₹440 ಕೋಟಿ ಹೊಂದಿದ್ದ ಟಿಎಂಸಿಯ 3 ಬ್ಯಾಂಕ್‌ ಖಾತೆ ಸ್ಥಗಿತ

ಕೋಲ್ಕತ್ತ: ತೃಣಮೂಲ ಕಾಂಗ್ರೆಸ್‌ ಪಕ್ಷಕ್ಕೆ ಸೇರಿ ₹440 ಕೋಟಿ ಹೊಂದಿದ ಮೂರು ಬ್ಯಾಂಕ್‌ ಖಾತೆಗಳ ವ್ಯವಹಾರಗಳನ್ನು ಸ್ಥಗಿತಗೊಳಿಸಲಾಗಿದೆ. 

ಪಕ್ಷದ ದೇಣಿಗೆಯ ಮೂಲದ ಕುರಿತು ತನಿಖೆ ನಡೆಸುವಂತೆ ಕೋರಿ ಬಂಡಾಯ ಶಾಸಕರು ದೂರು ನೀಡಿದ ಬೆನ್ನಲ್ಲೇ, ‍ಪೊಲೀಸರು ಈ ನಿರ್ಧಾರ ಕೈಗೊಂಡಿದ್ದಾರೆ.

ಈ ಮೂಲಕ ವಿರೋಧ ಪಕ್ಷಗಳ ನಡುವಿನ ಆಂತರಿಕ ಜಗಳವು ಹಣಕಾಸು ವಿಚಾರಕ್ಕೂ ತಲುಪಿದೆ.

'ಖಾಸಗಿ ಬ್ಯಾಂಕ್‌ನಲ್ಲಿದ್ದ ಮೂರು ಖಾತೆಗಳನ್ನು ಸ್ಥಗಿತಗೊಳಿಸಲಾಗಿದ್ದು, ಹಣ ಹಿಂಪಡೆಯುವುದು ಹಾಗೂ ವರ್ಗಾವಣೆ ಮಾಡುವುದನ್ನು ಸ್ಥಗಿತಗೊಳಿಸಲಾಗಿದೆ' ಎಂದು ಹಿರಿಯ ಪೊಲೀಸ್‌ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಪಕ್ಷದ ಸಂಘಟನೆ ಹಾಗೂ ಹಣಕಾಸು ವಹಿವಾಟಿನ ವಿಚಾರದಲ್ಲಿ ಮಾಜಿ ಸಚಿವ, ಬಂಡಾಯ ಗುಂಪಿನ ನಾಯಕ ಅರೂಪ್‌ ಬಿಸ್ವಾಸ್‌ ಹಾಗೂ ವಿರೋಧ ಪಕ್ಷದ ನಾಯಕ ರಿತಾಬ್ರಾತ ಬ್ಯಾನರ್ಜಿ ಅವರ ನಡುವೆ ಉಂಟಾದ ಸಂಘರ್ಷದ ಬಳಿಕ ಈ ಬೆಳವಣಿಗೆ ನಡೆದಿದೆ.

ಮಮತಾ ಬ್ಯಾನರ್ಜಿ ಅವರ ಪರ ನಿಷ್ಠೆ ಹೊಂದಿದ್ದ 10 ಮಂದಿ ಶಾಸಕರು ಇಲ್ಲಿನ ಭಿದನ್‌ನಗರ ಪೊಲೀಸ್‌ ಆಯುಕ್ತರಿಗೆ ದೂರು ನೀಡಿ ಖಾತೆ ಸ್ಥಗಿತಗೊಳಿಸುವಂತೆ ಒತ್ತಾಯಿಸಿದ್ದರು. ಇದರ ಬೆನ್ನಲ್ಲೇ, ಪೊಲೀಸರು ಈ ನಿರ್ಧಾರ ಕೈಗೊಂಡಿದ್ದಾರೆ.