ಮಾನ್ಸೂನ್ ಬಂಪರ್ ಲಾಟರಿಯಲ್ಲಿ ಮೊದಲ ಬಹುಮಾನ ತೊಟ್ಟಡ ನಿವಾಸಿಗೆ: ಹೆಸರು ಬಹಿರಂಗಪಡಿಸಲು ಇಚ್ಚಿಸದ ವಿಜೇತ

ಕಣ್ಣೂರು: ಮಾನ್ಸೂನ್ ಬಂಪರ್ ಲಾಟರಿಯಲ್ಲಿ ಕಣ್ಣೂರು ಪಾಲಿಕೆ ವ್ಯಾಪ್ತಿಯ ತೊಟ್ಟಡ ನಿವಾಸಿಗೆ ಮೊದಲ ಬಹುಮಾನ ಲಭಿಸಿದೆ. ಅದೃಷ್ಟಶಾಲಿ ವಿಜೇತರಾಗಲಿ ಅಥವಾ ಅವರ ಕುಟುಂಬವಾಗಲಿ ತಮ್ಮ ಹೆಸರನ್ನು ಬಹಿರಂಗಪಡಿಸಲು ಬಯಸಿಲ್ಲ.  

ತೊಟ್ಟಡ ಪೇಟೆಯಿಂದ ಖರೀದಿಸಿದ ಟಿಕೆಟ್ ಸಂಖ್ಯೆ ಎಂಸಿ 576896, ಮೊದಲ ಬಹುಮಾನ 10 ಕೋಟಿ ರೂ.ಗಳನ್ನು ಗೆದ್ದಿದೆ. ಬಂಪರ್ ಅನ್ನು ಸಾಮಾನ್ಯ ಕುಟುಂಬವೊಂದು ಗೆದ್ದಿದೆ. ಸೋಮವಾರ ಬೆಳಿಗ್ಗೆ ಅವರು ಟಿಕೆಟ್ ಅನ್ನು ಬ್ಯಾಂಕಿಗೆ ಹಸ್ತಾಂತರಿಸುವ ಸಾಧ್ಯತೆಯಿದೆ. ತೊಟ್ಟಡದಲ್ಲಿ ಕಾವೇರಿ ಉಪ-ಏಜೆನ್ಸಿ ಸ್ಟಾಲ್ ನಡೆಸುತ್ತಿರುವ ಬಂಗಾಳ ಮೂಲದವರಿಂದ ಟಿಕೆಟ್ ತೆಗೆದುಕೊಳ್ಳಲಾಗಿದೆ.

ಕಣ್ಣೂರು ಕಾವೇರಿ ಏಜೆನ್ಸಿ ತೊಟ್ಟಡದಲ್ಲಿ ಮಾರಾಟಕ್ಕೆ ಟಿಕೆಟ್ ನೀಡಿತ್ತು. 10 ಕೋಟಿ ರೂ.ಗಳ ಮೊದಲ ಬಹುಮಾನ ಗೆದ್ದ ನಂತರ, ಬಂಗಾಳ ಮೂಲದ ಏಜೆಂಟ್ ತೊಟ್ಟಡದಲ್ಲಿರುವ ಕಾವೇರಿ ಸ್ಟಾಲ್ ಅನ್ನು ಮುಚ್ಚಿ ಸ್ಥಳದಿಂದ ತೆರಳಿರುವರು. ಕಣ್ಣೂರಿನಲ್ಲಿರುವ ಮುಖ್ಯ ಏಜೆಂಟರನ್ನು ಭೇಟಿ ಮಾಡಲು ಮತ್ತು ಮಾಧ್ಯಮಗಳ ಕಣ್ತಪ್ಪಿಸಲು ಅವರು ಸ್ಥಳದಿಂದ ತೆರಳಿದರು ಎಂದು ತಿಳಿದುಬಂದಿದೆ.