ನಕಲಿ ಯುಎಸ್ ರಕ್ಷಣಾ ಯೋಜನೆ ಹೂಡಿಕೆ ಹಗರಣ: ಸಿಬಿಐ ತನಿಖೆ ಕೋರಿ ಸಲ್ಲಿಸಲಾದ ಅರ್ಜಿಯ ಕುರಿತು ವರದಿ ಕೋರಿದ ಹೈಕೋರ್ಟ್

ಕೊಚ್ಚಿ: ನಕಲಿ ಯುಎಸ್ ರಕ್ಷಣಾ ಯೋಜನೆಗೆ ಸಂಬಂಧಿಸಿದ 700 ಕೋಟಿ ರೂ. ಹೂಡಿಕೆ ಹಗರಣದ ಬಗ್ಗೆ ಸಿಬಿಐ ತನಿಖೆ ಕೋರಿ ಸಲ್ಲಿಸಲಾದ ಅರ್ಜಿಯ ಕುರಿತು ಹೈಕೋರ್ಟ್ ರಾಜ್ಯ ಪೋಲೀಸರಿಂದ ವರದಿ ಕೋರಿದೆ. ಹಣವನ್ನು ಕಳೆದುಕೊಂಡ ನಿವೃತ್ತ ಲೋಕೋಪಯೋಗಿ ಇಲಾಖೆಯ ಕಾರ್ಯನಿರ್ವಾಹಕ ಎಂಜಿನಿಯರ್ ಎ. ಹರಿಕೃಷ್ಣನ್ ಸಲ್ಲಿಸಿದ ಅರ್ಜಿಯನ್ನು ಆಗಸ್ಟ್ 18 ರಂದು ಪರಿಗಣನೆಗೆ ಮುಂದೂಡಲಾಗಿದೆ. ಲಾಭದಾಯಕ ಉಪ ಗುತ್ತಿಗೆಗಳು, ಅಮೆರಿಕದಲ್ಲಿ ಉದ್ಯೋಗಾವಕಾಶಗಳು ಮತ್ತು ಕುಟುಂಬ ಸದಸ್ಯರಿಗೆ ವೀಸಾಗಳನ್ನು ಭರವಸೆ ನೀಡುವ ಮೂಲಕ 1 ಕೋಟಿ ರೂ. ಹೂಡಿಕೆ ಮಾಡಲು ಆಮಿಷವೊಡ್ಡಲಾಗಿದೆ ಎಂದು ಅರ್ಜಿದಾರರು ಹೇಳಿದ್ದಾರೆ. 

ವಿಪಿವಿವಿ ಟೆಕ್ನೋ ಕನ್ಸ್ಟ್ರಕ್ಷನ್ ಎಂಬ ಕಂಪನಿಯು ಅಮೆರಿಕ ಸರ್ಕಾರದೊಂದಿಗೆ 83,000 ಕೋಟಿ ರೂ. ಮೌಲ್ಯದ ರಕ್ಷಣಾ ಒಪ್ಪಂದವನ್ನು ಗೆದ್ದಿರುವುದಾಗಿ ಹೇಳಿಕೊಂಡು ಭಾರತದಾದ್ಯಂತ ಹೂಡಿಕೆದಾರರಿಂದ ಸುಮಾರು 700 ಕೋಟಿ ರೂ.ಗಳನ್ನು ವಂಚಿಸಿದೆ. ಆದಾಗ್ಯೂ, ಅಂತಹ ಯಾವುದೇ ಒಪ್ಪಂದ ಅಸ್ತಿತ್ವದಲ್ಲಿಲ್ಲ ಎಂದು ನಂತರ ತಿಳಿದುಬಂದಿದೆ. ತಿರುವನಂತಪುರಂ ವೈದ್ಯಕೀಯ ಕಾಲೇಜು ಪೆÇಲೀಸರು ಪ್ರಸ್ತುತ ತನಿಖೆ ನಡೆಸುತ್ತಿರುವ ಪ್ರಕರಣವನ್ನು ಸಿಬಿಐಗೆ ಹಸ್ತಾಂತರಿಸಬೇಕೆಂದು ಅರ್ಜಿದಾರರು ಒತ್ತಾಯಿಸಿದ್ದಾರೆ, ಹಗರಣವು ಅಂತರರಾಷ್ಟ್ರೀಯ ಸ್ವರೂಪದ್ದಾಗಿರುವುದು ಕಾರಣವಾಗಿದೆ.