ಜಿಲ್ಲಾ ಪಂಚಾಯಿತಿಯ ನಿರ್ಲಕ್ಷ್ಯದ ವಿರುದ್ಧ ಕುಂಬ್ಡಾಜೆಯಲ್ಲಿ ಪ್ರತಿಭಟನೆ

ಬದಿಯಡ್ಕ: ಶಿಕ್ಷಣ ಮತ್ತು ಆರೋಗ್ಯದ ದೃಷ್ಟಿಯಿಂದ ಬಹಳ ಹಿಂದುಳಿದಿರುವ ಕುಂಬ್ಡಾಜೆಯ ಗುಡ್ಡಗಾಡು ಪ್ರದೇಶವನ್ನು ಇತರ ಪಂಚಾಯಿತಿಗಳೊಂದಿಗೆ ಸಂಪರ್ಕಿಸುವ ಮತ್ತು ದಿನನಿತ್ಯ ಸಾವಿರಾರು ಜನರು ಪ್ರಯಾಣಿಸುವ ಕುಂಬ್ಡಾಜೆ ಪಂಚಾಯಿತಿಯ ಬಹುತೇಕ ವಾರ್ಡ್‍ಗಳ ಮೂಲಕ ಹಾದುಹೋಗುವ ಕಾಸರಗೋಡು ಜಿಲ್ಲಾ ಪಂಚಾಯಿತಿ ರಸ್ತೆ, ಪೊಡಿಪಳ್ಳ-ಬೆಳಿಂಜ-ನಾಟೆಕಲ್ಲು ಮಾರ್ಗ ಬಿರುಕು ಬಿಟ್ಟಿದ್ದು, ಗುಂಡಿಗಳು ಮತ್ತು ಧೂಳಿನಿಂದ ತುಂಬಿ ವರ್ಷಗಳಿಂದಲೂ ಇದೆ. ಈ ಮಳೆಗಾಲಕ್ಕೂ ಮುನ್ನ ರಸ್ತೆ ದುರಸ್ತಿ ಮಾಡುವುದಾಗಿ ಜಿಲ್ಲಾ ಪಂಚಾಯಿತಿ ಅಧಿಕಾರಿಗಳು ಹೇಳಿದ್ದರು, ಆದರೆ ಕೆಲಸ ಇನ್ನೂ ಪ್ರಾರಂಭವಾಗಿಲ್ಲ. ಕುಡಿಯುವ ನೀರಿಗಾಗಿ ರಸ್ತೆಯ ಬದಿಗಳನ್ನು ಅಗೆದ ಕಾರಣ ಸ್ಥಳೀಯರು ಮತ್ತು ಪ್ರಯಾಣಿಕರು ಈಗ ಧೂಳಿ ಚಪ್ಪರ ಮೇಲೆ ವಾಸಿಸುತ್ತಿದ್ದಾರೆ. 

ಕಳೆದ ಆಡಳಿತ ಸಮಿತಿಯಲ್ಲಿ ಈ ರಸ್ತೆಯ ದುರಸ್ತಿ ಕಾರ್ಯಕ್ಕೆ ಜಿಲ್ಲಾ ಪಂಚಾಯಿತಿ 80 ಲಕ್ಷ ರೂ.ಗಳನ್ನು ನಿಗದಿಪಡಿಸಿತ್ತು, ಆದರೆ ಕೆಲಸ ಇನ್ನೂ ಪ್ರಾರಂಭವಾಗಿಲ್ಲ. ಹೊಸ ಬಜೆಟ್‍ನಲ್ಲಿ ಮತ್ತೆ 50 ಲಕ್ಷ ರೂ.ಗಳನ್ನು ನಿಗದಿಪಡಿಸಲಾಗಿದೆ ಎಂದು ಹೇಳಲಾಗಿದ್ದರೂ, ಕೆಲಸ ಯಾವಾಗ ಪ್ರಾರಂಭವಾಗುತ್ತದೆ ಎಂಬ ಪ್ರಶ್ನೆಗೆ ಉತ್ತರವಿಲ್ಲ. ಈ ರಸ್ತೆಯನ್ನು ಲೋಕೋಪಯೋಗಿ ಇಲಾಖೆಗೆ ಹಸ್ತಾಂತರಿಸಬೇಕೆಂದು ಸ್ಥಳೀಯರು ದಶಕಗಳಿಂದ ಒತ್ತಾಯಿಸುತ್ತಿದ್ದಾರೆ. ಜಿಲ್ಲಾ ಪಂಚಾಯತಿ ಆಡಳಿತವು ಗ್ರಾಮೀಣ ಪ್ರದೇಶವನ್ನು ರಸ್ತೆ ದುರಸ್ತಿ ಮಾಡದೆ ತಿರಸ್ಕಾರ ವ್ಯಕ್ತಪಡಿಸುತ್ತಿದೆ. ಕುಂಬ್ಡಾಜೆ ಎಂಡೋಸಲ್ಫಾನ್ ಪೀಡಿತ ಪ್ರದೇಶವಾಗಿರುವುದರಿಂದ, ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿರುವ ಕುಟುಂಬಗಳು ಇನ್ನೂ ಆಸ್ಪತ್ರೆಗಳಿಗೆ ದೂರದ ಪ್ರಯಾಣ ಮಾಡಬೇಕಾಗಿದೆ. ರಸ್ತೆಯ ದುಸ್ಥಿತಿಯಿಂದಾಗಿ, ಆಂಬ್ಯುಲೆನ್ಸ್‍ಗಳು ಕೂಡಾ ಸಮಯಕ್ಕೆ ಸರಿಯಾಗಿ ಲಭ್ಯವಾಗುತ್ತಿಲ್ಲ. ಒಂದು ಸಮುದಾಯದ ಆರೋಗ್ಯ ಮತ್ತು ಸುರಕ್ಷತೆಯು ರಸ್ತೆಯ ಗುಣಮಟ್ಟಕ್ಕೆ ಎಷ್ಟು ನಿಕಟ ಸಂಬಂಧ ಹೊಂದಿದೆ ಎಂಬುದಕ್ಕೆ ಇದು ಪುರಾವೆಯಾಗಿದೆ.

ಶಿಕ್ಷಣ ಕ್ಷೇತ್ರದ ಪರಿಸ್ಥಿತಿಯೂ ಶೋಚನೀಯವಾಗಿದೆ. ಈ ಪಂಚಾಯತಿಯಲ್ಲಿ ಮಲಯಾಳಂನಲ್ಲಿ ಪ್ರೌಢಶಾಲೆಯೂ ಇಲ್ಲದ ಕಾರಣ, ವಿದ್ಯಾರ್ಥಿಗಳು ಹತ್ತಿರದ ಪಂಚಾಯತಿಗಳಿಗೆ ಕಿಲೋಮೀಟರ್ ಪ್ರಯಾಣಿಸಬೇಕಾಗಿದೆ. ಕಳಪೆ ರಸ್ತೆ ಮತ್ತು ಸಾರಿಗೆ ಸೌಲಭ್ಯಗಳ ಕೊರತೆಯು ಅಧ್ಯಯನವನ್ನೇ ಹೋರಾಟವಾಗಿ ಪರಿವರ್ತಿಸುತ್ತಿದೆ. ವೇದಿಕೆಗಳಲ್ಲಿ "ಅಭಿವೃದ್ಧಿ" ಎಂಬ ಪದವನ್ನು ಕೇಳಿದರೂ, ಅದರ ಸ್ಪರ್ಶ ಗಡಿ ಹಳ್ಳಿಗಳನ್ನು ತಲುಪುವುದಿಲ್ಲ. ಬಜೆಟ್‍ನಲ್ಲಿ ಕೋಟಿಗಟ್ಟಲೆ ಹಣವನ್ನು ಘೋಷಿಸಿದರೂ, ಮೂಲಭೂತ ಅಗತ್ಯಗಳನ್ನು ಮರೆತುಬಿಡಲಾಗುತ್ತದೆ. ಕುಂಬ್ಡಾಜೆಯ ಸಮಸ್ಯೆ ಕೇವಲ ರಸ್ತೆಯ ಸಮಸ್ಯೆಯಲ್ಲ; ಇದು ಸಮಾನತೆ ಮತ್ತು ಆಡಳಿತ ನ್ಯಾಯದ ಸಮಸ್ಯೆ. ಗಡಿ ಪ್ರದೇಶದ ಜನರು ಎರಡನೇ ದರ್ಜೆಯ ನಾಗರಿಕರಲ್ಲ. ಸುರಕ್ಷಿತ ರಸ್ತೆಗಳು, ಗುಣಮಟ್ಟದ ಶಿಕ್ಷಣ ಮತ್ತು ಸಕಾಲಿಕ ಆರೋಗ್ಯ ಸೇವೆ ಕೂಡ ಅವರ ಹಕ್ಕುಗಳಾಗಿವೆ.

ಪ್ರತಿಭಟನೆ:

ಜಿಲ್ಲಾ ಪಂಚಾಯಿತಿ ನಿರ್ಲಕ್ಷ್ಯದ ವಿರುದ್ಧ ಮೊದಲ ಹಂತವಾಗಿ ಕುಂಬ್ಡಾಜೆ ಪಂಚಾಯತಿ ಮುಸ್ಲಿಂ ಲೀಗ್ ಆಯೋಜಿಸಿದ್ದ ರಸ್ತೆ ತಡೆಗೆ ಸ್ಥಳೀಯರಿಂದ ಭಾರೀ ಬೆಂಬಲ ವ್ಯಕ್ತವಾಯಿತು. ಕುಂಬ್ಡಾಜೆಯಲ್ಲಿ ಶನಿವಾರ ನಡೆದ ಸಾಂಕೇತಿಕ ಪ್ರತಿಭಟನೆಯನ್ನು ಕಾಸರಗೋಡು ಮಂಡಲ ಮುಸ್ಲಿಂ ಲೀಗ್ ಅಧ್ಯಕ್ಷ ಮಾಹಿನ್ ಕೇಳೋಟ್ ಉದ್ಘಾಟಿಸಿದರು. ಪಂಚಾಯತಿ ಮುಸ್ಲಿಂ ಲೀಗ್ ಅಧ್ಯಕ್ಷ ಅಲಿ ತುಪ್ಪಕ್ಕಲ್ ಅಧ್ಯಕ್ಷತೆ ವಹಿಸಿದ್ದರು. ಪ್ರಧಾನ ಕಾರ್ಯದರ್ಶಿ ಬಿ.ಟಿ. ಅಬ್ದುಲ್ಲ ಕುಂಞ್ಞು ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ಮಂಡಲ ಕಾರ್ಯದರ್ಶಿ ಎಸ್.ಮಹಮ್ಮದ್, ಪಂಚಾಯತಿ ಉಪಾಧ್ಯಕ್ಷ ರಶೀದ್ ಬೆಳಿಂಜ, ಮುಖಂಡರಾದ ಅಬು ಹ್ಯಾಪಿ, ಮೊಯ್ದೀನ್ ಕುಂಞÂ್ಞ ಊಜಂತೋಡಿ, ಲತೀಫ್ ಹಾಜಿ ಮಾರ್ಪನಡ್ಕ, ಮಜೀದ್ ಚಕ್ಕುಡಾಳ್, ಹಮೀದ್ ಪೊಸವಳಿಕೆ, ನೂರುದ್ದೀನ್ ಬೆಳಿಂಜ, ಶಾಫಿ ಮಾರ್ಪನಡ್ಕ, ಸಲಾಂ ಬೆಳಿಂಜ, ಅಲಾಬಿ ಅಬ್ದುಲ್ಲ,  ಮುಹಮ್ಮದ್ ಕುಂಞÂ್ಞ, ಸಿ.ಎ.ಹಮೀದ್, ಖಾದರ್ ಮುನಿಯೂರು, ಅಬ್ದುಲ್ಲ ಗೋಳಿಕಟ್ಟೆ, ಸಿದ್ದೀಕ್ ನೆಲ್ಲಿತ್ತಡ್ಕ, ಬಿ.ಪಿ. ಅಬ್ದುಲ್ಲ ಪಳ್ಳ, ಶಿಹಾಬ್ ಮತ್ತು ಇತರರು ಉಪಸ್ಥಿತರಿದ್ದರು. ನೂರಾರು ಕಾರ್ಯಕರ್ತರಿಂದ ನಡೆಸಲಾದ ದಿಗ್ಬಂಧನವನ್ನು ಪೋಲೀಸರು ಬಲವಂತವಾಗಿ ಸ್ಥಳಾಂತರಿಸಿದರು. ಎರಡನೇ ಹಂತದಲ್ಲಿ ಜಿಲ್ಲಾ ಪಂಚಾಯತಿ ಕಚೇರಿಗೆ ಸಾಮೂಹಿಕ ಮೆರವಣಿಗೆ ಮತ್ತು ಮೂರನೇ ಹಂತದಲ್ಲಿ ಜಿಲ್ಲಾ ಪಂಚಾಯತಿ ಕಚೇರಿಯ ಮುಂದೆ ಅನಿರ್ದಿಷ್ಟಾವಧಿ ಉಪವಾಸ ಸತ್ಯಾಗ್ರಹ ಸೇರಿದಂತೆ ಪ್ರಬಲ ಪ್ರತಿಭಟನಾ ಕಾರ್ಯಕ್ರಮಗಳೊಂದಿಗೆ ಮುಂದುವರಿಯುವುದಾಗಿ ಕುಂಬ್ಡಾಜೆ ಪಂಚಾಯತಿ ಮುಸ್ಲಿಂ ಲೀಗ್ ಸಮಿತಿ ತಿಳಿಸಿದೆ.