಾಣ ವಚನ ಸ್ವೀಕರಿಸುವುದಿಲ್ಲವೆಂದು ಹಠ ಹಿಡಿದ ಕೆ. ಮುರಳೀಧರನ್

ತಿರುವನಂತಪುರಂ: ಹೊಸ ಯುಡಿಎಫ್ ಸಂಪುಟದಲ್ಲಿ ತಮಗೆ ನೀಡಲಾದ ಇಲಾಖೆಯ ಬಗ್ಗೆ ಹಿರಿಯ ಕಾಂಗ್ರೆಸ್ ನಾಯಕ ಕೆ. ಮುರಳೀಧರನ್ ವ್ಯಂಗ್ಯವಾಡಿದರು. ತಮಗೆ ವಿದ್ಯುತ್ ಇಲಾಖೆ ಬೇಡ ಮತ್ತು ಆ ಇಲಾಖೆ ನೀಡಿದರೆ ಪ್ರಮಾಣ ವಚನ ಸ್ವೀಕರಿಸುವುದಿಲ್ಲ ಎಂಬುದು ಮುರಳೀಧರನ್ ಅವರ ನಿಲುವು. ಮುರಳೀಧರನ್ ಮನವೊಲಿಸಲು ಕಾಂಗ್ರೆಸ್ ನಾಯಕತ್ವವು ಕಾರ್ಯಪ್ರವೃತ್ತವಾಗಿದೆ.

ಆರೋಗ್ಯ ಮತ್ತು ದೇವಸ್ವಂ ಇಲಾಖೆಗಳನ್ನು ಕೆ. ಮುರಳೀಧರನ್ ಅವರಿಗೆ ನೀಡುವ ರೀತಿಯಲ್ಲಿ ಚರ್ಚೆಗಳು ನಡೆಯುತ್ತಿದ್ದವು. ಕೊನೆಯ ಬಾರಿ ಇಲಾಖೆಯನ್ನು ವಿದ್ಯುತ್ ಇಲಾಖೆಯಾಗಿ ಬದಲಾಯಿಸಿದಾಗ ಕೆ. ಮುರಳೀಧರನ್ ಅದು ಬೇಡವೆಮದಿರುವರು. ಮುಖ್ಯಮಂತ್ರಿಯಾಗಿ ನೇಮಕಗೊಂಡಿರುವ ವಿ.ಡಿ. ಸತೀಶನ್ ಹಣಕಾಸಿನ ಜೊತೆಗೆ ಬಂದರು ಖಾತೆಯನ್ನೂ ನಿರ್ವಹಿಸಲಿದ್ದಾರೆ.

ಗೃಹ ಮತ್ತು ಜಾಗೃತ ಇಲಾಖೆಗಳನ್ನು ರಮೇಶ್ ಚೆನ್ನಿತ್ತಲ ಅವರಿಗೆ ನೀಡಲಾಗುವುದು. ಕಂದಾಯ ಇಲಾಖೆಯನ್ನು ಸನ್ನಿ ಜೋಸೆಫ್ ಮತ್ತು ಸಾರಿಗೆ ಇಲಾಖೆಯನ್ನು ಸಿಪಿ ಜಾನ್ ಅವರಿಗೆ ನೀಡಲಾಗುವುದು ಎಂದು ವರದಿಯಾಗಿದೆ. ಇಲಾಖೆಯನ್ನು ಕೆ ಮುರಳೀಧರನ್ ಗೆ ಬದಲಾಯಿಸಲಾಗುತ್ತದೆಯೇ ಎಂಬುದು ಇಂದು ಕುತೂಹಲ ಕೆರಳಿಸಿದೆ.

ಮುಖ್ಯಮಂತ್ರಿ ಸೇರಿದಂತೆ 21 ಸಚಿವರ ಹೆಸರುಗಳನ್ನು ನಿನ್ನೆ ಘೋಷಿಸಲಾಯಿತು. ಸಚಿವರಾದ ವಿ.ಡಿ. ಸತೀಶನ್, ರಮೇಶ್ ಚೆನ್ನಿತ್ತಲ, ಸನ್ನಿ ಜೋಸೆಫ್, ಕೆ. ಮುರಳೀಧರನ್, ಬಿಂದು ಕೃಷ್ಣ, ಎಪಿ ಅನಿಲ್ ಕುಮಾರ್, ಪಿಸಿ ವಿಷ್ಣುನಾಥ್, ಎಂ. ಲಿಜು, ರೋಜಿ ಎಂ ಜಾನ್, ಟಿ. ಸಿದ್ದಿಕ್, ಒ.ಜೆ. ಜನೀಶ್, ಕೆ.ಎ. ತುಳಸಿ, ಪಿ.ಕೆ. ಕುನ್ಹಾಲಿಕುಟ್ಟಿ, ಎನ್. ಶಂಸುದ್ದೀನ್, ಪಿ.ಕೆ. ಬಶೀರ್, ಕೆ.ಎಂ. ಶಾಜಿ, ಅಬ್ದುಲ್ ಗಫೂರ್, ಶಿಬು ಬೇಬಿ ಜಾನ್, ಸಿಪಿ ಜಾನ್, ಅನೂಪ್ ಜಾಕೋಬ್ ಮತ್ತು ಮಾನ್ಸ್ ಜೋಸೆಫ್.

ಅನೂಪ್ ಜಾಕೋಬ್ ಮತ್ತು ಮಣಿ ಸಿ. ಕಪ್ಪನ್ ಪರ್ಯಾಯ ವ್ಯವಸ್ಥೆಯಡಿ ಸಚಿವರಾಗಿರುತ್ತಾರೆ. ಅನೂಪ್ ಮೊದಲು ಸಚಿವರಾಗುವರು. ಮಣಿ ಸಿ. ಕಪ್ಪನ್ ಮುಂದಿನ ಎರಡೂವರೆ ವರ್ಷಗಳ ಬಳಿಕ ಸಚಿವರಾಗುವರು. ತಿರುವಾಂಜೂರು ರಾಧಾಕೃಷ್ಣನ್ ಯುಡಿಎಫ್‍ನ ಸ್ಪೀಕರ್ ಅಭ್ಯರ್ಥಿಯಾಗಲಿದ್ದಾರೆ. ಶಾನಿಮೋಲ್ ಉಸ್ಮಾನ್ ಉಪ ಸ್ಪೀಕರ್ ಅಭ್ಯರ್ಥಿಯಾಗಲಿದ್ದಾರೆ. ಅಪು ಜಾನ್ ಜೋಸೆಫ್ ಮುಖ್ಯ ಸಚೇತಕರಾಗಿರುತ್ತಾರೆ.