ಶಿಕ್ಷಣ ಬೌದ್ಧಿಕ ವಿಕಾಸಕ್ಕೆ ಹಾದಿಮಾಡಿಕೊಡುವ ಮಾಧ್ಯಮ-ಕಂದಾಯ ಜಿಲ್ಲಾ ಪ್ರವೇಶೋತ್ಸವದಲ್ಲಿ ಸಚಿವ ಸನ್ನಿ ಜೋಸೆಫ್ ಅಭಿಪ್ರಾಯ

ಕಾಸರಗೋಡು: ಶಿಕ್ಷಣವು ಮಾನವ ಬೌದ್ಧಿಕ ವಿಕಾಸಕ್ಕೆ ಹಾದಿಮಾಡಿಕೊಡುವ ಮಾಧ್ಯಮವಾಗಿದೆ ಎಂದು ವಿದ್ಯುತ್, ಪರಿಸರ ಮತ್ತು ಸಂಸದೀಯ ವ್ಯವಹಾರಗಳ ಖಾತೆ ಸಚಿವ ಸನ್ನಿ ಜೋಸೆಫ್ ಹೇಳಿದರು. ಅವರು ಕಾಸರಗೋಡು ಜಿಲ್ಲೆ ಕೈಕೊಟ್ಟುಕಡವು ಪಿಎಂಎಸ್‍ಎ ಪೂಕೋಯ ತಙಳ್ ವೊಕೇಶನಲ್ ಹೈಯರ್ ಸೆಕೆಂಡರಿ ಶಾಲೆಯಲ್ಲಿ ಸೋಮವಾರ ಕಂದಾಯ ಜಿಲ್ಲಾ ಮಟ್ಟದ ಶಾಲಾ ಪ್ರವೇಶೋತ್ಸವ ಉದ್ಘಾಟಿಸಿ ಮಾತನಾಡಿದರು. 

ಶಾಸಕ ಸಂದೀಪ್ ವಾರಿಯರ್ ಅಧ್ಯಕ್ಷತೆ ವಹಿಸಿದ್ದರು. ಶಿಕ್ಷಣ ಸಚಿವ ಎಂ. ಶಂಸುದ್ದೀನ್ ಅವರ ಸಂದೇಶವನ್ನು ಆನ್‍ಲೈನ್ ಮೂಲಕ ಬಿತ್ತರಿಸಲಾಯಿತು. ಸಂಸದ ರಾಜಮೋಹನ್ ಉನ್ನಿತಾನ್ ಅವರ ಸಂದೇಶವನ್ನು ಕಾರ್ಯಕ್ರಮದಲ್ಲಿ ಓದಲಾಯಿತು. ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ವಿದ್ಯಾರ್ಥಿಗಳಿಗೆ ಜಿಲ್ಲಾಧಿಕಾರಿ ಅರ್ಜುನ್ ಪಾಂಡಿಯನ್ ಪ್ರಶಸ್ತಿ ವಿತರಿಸಿದರು.

ರಾಜ್ಯ ಅಬಕಾರಿ ಇಲಾಖೆಯ ನೇತೃತ್ವದಲ್ಲಿ ವಿಮುಕ್ತಿ ಮಿಷನ್‍ನ ಅಂಗವಾಗಿ ಮಾದಕ ದ್ರವ್ಯ ವಿರೋಧಿ ಪ್ರತಿಜ್ಞೆಯನ್ನು ಕೈಗೊಳ್ಳಲಾಯಿತು. ವಿಮುಕ್ತಿ ಮಿಷನ್ ಜಿಲ್ಲಾ ಸಂಯೋಜಕಿ ಕೆ.ಎಂ. ಸ್ನೇಹಾ ಪ್ರತಿಜ್ಞೆ ಸ್ವೀಕರಿಸಿದರು.ಪಠ್ಯವನ್ನು ಪಠಿಸಲಾಯಿತು. ನಂತರ, ವಿಮುಕ್ತಿ ಮಿಷನ್‍ನ ಮಾದಕ ದ್ರವ್ಯ ವಿರೋಧಿ ಅಭಿಯಾನದ ನೋಟಿಸ್ ವಿತರಣೆಯನ್ನು ಶಾಸಕ ಸಂದೀಪ್ ವಾರಿಯರ್ ಅವರು ಶಾಲಾ ಪ್ರಾಂಶುಪಾಲ ಪಿ. ಹಮೀದ್ ಮಾಸ್ಟರ್ ಅವರಿಗೆ ನೀಡುವ ಮೂಲಕ ಉದ್ಘಾಟಿಸಿದರು.

ಈ ಸಂದರ್ಭ ವಿದ್ಯಾರ್ಥಿಗಳು ಮಾದಕ ದ್ರವ್ಯ ವಿರೋಧಿ ಪ್ರತಿಜ್ಞೆ ಸ್ವೀಕರಿಸಿದರು. ವಿಮುಕ್ತಿ ಮಿಷನ್ ಜಿಲ್ಲಾ ಸಂಯೋಜಕಿ ಕೆ.ಎಂ. ಸ್ನೇಹಾ ಪ್ರತಿಜ್ಞೆ ಬೋಧಿಸಿದರು. ಎಸ್‍ಎಸ್‍ಎಲ್‍ಸಿ ಪರೀಕ್ಷೆಯಲ್ಲಿ ಎ ಪ್ಲಸ್ ಪಡೆದ ವಿದ್ಯಾರ್ಥಿಗಳು ಮತ್ತು ಎನ್‍ಎಂಎಂಎಸ್, ಯುಎಸ್‍ಎಸ್, ಎಲ್‍ಎಸ್‍ಎಸ್, ವಿಎಚ್‍ಎಸ್‍ಇ ಪರೀಕ್ಷೆಗಳಲ್ಲಿ ಹೆಚ್ಚಿನ ಯಶಸ್ಸು ಸಾಧಿಸಿದ ವಿದ್ಯಾರ್ಥಿಗಳನ್ನು ಸನ್ಮಾನಿಸಲಾಯಿತು.

ನೀಲೇಶ್ವರಂ ಬ್ಲಾಕ್ ಪಂಚಾಯಿತಿ ಅಧ್ಯಕ್ಷ ಸಿ.ಎಂ. ಮೀನಾಕುಮಾರಿ, ತೃಕರಿಪುರ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಸಜಿತಾ ಸಫರುಲ್ಲಾ ಒಳವರ, ಬ್ಲಾಕ್ ಪಂಚಾಯಿತಿ ಸದಸ್ಯೆ ವಿ.ಪಿ. ಸುನೀರ, ಕೈಕೊಟ್ಟುಕಡವು ವಾರ್ಡ್ ಸದಸ್ಯ ಎಂ.ಟಿ. ಅಬ್ದುರಹ್ಮಾನ್, ತೃಕರಿಪುರ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷ ಎಂ.ರಾಜೀಶ್ ಬಾಬು, ತೃಕರಿಪುರ ಗ್ರಾಮ ಪಂಚಾಯಿತಿ ಆರೋಗ್ಯ ಶಿಕ್ಷಣ ಸ್ಥಾಯಿ ಸಮಿತಿ ಅಧ್ಯಕ್ಷ ಎಂ.ಕೆ. ಪ್ರಸನ್ನ, ಕಾಸರಗೋಡು ಪ್ರಾಂಶುಪಾಲ ಡಯಟ್ ರಘುರಾಮ್ ಭಟ್, ಎಡಿವಿಎಚ್‍ಎಸ್ ಇ. ಉದಯಕುಮಾರಿ, ಡಿಪಿಸಿ ಬಿಜುರಾಜ್, ಚೆರುವತ್ತೂರು ಎಇಒ ರಮೇಶವಿ ಉಪಸ್ಥಿತರಿದ್ದರು. 

ಪ್ರಭಾರ ಶಿಕ್ಷಣ ಇಲಾಖೆಯ ಉಪನಿರ್ದೇಶಕಿ ಪಿ.ಸವಿತಾ ಸ್ವಾಗತಿಸಿದರು.  ಮುಖ್ಯಶಿಕ್ಷಕ ಪಿ.ಹಮೀದ್ ವಂದಿಸಿದರು.