WhatsApp Call ರೆಕಾರ್ಡ್ ಮಾಡೋದು ಹೇಗೆ? ಸ್ಮಾರ್ಟ್‌ಫೋನ್ ಬಳಕೆದಾರರಿಗೆ ಇಲ್ಲಿದೆ ಸ್ಮಾರ್ಟ್ ಟಿಪ್ಸ್

 

WhatsApp calls Record: ಮುಖ್ಯವಾದ ಕೆಲಸದ ಕರೆಯಿರಲಿ, ಅಥವಾ ಪ್ರೀತಿಪಾತ್ರರ ಜೊತೆಗಿನ ಮಧುರವಾದ ಮಾತುಕತೆಯಿರಲಿ, ಕೆಲವೊಮ್ಮೆ WhatsApp ಕರೆಗಳನ್ನು ರೆಕಾರ್ಡ್ ಮಾಡಿ ಇಟ್ಟುಕೊಳ್ಳಬೇಕು ಅನಿಸುತ್ತದೆ. ಆದರೆ, ಆ್ಯಪ್‌ನಲ್ಲಿ ನೇರವಾಗಿ ರೆಕಾರ್ಡ್ ಮಾಡುವ ಆಯ್ಕೆ ಇಲ್ಲ. ಹಾಗಂತ ಟೆನ್ಶನ್ ಮಾಡಿಕೊಳ್ಳಬೇಡಿ. ಯಾಕಂದ್ರೆ, ಆ ಪ್ರಾಬ್ಲಂಗೆ ಇಲ್ಲಿದೆ ಸೆಲ್ಯೂಶನ್!

WhatsApp Calls Record: ಮುಖ್ಯವಾದ ಕೆಲಸದ ಕರೆಯಿರಲಿ (Call), ಅಥವಾ ಪ್ರೀತಿಪಾತ್ರರ ಜೊತೆಗಿನ ಮಧುರವಾದ ಮಾತುಕತೆಯಿರಲಿ, ಕೆಲವೊಮ್ಮೆ WhatsApp ಕರೆಗಳನ್ನು ರೆಕಾರ್ಡ್ (WhatsApp Calls Recordಮಾಡಿ ಇಟ್ಟುಕೊಳ್ಳಬೇಕು ಅನಿಸುತ್ತದೆ. ಆದರೆ, ಆ್ಯಪ್‌ನಲ್ಲಿ ನೇರವಾಗಿ ರೆಕಾರ್ಡ್ (Record) ಮಾಡುವ ಆಯ್ಕೆ ಇಲ್ಲ. ಹಾಗಂತ ಟೆನ್ಶನ್ ಮಾಡಿಕೊಳ್ಳಬೇಡಿ. ಆಂಡ್ರಾಯ್ಡ್ (Android) ಮತ್ತು ಐಫೋನ್ (iPhone) ಎರಡರಲ್ಲೂ ಕರೆಗಳನ್ನು ರೆಕಾರ್ಡ್ (Call Record) ಮಾಡಲು ಕೆಲವು ಸುಲಭ ಟ್ರಿಕ್‌ಗಳಿವೆ. ಆದರೆ, ಎರಡೂ ಫೋನ್‌ಗಳಿಗೆ ವಿಧಾನ ಸಂಪೂರ್ಣ ಬೇರೆ. ಯಾವ ಫೋನ್‌ನಲ್ಲಿ ಹೇಗೆ ರೆಕಾರ್ಡ್ ಮಾಡಬೇಕು, ಏನೆಲ್ಲ ಎಚ್ಚರಿಕೆ ವಹಿಸಬೇಕು ಅಂತ ಈಗ ಸ್ಟೆಪ್ ಬೈ ಸ್ಟೆಪ್ ಮಾಹಿತಿ ಇಲ್ಲಿದೆ.

ವಾಟ್ಸಾಪ್‌ನಲ್ಲಿ ನೇರ ರೆಕಾರ್ಡಿಂಗ್ ಫೀಚರ್ ಇಲ್ಲ! ಹೌದು, ವಾಟ್ಸಾಪ್‌ನಲ್ಲಿ ಕಾಲ್ ರೆಕಾರ್ಡಿಂಗ್‌ಗೆ ಅಧಿಕೃತ ಆಯ್ಕೆ ಇಲ್ಲ. ಕಂಪನಿ ಬಳಕೆದಾರರ ಗೌಪ್ಯತೆಯನ್ನು ಕಾರಣ ನೀಡಿ ಈ ಫೀಚರ್ ನೀಡಿಲ್ಲ. ಹೀಗಾಗಿ ನೀವು ಕಾಲ್ ರೆಕಾರ್ಡ್ ಮಾಡಬೇಕಾದರೆ ಫೋನ್‌ನಲ್ಲಿರುವ ಇತರ ಸೌಲಭ್ಯಗಳನ್ನು ಬಳಸಬೇಕಾಗುತ್ತದೆ. ಇದರಲ್ಲಿ ಆಂಡ್ರಾಯ್ಡ್ ಮತ್ತು ಐಫೋನ್‌ಗೆ ವಿಧಾನಗಳು ಬೇರೆ ಬೇರೆಯಾಗಿವೆ.

ಆಂಡ್ರಾಯ್ಡ್ ಬಳಕೆದಾರರಿಗೆ ಸುಲಭ ವಿಧಾನ: ಹೆಚ್ಚಿನ ಹೊಸ ಆಂಡ್ರಾಯ್ಡ್ ಫೋನ್‌ಗಳಲ್ಲಿ ಇನ್‌ಬಿಲ್ಟ್ ಸ್ಕ್ರೀನ್ ರೆಕಾರ್ಡರ್ ಇರುತ್ತದೆ. ವಾಟ್ಸಾಪ್ ಕಾಲ್ ಆರಂಭಿಸುವ ಮುನ್ನ ನೋಟಿಫಿಕೇಶನ್ ಪ್ಯಾನಲ್‌ನಿಂದ ಸ್ಕ್ರೀನ್ ರೆಕಾರ್ಡರ್ ಆನ್ ಮಾಡಿ. ಸೆಟ್ಟಿಂಗ್‌ನಲ್ಲಿ ರೆಕಾರ್ಡ್ ಆಡಿಯೋ ಆಯ್ಕೆಯನ್ನು ಮೈಕ್ ಅಥವಾ ಸಿಸ್ಟಮ್ ಸೌಂಡ್ ಎಂದು ಆನ್ ಮಾಡುವುದು ಮುಖ್ಯ. ನಂತರ ವಾಟ್ಸಾಪ್ ಕಾಲ್ ಮಾಡಿ ಮಾತನಾಡಿ. ಕಾಲ್ ಮುಗಿದ ನಂತರ ರೆಕಾರ್ಡಿಂಗ್ ನಿಲ್ಲಿಸಿದರೆ ವಿಡಿಯೋ ಫೈಲ್ ಗ್ಯಾಲರಿಯಲ್ಲಿ ಸೇವ್ ಆಗುತ್ತದೆ. ಇದರಲ್ಲಿ ಆಡಿಯೋ ಜೊತೆಗೆ ಸ್ಕ್ರೀನ್ ಕೂಡ ರೆಕಾರ್ಡ್ ಆಗುತ್ತದೆ.

ಇಂಟರ್ನಲ್ ಆಡಿಯೋ ರೆಕಾರ್ಡ್ ಆಗದಿದ್ದರೆ ಏನು ಮಾಡಬೇಕು? ಕೆಲವು ಆಂಡ್ರಾಯ್ಡ್ ಫೋನ್‌ಗಳಲ್ಲಿ ಸೆಕ್ಯುರಿಟಿ ಕಾರಣದಿಂದ ಇಂಟರ್ನಲ್ ಆಡಿಯೋ ನೇರವಾಗಿ ರೆಕಾರ್ಡ್ ಆಗುವುದಿಲ್ಲ. ಇಂತಹ ಸಂದರ್ಭದಲ್ಲಿ ಕಾಲ್ ಸಮಯದಲ್ಲಿ ಸ್ಪೀಕರ್ ಆನ್ ಮಾಡಿ ಮೈಕ್ ಮೂಲಕ ಧ್ವನಿ ರೆಕಾರ್ಡ್ ಮಾಡಬೇಕಾಗುತ್ತದೆ. ಇದರಿಂದ ಎರಡೂ ಕಡೆಯ ಮಾತು ಕೇಳಿಸುತ್ತದೆ ಆದರೆ ಸುತ್ತಲಿನ ಶಬ್ದವೂ ಸೇರಿಕೊಳ್ಳಬಹುದು. ಆದ್ದರಿಂದ ಶಾಂತವಾದ ಸ್ಥಳದಲ್ಲಿ ಕಾಲ್ ಮಾಡುವುದು ಉತ್ತಮ.

ಥರ್ಡ್ ಪಾರ್ಟಿ ಆಪ್ ಡೌನ್‌ಲೋಡ್ ಮಾಡುವ ಮುನ್ನ ಎಚ್ಚರ: ಪ್ಲೇ ಸ್ಟೋರ್‌ನಲ್ಲಿ ಹಲವು ಕಾಲ್ ರೆಕಾರ್ಡಿಂಗ್ ಆಪ್‌ಗಳು ಸಿಗುತ್ತವೆ. ಆದರೆ ಯಾವುದೇ ಆಪ್ ಇನ್‌ಸ್ಟಾಲ್ ಮಾಡುವ ಮುನ್ನ ಅದರ ಪ್ರೈವಸಿ ಪಾಲಿಸಿ, ಕೇಳುವ ಪರ್ಮಿಷನ್‌ಗಳನ್ನು ಗಮನಿಸಿ. ಹಲವು ನಕಲಿ ಆಪ್‌ಗಳು ನಿಮ್ಮ ಕಾಂಟ್ಯಾಕ್ಟ್, ಮೆಸೇಜ್, ಮೈಕ್ ಆಕ್ಸೆಸ್ ಪಡೆದು ಮಾಹಿತಿ ಕದಿಯುವ ಅಪಾಯವಿದೆ. ಅಧಿಕೃತ ರೇಟಿಂಗ್, ವಿಮರ್ಶೆ ನೋಡಿ ಮಾತ್ರ ಆಪ್ ಬಳಸಿ.

ಐಫೋನ್ ಬಳಕೆದಾರರಿಗೆ ಇರುವ ಆಯ್ಕೆಗಳೇನು? ಆಪಲ್‌ನ ಸೆಕ್ಯುರಿಟಿ ನೀತಿ ತುಂಬಾ ಕಠಿಣವಾಗಿರುವುದರಿಂದ ಐಫೋನ್‌ನಲ್ಲಿ ನೇರ ಕಾಲ್ ರೆಕಾರ್ಡಿಂಗ್ ಸಾಧ್ಯವಿಲ್ಲ. ಬದಲಿಗೆ ಮ್ಯಾಕ್‌ಬುಕ್ ಇದ್ದರೆ ಐಫೋನ್ ಅನ್ನು ಕೇಬಲ್ ಮೂಲಕ ಕನೆಕ್ಟ್ ಮಾಡಿ ಕ್ವಿಕ್‌ಟೈಮ್ ಪ್ಲೇಯರ್‌ನಲ್ಲಿ ನ್ಯೂ ಆಡಿಯೋ ರೆಕಾರ್ಡಿಂಗ್ ಆಯ್ಕೆ ಮಾಡಬಹುದು. ವಾಟ್ಸಾಪ್ ಕಾಲ್ ಸ್ಪೀಕರ್‌ನಲ್ಲಿ ಹಾಕಿ ಮ್ಯಾಕ್ ಮೂಲಕ ರೆಕಾರ್ಡ್ ಮಾಡಬಹುದು. ಇಲ್ಲದಿದ್ದರೆ ಎರಡನೇ ಫೋನ್ ಅಥವಾ ವಾಯ್ಸ್ ರೆಕಾರ್ಡರ್‌ನಲ್ಲಿ ಸ್ಪೀಕರ್ ಮೋಡ್ ಬಳಸಿ ರೆಕಾರ್ಡ್ ಮಾಡುವುದು ಸಾಮಾನ್ಯ ವಿಧಾನ. ಇದರಲ್ಲಿ ಆಡಿಯೋ ಕ್ವಾಲಿಟಿ ಸ್ವಲ್ಪ ಕಡಿಮೆ ಇರುತ್ತದೆ.

ಕಾನೂನು ಮತ್ತು ಅನುಮತಿ ಅತ್ಯಗತ್ಯ: ಯಾವುದೇ ಕಾಲ್ ರೆಕಾರ್ಡ್ ಮಾಡುವ ಮುನ್ನ ಎದುರಿನ ವ್ಯಕ್ತಿಯ ಅನುಮತಿ ಪಡೆಯುವುದು ಬಹಳ ಮುಖ್ಯ. ಭಾರತ ಸೇರಿದಂತೆ ಹಲವು ದೇಶಗಳಲ್ಲಿ ಅನುಮತಿ ಇಲ್ಲದೆ ಖಾಸಗಿ ಸಂಭಾಷಣೆ ರೆಕಾರ್ಡ್ ಮಾಡುವುದು ಕಾನೂನುಬಾಹಿರ ಎಂದು ಪರಿಗಣಿಸಲಾಗುತ್ತದೆ. ಉದ್ಯೋಗ, ಕಾನೂನು ಅಥವಾ ಪುರಾವೆ ಉದ್ದೇಶಕ್ಕೆ ಮಾತ್ರ ಮತ್ತು ಎರಡೂ ಕಡೆಯ ಒಪ್ಪಿಗೆಯೊಂದಿಗೆ ರೆಕಾರ್ಡಿಂಗ್ ಮಾಡಿ.

ರೆಕಾರ್ಡ್ ಮಾಡಿದ ಫೈಲ್ ಸುರಕ್ಷತೆ: ಕಾಲ್ ರೆಕಾರ್ಡಿಂಗ್‌ನಲ್ಲಿ ವೈಯಕ್ತಿಕ, ಬ್ಯಾಂಕ್ ಅಥವಾ ಆಫೀಸ್ ಮಾಹಿತಿ ಇರಬಹುದು. ಹೀಗಾಗಿ ಫೈಲ್‌ಗಳನ್ನು ಲಾಕ್ ಫೋಲ್ಡರ್, ಪಾಸ್‌ವರ್ಡ್ ಪ್ರೊಟೆಕ್ಟೆಡ್ ಡ್ರೈವ್ ಅಥವಾ ಎನ್‌ಕ್ರಿಪ್ಟೆಡ್ ಆಪ್‌ನಲ್ಲಿ ಇಡಿ. ಅನಗತ್ಯವಾಗಿ ವಾಟ್ಸಾಪ್ ಗ್ರೂಪ್ ಅಥವಾ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳಬೇಡಿ. ಅಗತ್ಯ ಮುಗಿದ ನಂತರ ಡಿಲೀಟ್ ಮಾಡುವುದು ಉತ್ತಮ ಅಭ್ಯಾಸ.

ಒಟ್ಟಾರೆಯಾಗಿ, WhatsApp ಕರೆ ರೆಕಾರ್ಡ್ ಮಾಡುವುದು ತಾಂತ್ರಿಕವಾಗಿ ಸಾಧ್ಯ, ಆದರೆ ಅದಕ್ಕೂ ಮುನ್ನ ಒಂದು ಮುಖ್ಯ ವಿಷಯ ನೆನಪಿಡಿ. ಯಾವುದೇ ಕರೆಯನ್ನು ರೆಕಾರ್ಡ್ ಮಾಡುವ ಮೊದಲು, ಎದುರಿನ ವ್ಯಕ್ತಿಯ ಅನುಮತಿ ಪಡೆಯುವುದು ಕಡ್ಡಾಯ. ಇದು ಕೇವಲ ಸಭ್ಯತೆಯಲ್ಲ, ಹಲವು ದೇಶಗಳಲ್ಲಿ ಕಾನೂನು ಕೂಡ ಹೌದು.!