Telegram ಆಪ್‌ನಲ್ಲಿ Last Seen ಹೈಡ್ ಮಾಡುವುದು ಹೇಗೆ ಗೊತ್ತಾ?

 ಇಂದಿನ ಡಿಜಿಟಲ್ ಯುಗದಲ್ಲಿ ಪ್ರೈವೆಸಿ ಎಂಬುದು ಪ್ರತಿಯೊಬ್ಬ ಬಳಕೆದಾರರಿಗೂ ಅತ್ಯಂತ ಮುಖ್ಯವಾಗಿದೆ. ವಾಟ್ಸಾಪ್‌, ಟೆಲಿಗ್ರಾಮ್‌ ಸೇರಿದಂತೆ ಹಲವು ಮೆಸೇಜಿಂಗ್ ಆಪ್‌ಗಳು ಬಳಕೆದಾರರಿಗೆ ತಮ್ಮ ವೈಯಕ್ತಿಕ ಮಾಹಿತಿಯನ್ನು ನಿಯಂತ್ರಿಸುವ ಅವಕಾಶವನ್ನು ನೀಡುತ್ತವೆ. ಅದರಲ್ಲೂ ಟೆಲಿಗ್ರಾಮ್‌ ತನ್ನ ಸುಧಾರಿತ ಪ್ರೈವಸಿ ಫೀಚರ್‌ಗಳಿಂದ ಹೆಚ್ಚು ಜನಪ್ರಿಯವಾಗಿದೆ. ನೀವು ಯಾವಾಗ ಆನ್‌ಲೈನ್ ಇದ್ದಿರಿ ಅಥವಾ ಕೊನೆಯದಾಗಿ ಯಾವಾಗ ಟೆಲಿಗ್ರಾಮ್‌ ಬಳಸಿದ್ದೀರಿ ಎಂಬ ಮಾಹಿತಿಯನ್ನು ಇತರರು ನೋಡದಂತೆ ಮಾಡಲು Last Seen ಸೆಟ್ಟಿಂಗ್ ಸಹಾಯ ಮಾಡುತ್ತದೆ. ಈ ಫೀಚರ್ ಮೂಲಕ ನಿಮ್ಮ ಆನ್‌ಲೈನ್ ಚಟುವಟಿಕೆಯನ್ನು ಖಾಸಗಿಯಾಗಿ ಇಟ್ಟುಕೊಳ್ಳಬಹುದು. ಹಾಗಾದರೆ ಟೆಲಿಗ್ರಾಮ್‌ನಲ್ಲಿ ಲಾಸ್ಟ್‌ ಸೀನ್‌ ಅನ್ನು ಮರೆಮಾಡುವುದು ಹೇಗೆ ಎನ್ನುವ ಕುರಿತು ಮುಂದೆ ತಿಳಿಯೋಣ.

Last Seen ಮರೆಮಾಡುವ ಆಯ್ಕೆ

ಟೆಲಿಗ್ರಾಮ್‌ ಆಪ್‌ನಲ್ಲಿ ನಿಮ್ಮ ಲಾಸ್ಟ್‌ ಸೀನ್‌ ಮಾಹಿತಿಯನ್ನು ಮರೆಮಾಡುವುದರಿಂದ ಅನಗತ್ಯ ಮೆಸೆಜ್‌ಗಳು, ನಿರಂತರ ಆನ್‌ಲೈನ್ ಟ್ರ್ಯಾಕಿಂಗ್ ಹಾಗೂ ಗೌಪ್ಯತೆ ಸಂಬಂಧಿತ ಸಮಸ್ಯೆಗಳನ್ನು ತಪ್ಪಿಸಬಹುದು. ವಿಶೇಷವಾಗಿ ಕೆಲಸ, ವೈಯಕ್ತಿಕ ಜೀವನ ಅಥವಾ ಸಾಮಾಜಿಕ ಮಾಧ್ಯಮ ಬಳಕೆಯಲ್ಲಿ ಹೆಚ್ಚು ಖಾಸಗಿತನ ಬಯಸುವವರಿಗೆ ಈ ಫೀಚರ್ ತುಂಬಾ ಉಪಯುಕ್ತವಾಗಿದೆ. ಕೆಲವೇ ಸರಳ ಹಂತಗಳಲ್ಲಿ ಈ ಸೆಟ್ಟಿಂಗ್ ಅನ್ನು ಬದಲಾಯಿಸಿ ನಿಮ್ಮ ಟೆಲಿಗ್ರಾಮ್‌ ಖಾತೆಯ ಸುರಕ್ಷತೆಯನ್ನು ಹೆಚ್ಚಿಸಬಹುದು.

ಟೆಲಿಗ್ರಾಮ್‌ನಲ್ಲಿ ಲಾಸ್ಟ್‌ ಸೀನ್‌ ಮರೆಮಾಡುವುದು ಹೇಗೆ?

ಹಂತ 1. ಟೆಲಿಗ್ರಾಮ್‌ ಆಪ್‌ ತೆರೆಯಿರಿ.

ಹಂತ 2. ಮೇಲಿನ ಎಡಭಾಗದಲ್ಲಿರುವ 3 dot ಮೆನು ಆಯ್ಕೆಮಾಡಿ.

ಹಂತ 3. Settings ಗೆ ಹೋಗಿ.

ಹಂತ 4. ನಂತರ Privacy and Security ಆಯ್ಕೆ ಮಾಡಿ.

ಹಂತ 5. ಅಲ್ಲಿ Last Seen & Online ಎಂಬ ಆಯ್ಕೆಯನ್ನು ತೆರೆಯಿರಿ.

ಹಂತ 6. ಬಳಿಕ ನಿಮಗೆ ಈ ಕೆಳಗಿನ ಮೂರು ಆಯ್ಕೆಗಳು ಕಾಣಿಸುತ್ತವೆ:

– Everybody

– My Contacts

– Nobody

ಹಂತ 7. ಈ ಆಯ್ಕೆಗಳಲ್ಲಿ ಲಾಸ್ಟ್‌ ಸೀನ್‌ ಅನ್ನು ಯಾರೂ ನೋಡಬಾರದೆಂದರೆ Nobody ಆಯ್ಕೆ ಮಾಡಿ.

ಹಂತ 8. ಅಗತ್ಯವಿದ್ದರೆ ಕೆಲವು ವ್ಯಕ್ತಿಗಳಿಗೆ ಮಾತ್ರ ಅನುಮತಿ ನೀಡಲು ಅಥವಾ ನಿರ್ಬಂಧಿಸಲು Add Exceptions ಆಯ್ಕೆಯನ್ನು ಬಳಸಬಹುದು.

ಕೊನೆಯ ಮಾತು

ಟೆಲಿಗ್ರಾಮ್‌ ಬಳಕೆದಾರರ ಗೌಪ್ಯತೆಗೆ ಹೆಚ್ಚಿನ ಮಹತ್ವ ನೀಡುತ್ತದೆ. ಲಾಸ್ಟ್‌ ಸೀನ್‌ ಅನ್ನು ಮರೆಮಾಡುವ ಮೂಲಕ ನಿಮ್ಮ ಆನ್‌ಲೈನ್ ಚಟುವಟಿಕೆಗಳ ಮೇಲೆ ಹೆಚ್ಚಿನ ನಿಯಂತ್ರಣ ಪಡೆಯಬಹುದು. ಕೆಲವೇ ಹಂತಗಳಲ್ಲಿ ಈ ಸೆಟ್ಟಿಂಗ್ ಅನ್ನು ಬದಲಾಯಿಸಬಹುದಾಗಿದ್ದು, ನಿಮ್ಮ ಖಾಸಗಿತನವನ್ನು ಇನ್ನಷ್ಟು ಸುರಕ್ಷಿತವಾಗಿರಿಸಬಹುದು. ಇದರೊಂದಿಗೆ ನಿರ್ದಿಷ್ಟ ವ್ಯಕ್ತಿಗಳಿಗೆ ಮಾತ್ರ ನಿಮ್ಮ ಆನ್‌ಲೈನ್ ಮಾಹಿತಿ ಕಾಣಿಸುವಂತೆ ಕಸ್ಟಮೈಸ್ ಮಾಡುವ ಅವಕಾಶವೂ ಟೆಲಿಗ್ರಾಮ್‌ ನೀಡಿದೆ.